02/06/2017 11:52 GMT+7 Email Print Like 0

ທ່ານປະທານປະເທດເຈີນດ້າຍກວາງຕ້ອນຮັບສະມາຊິກສະພາສູງອາເມລິກາJohn McCain

      ຕອນບ່າຍວັນທີ 1 ມີຖຸນາ, ຢູ່ ທຳນຽບປະທານປະເທດ, ທ່ານປະທານປະເທດເຈີນດ້າຍກວາງໄດ້ຕ້ອນຮັບສະມາຊິກສະພາສູງ ອາເມລິກາ John McCain ພວມຢ້ຽມຢາມ ແລະ ເຮັດວຽກຢູ່ ຫວຽດນາມ. 
ທ່ານປະທານປະເທດເຈີນດ້າຍກວາງຕ້ອນຮັບສະມາຊິກສະພາສູງອາເມລິກາJohn McCain
      ທີ່ການຕ້ອນຮັບ, ທ່ານປະທານປະເທດ ຢືນຢັນ: ຫວຽດນາມ ຖືອາເມລິກາ ແມ່ນຫນຶ່ງໃນບັນດາຄູ່ຮ່ວມມືສຳຄັນແຖວຫນ້າ, ພ້ອມແລ້ວ ແລະ ປາດຖະຫນາຢາກສືບຕໍ່ຊຸກຍູ້ການພົວພັນຄູ່ຮ່ວມມືຮອບດ້ານ ຫວຽດນາມ - ອາເມລິກາ ບົນພື້ນຖານເຄົາລົບລະບອບການເມືອງຂອງກັນ, ຕ່າງຝ່າຍຕ່າງມີຜົນປະໂຫຍດ, ເພື່ອສັນຕິພາບ, ສະຖຽນລະພາບ ແລະ ພັດທະນາຢູ່ພາກພື້ນ. ທ່ານປະທານປະເທດ ສະເຫນີ ສະພາແຫ່ງຊາດ ອາເມລິກາ ສືບຕໍ່ສະຫນັບສະຫນູນເລື່ອງຍົກເລີກລາຍການກວດກາປາຫນັງຂອງກະຊວງກະສິກຳ ແລະ ສືບຕໍ່ຫນູນຊ່ວຍຫວຽດນາມ ສຳເລັດການລ້າງທາດພິດຢູ່ສະຫນາມບິນ ດາຫນັງ ແລະ ຜັນຂະຫຍາຍການລ້າງພິດຢູ່ສະຫນາມບິນ ບຽນຮ່ວາ. ສ່ວນທ່ານ John McCain ສະຫນັບສະຫນູນການແກ້ໄຂບັນດາຄວາມຂັດແຍ້ງກັນຢູ່ທະເລຕາເວັນອອກໂດຍສັນຕິວິທີ ບົນພື້ນຖານກົດໝາຍສາກົນ ແລະ ມີຄວາມເຊື່ອໝັ້ນວ່າ ການຮ່ວມມື ລະຫວ່າງ ອາເມລິກາ ແລະ ຫວຽດນາມ ໃນທຸກຂົງເຂດຈະນັບມື້ນັບປະສົບຜົນສຳເລັດ. 
 (ແຫຼ່ງຄັດຈາກ VOV)
ບັນດາບົດທີ່ຖືກນຳສະເໜີ