21/02/2014 12:06 GMT+7 Email Print Like 0

ທະຫານຊາຍແດນແຫ່ງເຂດດິນແດນລ້າງ

ຖ້າໄດ້ຂຶ້ນໄປເຂດຊາຍແດນລ້າງເຊີນເທື່ອໜຶ່ງ, ໄດ້ເຂົ້າຮ່ວມຊີວິດການເປັນຢູ່ຂອງ
ທະຫານຊາຍແດນ, ແນ່ນອນວ່າ ຍາກທີ່ຈະລືມໄດ້ນ້ຳໃຈຂອງທະຫານຊາຍແດນ
ມອບໃຫ້ພໍ່ແມ່ປະຊາຊົນເຂດຊາຍແດນຂອງປະເທດຊາດ.

 

ທະຫານຊາຍແດນແຂວງລ້າງເຊີນ ໄດ້ຮັບໜ້າທີ່ຄຸ້ມຄອງ, ປົກປ້ອງເສັ້ນທາງຊາຍແດນ 231.740 ກິໂລແມັດ, ຕາແສງ 20 ກວ່າແຫ່ງ, ຕົວເມືອງນ້ອຍແຫ່ງໜຶ່ງດ້ວຍ 247 ບ້ານ.
ເພື່ອປະຕິບັດການເພີ່ມທະວີວຽກງານຂົນຂວາຍປະຊາຊົນໃນໄລຍະໃໝ່, ທະຫານຊາຍແດນແຂວງ ລ້າງເຊີນ ໄດ້ຂົນຂວາຍປະຊາຊົນປະຕິບັດ ກົດໝາຍຊາຍແດນແຫ່ງຊາດ, ແຈກເອກະສານ 11.308 ສະບັບທີ່ມີເນື້ອໃນໂຄສະນາເຜີຍແຜ່ກ່ຽວກັບຊາຍແດນອານາເຂດ ໃຫ້ແກ່ ປະຊາຊົນເຂດຊາຍແດນ, ເຂົ້າຮ່ວມໃນການຊ່ວຍເຫຼືອປະຊາຊົນພັດທະນາເສດຖະກິດ-ສັງຄົມເປັນຢ່າງດີ…
ພວກອ້າຍໄດ້ສົ່ງພະນັກງານ ແລະ ນັກຮົບ 864 ກວ່າເທື່ອຄົນລົງໄປທ້ອງຖິ່ນເພື່ອຕິດຕາມສະພາບການເປັນຢູ່ຂອງປະຊາຊົນ ແລ້ວສະໜອງ ຂ່າວ ໃຫ້ແກ່ທະຫານຊາຍແດນ. ເພາະສະນັ້ນ ຄ້າຍທະຫານທຸກແຫ່ງໄດ້ສຳເລັດວຽກງານທີ່ ປຶກສາ, ແກ້ໄຂບັນດາກໍລະນີທີ່ເກິດຂຶ້ນຢູ່ຊາຍແດນ ໂດຍດີ, ປະກອບສ່ວນຮັກສາຄວາມໝັ້ນຄົງໃຫ້ແກ່ປະຊາຊົນຢູ່ທີ່ນີ້. 

ທະຫານຊາຍແດນ ລ້າງເຊີນ ໄປລາດຕະເວນກວດການຊາຍແດນ. ພາບ: ເອກະສານ

ຫຼັກໝາຍຊາຍແດນ. ພາບ: ເອກະສານ

ທະຫານຊາຍແດນ ຫວຽດນາມ ແລະ ຈີນ ໄປລາດຕະເວນກວດກາຊາຍແດນຮ່ວມກັນ. ພາບ: ເອກະສານ


ຄະນະປະຕິບັດງານຂອງກົມຂົນຂວາຍປະຊາຊົນ, ກະຊວງປ້ອງກັນປະເທດ ຖ່າຍຮູບຢູ່ດ່ານຊາຍແດນສາກົນ ຫືວງີ້. ພາບ: ເຈີ່ນແທງຢາງ

