26/12/2014 11:11 GMT+7 Email Print Like 0

ທ່ານປະທານປະເທດຫວຽດນາມ ເຈືອງເຕິ້ນຊາງ ສິ້ນສຸດການຢ້ຽມຢາມທາງລັດຖະກິດ ເຖິງ ກຳປູເຈຍ

(ທ່ານ​ປະທານ​ປະ​ເທດ​ຫວຽດນາມ ໂອ້​ລົ​ມ​ກັບພະນັກງານ, 
ພາລະ​ກອນ​ລັດຖະກອນ ສະຖານທູດຫວຽດນາມ ປະຈຳ​ ກຳປູ​ເຈຍ)

ຕອນ​ຄຳ່​ວັນ​ທີ 24/12, ທ່ານ​ປະທານ​ປະ​ເທດ​ຫວຽດນາມ ເຈືອງ​ເຕິ້ນຊາງ ໄດ້​ເດີນທາງ​ອອກຈາກ​ນະຄອນຫຼວງພະນົມ​ເປັນ ສິ້ນ​ສຸດ​ການ​ຢ້ຽມຢາມ​ທາງ​ລັດຖະກິດ​ເຖິງລາຊະ​ອານາຈັກ​ກຳປູ​ເຈຍ ຢ່າງ​ຈົບງາມໃນ​ລະຫວ່າງ​ວັນ​ທີ 23-24/12, ຕາມ​ຄຳ​ເຊີນ​ຂອງ​ພະ​ບາດ​ສົມ​ເດັດ ພະ​ບໍລົມ​ມະນຽດ ໂນ​ໂຣດົມ ສີຫະ​ໂມ​ນີ, ກະສັດ​ແຫ່ງ​ລາຊະ​ອານາຈັກ​ກຳປູ​ເຈຍ. ກ່ອນ​ໜ້າ​ນັ້ນ, ທ່ານ​ປະທານ​ປະ​ເທດ​ຫວຽດນາມ ໄດ້​ໄປ​ຢ້ຽມຢາມ ແລະ ໂອ້​ລົ​ມ​ກັບ​ພະນັກງານ, ພາລະ​ກອນ​ລັດຖະກອນ ສະຖານທູດຫວຽດນາມ ປະຈຳ​ກຳປູ​ເຈຍ; ບັນດາ​ອົງການທີ່​ຄຽງ​ຂ້າງ​ສະຖານທູດ; ຜູ້ຕາງໜ້າ​ປະຊາ​ຄົມ​ຊາວ​ຫວຽດນາມ ແລະ ຜູ້ຕາງໜ້າ​ວິ​ສາ​ຫະກິດ​ຫວຽດ​ນາມທີ່ ພວມ​ລົງທຶນ ແລະ ດຳ​ເນີນ​ທຸລະ​ກິດ​ຢູ່ກຳ​ປູ​ເຈຍ. ທ່ານ​ປະທານ​ປະ​ເທດ​ຫວຽດນາມ ເຈືອງ​ເຕິ້ນຊາງ ຕັກ​ເຕື່ອນປະຊາ​ຄົມ​ຊາວ​ຫວຽດນາມ​ ອາ​ໄສ​ຢູ່ກຳ​ປູ​ເຈຍ ສືບ​ຕໍ່​າ​ມູນ​ເຊື້ອ​ສາມັກຄີ, ຊ່ວຍ​ເຫຼືອ​ເຊິ່ງກັນ ແລະ ກັນ, ບືນຕົວ​ຂຶ້ນ​ໃນ​ການ​ດຳລົງ​ຊີວິດ, ເຊື່ອມ​ໂຍງ​ເຂົ້າ​ກັບ​ການ​ດຳລົງ​ຊີວິດ​ຢູ່ກຳ​ປູ​ເຈຍ ​​ແຕ່​ຍາມ​ໃດ​ກໍ່​ອວາຍ​ໜ້າ​ເມືອ​ປະ​ເທດ​ຊາດ; ເຄົາລົບ​ຮີດຄອງ​ປະ​ເພນີ​ຂອງ​ກຳປູ​ເຈຍ, ປະຕິບັດ​ກົດໝາຍ​ຂອງ​ກຳປູ​ເຈຍ​ເປັນ​ຢ່າງ​ດີ, ສ້າງ​​ຄວາມ​ສະດວກ​ໃຫ້​ແກ່​ອຳນາດ​ການ​ປົກຄອງ​ກຳປູ​ເຈຍ​ ໃນ​ການ​ຄຸ້ມ​ຄອງ​ທາງ ສັງຄົມ.

     ເມື່ອ​ຕອບ​ສຳ​ພາດ​ຕໍ່​ນັກ​ຂ່າວ​ເນື່ອງ​ໃນ​ໂອກາດທ່ານ​ປະທານ​ປະ​ເທດ ຫວຽດນາມ ເຈືອງ​ເຕິ້ນຊາງ ສິ້ນ​ສຸດການ​ຢ້ຽມຢາມ​ທາງ​ລັດຖະກິດ​ເຖິງ​ລາຊະ​ອານາຈັກກຳປູ​ເຈຍ ຢ່າງ​ຈົບງາມ, ທ່ານລັດຖະມົນຕີ​ຊ່ວຍ​ວ່າການກະຊວງ​ການ​ຕ່າງປະ​ເທດ ໂຮ່ຊວນ​ເຊີນ ຢືນ​ຢັ້ນວ່າ: ບັນດາ​ໝາກຜົນ​ທີ່​ບັນລຸ​ໄດ້​ໃນ​ການ​ຢ້ຽມຢາມ​ຄັ້ງ​ນີ້ແມ່ນ​ສຳຄັນ​ທີ່​ສຸດ ແລະ ແມ່ນ​ການ​ກຳນົດ​ທິດ​ອັນ​ໃຫຍ່​​ເພື່ອໃຫ້ການ​ພົວພັນ 2 ປະ​ເທດ​ສືບ​ຕໍ່​ພັດທະນາ​ຢ່າງ​ໝັ້ນຄົງ​ໃນ​ໄລຍະ​ຈະ​ມາ​ເຖິງ.

 (ແຫຼ່ງຄັດຈາກ VOV)

ບັນດາບົດທີ່ຖືກນຳສະເໜີ