25/03/2015 23:23 GMT+7 Email Print Like 0

ຕື່ນຕົວ “ໃນລະບຽບການ” ເພື່ອເພີ່ມທະວີການເຊື່ອມໂຍງ

ເມື່ອບໍ່ດົນມານີ້, ກອງປະຊຸມຄົບຄະນະຂອງຄະນະຊີ້ນຳແຫ່ງຊາດ ກ່ຽວກັບການເຊື່ອມໂຍງສາກົນ, ທ່ານນາຍົກ ລັດຖະມົນຕີ ຫງວຽນເຕິ້ນຢຸງ ໄດ້ຊີ້ນຳການຈັດຕັ້ງປະຕິບັດວຽກງານເຊື່ອມໂຍງສາກົນໃຫ້ມີປະສິດທິຜົນຂຶ້ນຕື່ມ, ເພີ່ມຄວາມຮັບຜິດຊອບ ແລະ ເພີ່ມຄວາມເລິກເຊິ່ງກວ້າງຂວາງກວ່າເກົ່າ ຕາມເນື້ອໃນຈິດໃຈຂອງມະຕິສະບັບເລກທີ 22 ຂອງກົມການເມືອງ. 


ທ່ານນາຍົກລັດຖະມົນຕີ ຫງວຽນເຕິນຢຸງ ເປັນປະທານຊີ້ນຳ ກອງປະຊຸມຄົບຄະນະ ຂອງຄະນະຊີ້ນຳແຫ່ງຊາດ
ວ່າດ້ວຍ ເຊື່ອມໂຍງສາກົນ. ພາບ: ດຶກຕ້າມ/VNA


ພາບລວມກອງປະຊຸມ. ພາບ: ດຶກຕ໋າມ/VNA

ໃນປີ 2014, ການເຄື່ອນໄຫວເຊື່ອມໂຍງສາກົນຂອງຫວຽດນາມໄດ້ຮັບການຜັນຂະຫຍາຍຢ່າງຄົບຊຸດ, ມີປະສິທິຜົນ ແລະ ບັນລຸຜົນສຳເລັດ ທັງ 3 ເສົາຄ້ຳສຳຄັນຄື:  ດ້ານການເມືອງ, ດ້ານປ້ອງກັນຊາດ ປ້ອງກັນຄວາມສະຫງົບ; ດ້ານເສດຖະກິດ, ວິທະຍາ ສາດການສຶກສາ ແລະ ວັດທະນະທຳສັງຄົມ.

ຈຸດສຸມທີ່ໃຫຍ່ກວ່າໝູ່ ໃນການເຊື່ອມໂຍງສາກົນ ປີ 2014 ຂອງຫວຽດນາມແມ່ນຍູ້ແຮງ ແລະ ກ້າວໄປເຖິງຈຸດສິ້ນສຸດການເຈລະຈາບັນດາສັນຍາການຄ້າເສລີ (FTA). ສຳລັບສັນຍາທີ່ຍັງເຫຼືອຈຳນວນຫນຶ່ງ, ຫວຽດນາມກຳລັງເລັ່ງລັດເຮັດສຳເລັດຂອດການເຈລະຈາຄັ້ງສຸດທ້າຍ ຊຶ່ງລວມມີ ສັນຍາຄູ່ຮ່ວມມືຂ້າມປາຊີຟິກ(TPP), ສັນຍາຄູ່ຮ່ວມມືເສດຖະກິດຮອບດ້ານພາກພື້ນ (RCEP) ແລະ ສັນຍາລະຫວ່າງຫວຽດນາມ ແລະ ກຸ່ມການຄ້າເສລີເອີຣົບ.