ກະກຽມກ່ອນທີ່ຈະອອກເດີນທາງໄປທຳໜ້າທີ່. ພາບ: ເຈີ່ນແທງຢາງ

ທະຫານຢູ່ດ່ານຊາຍແດນສາກົນ ຫືວງີ້ ແຈ້ງເອກະສານເຂົ້າອອກເມືອງໃຫ້ປະຊາຊົນ ແລະ ນັກທ່ອງທ່ຽວ. ພາບ: ເຈີ່ນແທງຢາງ

ໃນຊົ່ວໂມງດຳເນີນຊີວິດດ້ານວັດທະນະທຳຂອງທະຫານ ຊາຍແດນ ລ້າງເຊີນ. ພາບ: ເຈີ່ນແທງຢາງ

ທະຫານຊາຍແດນເຂົ້າຮ່ວມໃນການປູກຜັກ. ພາບ: ເຈີ່ນແທງຢາງ
ມາຍັງດ່ານຊາຍແດນ ເຕິນແທງ, ຫືວງີ, ຈີມາ, ພວກຂ້າພະເຈົ້າໄດ້ມີໂອກາດເຂົ້າໃຈກວ່າຕໍ່ວຽກງານຂອງທະຫານຊາຍແດນແຂວງ ລ້າງເຊີນ. ພວກອ້າຍໄດ້ຊ່ວຍເຫຼືອປະຊາຊົນໃນການເຮັດນາ, ກໍ່ສ້າງທາງເບຕົງ, ຂົນຂວາຍປະຊາຊົນປ້ອງ ກັນເຫດໄຟໄໝ້, ລະດົມນັກຮຽນ 25 ຄົນກັບຄືນໂຮງຮຽນ, ເສນາຮັກຢູ່ບັນດາຄ້າຍທະຫານໄດ້ກວດ ແລະ ປິ່ນປົວພະຍາດໃຫ້ປະຊາຊົນ 1.000 ກວ່າຄົນ, ມາຢ້ຽມຢາມຖາມຂ່າວ ແລະ ມອບເຂົ້າກວ່າ 600 ກິໂລກຣາມ ໃຫ້ຄອບຄົວທີ່ທຸກຍາກ 60 ແຫ່ງ, ມອບເງິນ 206.437 ລ້ານດົ່ງໃຫ້ບັນດາພະນັກງານ, ປະຊາຊົນຢູ່ບັນດາຕາແສງ, ມອບຂອງຂວັນ 30 ຊຸດດ້ວຍມູນຄ່າ 60 ລ້ານດົ່ງໃຫ້ບັນດານັກຮຽນທຸກຍາກແຕ່ມີຜົນງານດີໃນການຮຽນ.
ຈຳນວນຕົວເລກດັ່ງກ່າວສະແດງໃຫ້ເຫັນທະຫານຊາຍແດນໄດ້ຮ່ວມແຮງກັບທ້ອງຖິ່ນລົບລ້າງຄວາມທຸກຍາກ, ຍົກສູງລະດັບຊີວິດ ການເປັນຢູ່ ໃຫ້ແກ່ປະຊາຊົນ, ປັບປຸງຄວາມໄວ້ເນື້ອເຊື່ອໃຈຂອງປະຊາຊົນຕໍ່ພັກ ແລະ ລັດຖະບານ, ຢືນຢັນຖານະບົດບາດຂອງທະຫານຊາຍແດນໃນການ ພັດທະນາເສດຖະກິດ-ສັງຄົມ ຕິດກັບໜ້າທີ່ປົກປ້ອງປະເທດຊາດ ແລະ ປົກປັກຮັກສາຄວາມສະຫງົບດ້ານການເມືອງ ແລະ ຄວາມປອດໄພ ດ້ານສັງຄົມຢູ່ເຂດຊາຍແດນ.
ນອກຈາກນັ້ນ, ທະຫານຊາຍແດນຍັງປະຕິບັດວຽກງານຂົນຂວາຍປະຊາຊົນກໍ່ສ້າງຊີວິດວັດທະນະທຳຢູ່ຄຸ້ມບ້ານ, ບ້ານ 30 ແຫ່ງໄດ້ຮັບຮອງ ເປັນບ້ານວັດທະນະທຳ, ປະຊາຊົນ 6.390 ຄອບຄົວໄດ້ຮັບຮອງເປັນຄອບຄົວວັດທະນະທຳ. ສິ່ງດັ່ງກ່າວສະແດງໃຫ້ເຫັນລັກສະນະມູນເຊື້ອ ຂອງບັນດາຊົນເຜົ່າໄດ້ຮັບການປັບປຸງ ແລະ ປົກປັກຮັກສາ. ທະຫານຊາຍແດນໄດ້ກໍ່ສ້າງບັນດາຂະບວນການມະຫາຊົນຢູ່ບັນດາທ້ອງຖິ່ນຄືຈັດຕັ້ງຂະບວນການມະຫາຊົນເຂົ້າຮ່ວມການຄວບຄຸມ ເສັ້ນແດນ, ຫຼັກໝາຍຊາຍແດນດ້ວຍຕົວເອງ. ມາເຖິງປະຈຸບັນ, ມີປະຊາຊົນ 722 ຄອບຄົວ ແລະ ສ່ວນລວມ 25 ໜ່ວຍງານ ໄດ້ຮັບຜິດຊອບການ ຄວບຄຸມເສັ້ນແດນ 228,755 / 231,740 ກິໂລແມັດ ແລະ ຫຼັກໝາຍຊາຍແດນ 464/474 ເສົາ.