ກ່ຽວກັບຈຸດສຸມການພົວພັນກັບຕ່າງປະເທດຫຼາຍຝ່າຍຂອງຫວຽດນາມເຖິງປີ 2020, ກະຊວງການຕ່າງປະເທດໄດ້ນຳ ສະເໜີໜ້າທີ່ສຳຄັນຈຳນວນໜຶ່ງໂດຍແມ່ນການ ຕັ້ງໜ້າກະກຽມ, ເປັນເຈົ້າພາບຈັດຕັ້ງສຳເລັດບັນດາກິດຈະກຳເຄື່ອນໄຫວຫຼາຍຝ່າຍທີ່ຍິ່ງໃຫຍ່, ຊຶ່ງເປັນການ ສ້າງຂີດໝາຍໃຫ່ມໃຫ້ຫວຽດ ນາມ; ເປັນເຈົ້າການປະກອບສ່ວນເຂົ້າໃນວຽກງານ ປົກປັກຮັກ ສາສັນຕິພາບ, ຄວາມສະຫງົບໃນພາກພື້ນ ແລະ ສາກົນ; ປະກອບສ່ວນກໍ່ສ້າງປະຊາຄົມອາຊຽນ (ASEAN) ໃຫ້ເຂັ້ມແຂງ, ປັບປຸງ ແລະ ເສີມຂະຫຍາຍບົດບາດເປັນໃຈກາງຂອງອາຊຽນ ໃນໂຄງປະກອບຂອງພາກພື້ນ; ເສີມຂະຫຍາຍຢ່າງມີປະສິດທິຜົນ ບັນດາສັນຍາການຄ້າເສລີທີ່ໄດ້ຮັບການລົງນາມ; ຊຸກຍູ້ໃຫ້ສຳເລັດ ແລະ ຜັນຂະຫຍາຍຢ່າງມີປະສິດທິຜົນສັນຍາ  FTA ທີ່ຈະລົງນາມໃນຊ່ວງໄລຍະປີ 2015-2020; ຍົກລະດັບ ການເຂົ້າຮ່ວມ ແລະ ຫວຽດນາມຕື່ນຕົວປະກອບສ່ວນ, ໃນເວທີ ປາໄສຮ່ວມມືເສດຖະກິດຫລາຍຝ່າຍ; ຕື່ນຕົວປະກອບສ່ວນ, ຍົກສູງພາລະບົດບາດ ແລະ ປະສິດທິຜົນຂອງການຮ່ວມມື ໃນຂົງເຂດຕ່າງໆເຊັ່ນ ວັດທະນະທຳ, ສັງຄົມ, ວິທະຍາສາດ ເຕັກໂນໂລຢີ, ສຶກສາ -ບຳລຸງສ້າງ ແລະ ຂົງເຂດອື່ນໆ.

ໃນການພົວພັນຕ່າງປະເທດຫຼາຍຝ່າຍ, ຕ້ອງຫັນປ່ຽນຢ່າງແຂງແຮງຈາກຈິນຕະນາການເຊື່ອມໂຍງ, ປະກອບສ່ວນໄປເຖິງ ຈຸດມີຄວາມຕື່ນຕົວ ແລະ ຕັ້ງໜ້າປະກອບສ່ວນ, ນຳສະເໜີບັນດາຫົວຄິດປະດິດສ້າງ; ເພີ່ມທະວີການປະສານສົມທົບກັບຫຼາຍຂະແໜງການ; ຖືສຳຄັນ ການພັດທະນາພາຍໃນໃຫ້ມີຄວາມໝັ້ນຄົງ.
 
ຮູບພາບການເຄື່ອນໄຫວການຕ່າງປະເທດຂັ້ນສູງ ຈຳນວນໜຶ່ງ ຂອງຫວຽດນາມ:
 

ທ່ານເລຂາທິການໃຫຍ່ ຫງວຽນຝູ໋ຈ້ອງ ຢ້ຽມຢາມສະຫະພັນລັດເຊຍຢ່າງເປັນທາງການ(ປີ 2014). ໃນພາບ: ທ່ານປະທານາ ທິບໍດີ Vladimir Putin
ຕ້ອນຮັບ ແລະ ເຈລະຈາກັບທ່ານເລຂາທິການໃຫຍ່ ຫງວຽນຝູ໋ຈ້ອງ. ພາບ: ຈີ້ຢຸງ/VNA