ປະຈຸບັນ, ເຂດຊາຍແດນແຂວງ ລ້າງເຊີນ ມີທັງໝົດ 20 ຕາແສງ, ຕົວເມືອງນ້ອຍ 1 ແຫ່ງ, ພົນລະເມືອງ 13.990 ຄົນ. ໄດ້ຮັບການເອົາໃຈໃສ່ຂອງພັກ ແລະ ລັດຖະບານ, ລະດັບຊີວິດການເປັນຢູ່ຂອງປະຊາຊົນຢູ່ທີ່ນີ້ ໄດ້ຮັບການຍົກສູງຂຶ້ນໃນຫຼາຍດ້ານ, ພື້ນຖານໂຄງລ່າງເສດຖະກິດໄດ້ຮັບການກໍ່ສ້າງຕາມບັນດາໂຄງການຂອງສູນກາງ ແລະ ແຂວງ, ຕອບສະໜອງໄດ້ຕາມຄວາມຮຽກຮ້ອງ ຕ້ອງການໃຫ້ແກ່ພັດທະນາເສດຖະກິດ, ວັດທະນະທຳ ແລະ ສັງຄົມ.
ດ້ວຍບົດບາດໜ້າທີ່ເປັນເສນາທິການ, ທະຫານຊາຍແດນບໍ່ພຽງແຕ່ປະຕິບັດດີວຽກງານຊົນເຜົ່າໃນສະຖານະການໃໝ່ເທົ່ານັ້ນ, ຫາກຍັງຊີ້ນຳ ປະຕິບັດຂະບວນການ “ທ່ົວປະເທດຮ່ວມກຳລັງຄວາມສາມາດກໍ່ສ້າງຊົນນະບົດໃໝ່” ດ້ວຍບັນດາໂຄງການ: ໂຄງການປູກຕົ້ນໄມ້ເຂດ ຊາຍແດນ 661, ກໍ່ສ້າງເຮືອນໃຫ້ຄົນທຸກຍາກ, ກໍ່ສ້າງທາງ, ຊ່ວຍປະຊາຊົນ ເຮັດນາ ແລະ ອື່ນໆ…
ທະຫານຊາຍແດນແຂວງ ລ້າງເຊີນ ເຮັດໄດ້ດີວຽກງານສາສະໜາໄດ້ໝັ້ນຄົງ, ວຽກງານພົວພັນກັບຕ່າງປະເທດໄດ້ເສີມຂະຫຍາຍຜ່ານບັນດາ ການເຄື່ອນໄຫວພົວພັນກັບປະຊາຊົນເພື່ອໂຄສະນາເຜີຍແຜ່ເຖິງພໍ່ແມ່ປະຊາຊົນ ຫວຽດນາມ ຢູ່ຕ່າງປະເທດ, ຊາວຕ່າງປະເທດທີ່ພວມເຮັດ ວຽກຢູ່ເຂດຊາຍແດນ ເຂົ້າໃຈກວ່າ ກ່ຽວກັບນະໂຍບາຍພົວພັນກັບຕ່າງປະເທດຂອງພັກ ແລະ ລັດຖະບານ.
ທ່ານພັນເອກ ໂງວັນຫວູ ໃຫ້ຮູ້ວ່າ 6 ເດືອນທ້າຍປີ 2013, ກຳລັງທະຫານຊາຍແດນແຂວງ ໄດ້ເພີ່ມທະວີວຽກງານຂົນຂວາຍມະຫາຊົນໃນ ສະຖານະການ ໃໝ່ເພື່ອໃຫ້ປະຊາຊົນປະຕິບັດຕາມທິດທາງນະໂຍບາຍຂອງພັກ, ພັນຂະຫຍາຍປະຕິບັດໜ້າທີ່ “ທະຫານຊາຍແດນ ລ້າງເຊີນ ຮ່ວມກຳລັງສາມາດກໍ່ສ້າງຊົນນະບົດໃໝ່”, ປຶກສາໃຫ້ຄະນະກຳມະການປົກຄອງປະຊາຊົນແຂວງ ພັນຂະຫຍາຍຕົວແບບແຮກສ່ຽວ ລະຫວ່າງ ບ້ານ ນ່າເນືອ ຂອງຫວຽດນາມ ກັບບ້ານ ນ່າວ່າ ຂອງ ຈີນ.