ທ່ານປະທານປະເທດ ເຈືອງເຕິນຊາງ ຢ້ຽມຢາມປະເທດ ສ.ອາເມລິກາ ຢ່າງເປັນທາງການ(ປີ 2013). ໃນພາບ: ທ່ານປະທານາທິບໍດີ ອາເມລິກາ Barack Obama
ຕ້ອນຮັບ ແລະ ເຈລະຈາກັບທ່ານປະທານປະເທດ ເຈືອງເຕິນຊາງ. ພາບ: ຫງວຽນຄາງ/VNA



ທ່ານນາຍົກລັດຖະມົນຕີ ຈີນ ລີເຄີສຽງ ຢ້ຽມຢາມ ຫວຽດນາມຢ່າງເປັນທາງການ(ປີ 2013). ໃນພາບ: ທ່ານນາຍົກລັດຖະມົນຕີ ຫງວຽນເຕິນຢຸງ
ຕ້ອນຮັບ ແລະ ເຈລະຈາກັບທ່ານນາຍົກລັດຖະມົນຕີ ລີເຄີສຽງ. ພາບ: ດຶກຕ໋າມ/VNA



ທ່ານປະທານສະພາແຫ່ງຊາດ ສ.ເກົາຫຼີ Chung Ui-hwa ຢ້ຽມຢາມຫວຽດນາມຢ່າງເປັນທາງການ(ປີ 2015). ໃນພາບ: ທ່ານປະທານສະພາແຫ່ງຊາດ ຫງວຽນຊິງຮຸ່ງ
ຕ້ອນຮັບ ແລະ ເຈລະຈາກັບທ່ານ ປະທານສະພາແຫ່ງຊາດ ສ.ເກົາຫຼີ Chung Ui-hwa. ພາບ: ຖົ໋ງເຍິດ/VNA

ໃນຄຳກ່າວປາໄສສະຫຼຸບວາລະກອງປະຊຸມ, ທ່ານນາຍົກລັດ ຖະມົນຕີ ຫງວຽນເຕິນຢຸງ, ຫົວໜ້າຄະນະຊີ້ນຳແຫ່ງຊາດກ່ຽວກັບ ການເຊື່ອມໂຍງສາກົນໄດ້ຍົກໃຫ້ເຫັນຢ່າງຈະແຈ້ງວ່າ, ບົນພື້ນ ຖານບັນດາຄຳຄິດຄຳເຫັນ ທີ່ໄດ້ກ່າວໃນກອງປະຊຸມ, ສະໜີໃຫ້ ຫ້ອງການລັດຖະບານ ປັບປຸງເນື້ອໃນບົດສະຫຼຸບລາຍງານການເຄື່ອນໄຫວເຊື່ອມໂຍງສາກົນ ປີ 2014, ທິດທາງ, ໜ້າທີ່ຂອງປີ 2015 ໃຫ້ສຳເລັດ; ໃນບົດລາຍງານຕ້ອງຍົກໃຫ້ເຫັນລະອຽດ ໜ້າທີ່ລວມ, ໜ້າທີ່ຂອງແຕ່ລະກະຊວງ, ຂະແໜງການ ແລະ ບົນພື້ນຖານບົດລາຍງານ, ທ່ານນາຍົກລັດຖະມົນຕີ ສະເໜີ ກະຊວງການຕ່າງປະເທດສັງລວມ, ຮ່າງຄຳສັ່ງຂອງນາຍົກລັດຖະມົນຕີ ລັດຖະບານ ວ່າດ້ວຍການສືບຕໍ່ຊີ້ນຳການຈັດຕັ້ງປະຕິບັດການເຊື່ອມໂຍງສາກົນ,  ບົນຈິດໃຈຈັດຕັ້ງຜັນຂະຫຍາຍໃຫ້ມີປະສິດ ທິຜົນກວ່າເກົ່າ, ເພີ່ມຄວາມຮັບຜິດຊອບ, ເພີ່ມຄວາມເລິກເຊິ່ງ ກວ້າງຂວາງກວ່າເກົ່າ ທາງດ້ານການເຄື່ອນໄຫວເຊື່ອມໂຍງກັບສາກົນ ບົນຈິດໃຈມະຕິຕົກລົງສະບັບເລກທີ 22 ຂອງກົມການເມືອງ ວ່າດ້ວຍການເຊື່ອມໂຍງສາກົນ.

ຕາມທ່ານນາຍົກລັດຖະມົນຕີ ຫງວຽນເຕິນຢຸງ,  ເກືອບ 2 ປີ ຈັດຕັ້ງຜັນຂະຫຍາຍ ມະຕິຕົກລົງສະບັບເລກທີ 22, ໃນວຽກງານເຊື່ອມໂຍງສາກົນ ໄດ້ບັນລຸຜົນສຳເລັດ ສຳຄັນຫຼາຍຢ່າງ, ປະ ກອບສ່ວນຢ່າງຕັ້ງໜ້າເຂົ້າໃນຂະບວນການພັດທະນາລວມຂອງປະເທດຊາດ.

ຜ່ານການເຊື່ອມໂຍງກັບສາກົນ ໄດ້ສ້າງສະພາບແວດລ້ອມທີ່ອຳນວຍ, ຮັກສາສະຖຽນລະພາບໃຫ້ແກ່ການພັດທະນາເປັນປົກກະຕິ; ໄດ້ຮັບການສະໜັບສະໜູນ ຈາກວົງຄະນາຍາດສາ ກົນ ຕໍ່ພາລະກິດ ປົກປັກຮັກສາ ແລະ ສ້າງສາປະເທດຊາດ; ບັນດາປະເທດ, ວົງຄະນາຍາດສາກົນໄດ້ແບ່ງປັນ, ສະໜັບ ສະໜູນຫຼັກໝັ້ນ ອັນຊອບທຳຂອງຫວຽດນາມ ໃນໜ້າທີ່ປົກປັກຮັກສາອຳນາດອະທິປະໄຕອານາເຂດ ກໍຄືຜົນປະໂຫຍດອັນຊອບທຳອື່ນໆຂອງປະເທດຊາດ. ໃນຂົງເຂດເສດຖະກິດ, ການເຊື່ອມໂຍງໄດ້ປະກອບສ່ວນ ເປີດກວ້າງຕະຫຼາດສົ່ງອອກ ດ້ວຍລະດັບການຈະເລີນເຕີບໂຕການສົ່ງອອກບັນລຸ 18% ໃນແຕ່ລະປີ, ຈາກນັ້ນໄດ້ສ້າງວຽກເຮັດງານທຳ, ປະກອບສ່ວນເຂົ້າການການພັດທະນາເສດຖະກິດ ແລະ ປະກອບສ່ວນເຂົ້າໃນການລະດົມແຫຼ່ງກຳລັງແຮງ ໃຫ້ແກ່ການລົງທຶນພັດທະນາ… ຄຽງຄູ່ກັນນັ້ນ, ການເຊື່ອມໂຍງສາກົນທາງດ້ານວັດທະນະທຳ, ການສຶກສາ, ວິທະຍາສາດ, ເຕັກນິກ ກໍ່ໄດ້ຮັບຜົນປະໂຫຍດຕົວຈິງຫລາຍຢ່າງມາສູ່ປະເທດຊາດ.