ທະຫານຊາຍແດນເຮັດນາຊ່ວຍປະຊາຊົນ. ພາບ: ເອກະສານ

ທະຫານຊາຍແດນແນະນຳເຕັກນິກການດູແລຕົ້ນແປກ. ພາບ: ເອກະສານ

ທະຫານຊາຍແດນແປງທາງໃຫ້ປະຊາຊົນຢູ່ຕາແສງ ເໝົາເຊີນ. ພາບ: ເອກະສານ

ທະຫານຢູ່ດ່ານຊາຍແດນ ຈີມາ ມາກວດ ແລະ ປິ່ນປົວພະຍາດໃຫ້ປະຊາຊົນ. ພາບ: ເອກະສານ

ທະຫານຢູ່ດ່ານຊາຍແດນ ຈີມາ ມາຢ້ຽມຢາມຖາວຂ່າວບັນດາຄອບຄົວນະໂຍບາຍ. ພາບ: ເອກະສານ
ທ່ານພັນຕີ ເຈີ່ນມິງຫາຍ, ຄ້າຍທະຫານຊາຍແດນ ຈີມາ ໃຫ້ຮູ້ວ່າ: “ຢູ່ນຳປະຊາຊົນ, ເຫັນປະຈັກຕາຊີວິດຂອງປະຊາຊົນໄດ້ ໝັ້ນຄົງ ແມ່ນພວກຂ້າພະເຈົ້າດີໃຈຢູ່ແລ້ວ. ພວກຂ້າພະເຈົ້າພັນຂະຫຍາຍວຽກງານຊົນເຜົ່າ, ສາສະໜາ, ພິເສດແມ່ນພັນຂະຫຍາຍບົດບາດຂອງຜູ້ເຖົ້າ ຜູ້ແກ່ໃນບ້ານ, ຜູ້ທີ່ໜ້ານັບຖືຢູ່ເຂດຊາຍແດນ ເພື່ອໂຄສະນາເຜີຍແຜ່ກ່ຽວກັບນະໂຍບາຍມະຫາສາມັກຄີຊົນເຜົ່າ ໃຫ້ປະຊາຊົນເຂົ້າໃຈ, ປະຊາຊົນເຊື່ອ. ໄດ້ຄືແນວນັ້ນ ຈຶ່ງສາມາດປົກປ້ອງສິດອະທິປະໄຕເຂດຊາຍແດນຂອງປະເທດຊາດໄດ້”.
ບົດ ແລະ ພາບ: ເຈີ່ນແທງຢາງ ແລະ ເອກະສານ
ບັນດາບົດທີ່ຖືກນຳສະເໜີ