ເມື່ອເອີ່ຍເຖິງໜ້າທີ່ລະອຽດຕົວຈິງໃນໄລຍະທີ່ຈະມາເຖິງນີ້, ທ່ານນາຍົກລັດຖະມົນຕີ ຫງວຽນເຕິນຢຸງ ໄດ້ຍົກໃຫ້ເຫັນຢ່າງຈະແຈ້ງວ່າ, ໃນສະຖານະການທີ່ ວິທະຍາສາດມີການພັດທະນາ ໄວວາ, ທົ່ວໜ່ວຍພິພົບເປັນຕະຫຼາດໜຶ່ງດຽວ; ທ່າອ່ຽງເຊື່ອມໂຍງນັບມື້ນັບເລິກເຊິ່ງກວ້າງຂວາງ ແລະ ບັນດາປະເທດຕ່າງໆ ຈຳເປັນຕ້ອງເຊື່ອມໂຍງ ໂດຍບໍ່ອາດສາມາດປະຕິເສດໄດ້ , ເຖິງວ່າຈະປະຕິເສດໄດ້ ກໍ່ມີແຕ່ປະລາໄຊ; ຈຳເປັນຕ້ອງເຊື່ອມໂຍງ, ທຸກປະເທດຕ້ອງໄດ້ ເອົາໃຈໃສ່ເຖິງຄວາມສະຫງົບ  ແລະ ຄວາມຜາສຸກຂອງສັງຄົມ… ຈາກນັ້ນ, ຄວາມຮຽກຮ້ອງຕ້ອງ ການທີ່ວາງອອກຂອງຊາດນັ້ນກໍ່ຄື ຕ້ອງສືບຕໍ່ຫ້າວຫັນ, ຕື່ນຕົວເຊື່ອມໂຍງ ຢ່າງເລິກເຊິ່ງ ກວ້າງຂວາງກວ່າເກົ່າໃນ ທຸກໆ ຂົງເຂດ, ໃນນັ້ນ ຖືການເຊື່ອມໂຍງທາງດ້ານເສດຖະກິດ ເປັນໃຈ ກາງ; ເປັນເຈົ້າການຍິ່ງກວ່າອີກ ໃນການເຂົ້າຮ່ວມ, ຮ່ວມກຳນົດກົດກະຕິກາລວມ ແນໃສ່ຮັບໃຊ້ຜົນປະໂຫຍດແຫ່ງຊາດໃຫ້ດີທີ່ ສຸດທັງໃນສະເພາະໜ້າ ແລະ ຍາວນານ. 
 

ທ່ານນາຍົກລັດຖະມົນຕີ ຫງວຽນເຕິນຢຸງ ເປັນສັກຂີພິຍານ ໃນພິທີລົງນາມ ຖະແຫຼງການຮ່ວມ ສິ້ນສຸດການເຈລະຈາ FTA ລະຫວ່າງຫວຽດນາມ
ແລະ ພັນທະພາບພາສີ ລັດເຊຍ-ເບລາຣຸດ-ກາຢັກສະຖານ. ພາບ: ດຶກຕ໋າມ/VNA

 

ການໂອ້ລົມສົນທະນາວຽກງານປ້ອງກັນຊາດ ຫວຽດນາມ-ອາເມລິກາ ປີ 2014 ທີ່ຮ່າໂນ້ຍ. ພາບ: ຈ້ອງດຶກ/VNA


ທ່ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຟ້າມບິ່ງມິນ ເຂົ້າຮ່ວມກອງປະຊຸມຂັ້ນສູງສະມັດຊາໃຫຍ່ສະຫະປະຊາຊາດ
ສະໄໝທີ 69(ປີ 2014) ທີ່ສຳນັກງານຂອງສະຫະປະຊາຊາດ ຢູ່ນິວຢອກ, ອາເມລິກາ. ພາບ: ເລເຢືອງ/VNA



ຄະນະຫວຽດນາມເຂົ້າຮ່ວມກອງປະຊຸມຂັ້ນສູງ ແລະ ສະໄໝປະຊຸມທີ 28 (ປີ 2015)
ສະພາສິດທິມະນຸດຂອງສະຫະປະຊາຊາດ. ພາບ: ໂຕ໋ອວຽນ/VNA



ລັດຖະມົນຕີຊ່ວຍວ່າການກະຊວງປ້ອງກັນປະເທດ ຫງວຽນຈີ໋ວິ້ງ ເຂົ້າຮ່ວມການສົນທະນາກ່ຽວກັບຍຸດທະສາດ ປ້ອງກັນຊາດ
ລະຫວ່າງອິນເດຍ-ຫວຽດນາມ ຄັ້ງທີ 9(ປີ 2015) ທີ່ນິວເດລີ. ພາບ: ດັງຈິ໋ງ/VNA



ເນື່ອງຈາກວ່າມີນະໂຍບາຍເປີດກວ້າງ ດັ່ງນັ້ນ ໄດ້ມີຊາວຫວຽດ ນາມອາໄສຢູ່ຕ່າງປະເທດກັບຄືນມາບ້ານເກີດ ເພື່ອ ລົງທຶນດຳເນີນທຸລະກິດ ແລະ ດຳລົງຊີວິດ
ນັບມື້ນັບຫຼາຍຂຶ້ນ. ໃນພາບ: ຊາວ ຫວຽດນາມອາໄສຢູ່ຕ່າງປະເທດ ຕ້ອນຮັບບຸນປີໃໝ່ປະຈຳຊາດ ປີມະແມ ແລະ ເຂົ້າຮ່ວມລາຍການ
“ລະດູບານໃໝ່ຢູ່ບ້ານເກີດ ເມືອງນອນ ປີ 2015 ທີ່ນະຄອນໂຮ່ຈີມິນ. ພາບ: ແທງຫວູ/VNA

ທ່ານນາຍົກລັດຖະມົນຕີຊີ້ນຳ ໃຫ້ສືບຕໍ່ຊຸກຍູ້ຢ່າງແຂງແຮງ ແລະ ເລິກເຊິ່ງ ກວ້າງຂວາງກວ່າເກົ່າ ຕໍ່ການເຄື່ອນໄຫວ ເຊື່ອມໂຍງ ສາກົນທາງດ້ານ ການເມືອງ, ການທູດ, ການປ້ອງກັນຊາດ ປ້ອງກັນ ຄວາມສະຫງົບ ແນໃສ່ ເພີ່ມທະວີການສະໜັບສະ ໜູນ, ຄວາມຮັບຮູ້ເຂົ້າໃຈ ແລະ ຄວາມເຊື່ອຫມັ້ນເຊິ່ງກັນ ແລະ ກັນລະຫວ່າງ ຫວຽດນາມ ແລະ ບັນດາຄູ່ຮ່ວມມື; ປະກອບສ່ວນ ສ້າງສະພາບແວດລ້ອມແຫ່ງສັນຕິພາບ, ສະຖຽນລະພາບ ໃຫ້ ແກ່ການພັດທະນາ ກໍຄືຍາດແຍ່ງເອົາຄວາມ ເຫັນໃຈສະໜັບ ສະໜູນຈາກວົງຄະນາຍາດສາກົນທີ່ມີຕໍ່ການປົກປັກຮັກສາ ຄວາມເປັນເອກະລາດ, ອະທິປະໄຕໃນຜືນແຜ່ນດິນອັນສັກສິດ ຂອງຊາດ.

ດ້ານຂົງເຂດເສດຖະກິດ, ທ່ານນາຍົກລັດຖະມົນຕີ ຮຽກຮ້ອງໃຫ້ ສຸມໃສ່ຢ່າງແຂງແຮງຊຸກຍູ້ການເຈລະຈາ ບັນດາຂໍ້ສັນຍາ ການ ຄ້າເສລີໃໝ່, ເສີມຂະຫຍາຍທ່າໄດ້ປຽບ ຂອງບັນດາຂໍ້ສັນຍາ ການຄ້າເສລີ ທີ່ໄດ້ລົງນາມມາແລ້ວ ເພື່ອນຳມາຫມູນໃຊ້ເຂົ້າໃນເປົ້າໝາຍພັດທະນາ, ພ້ອມກັນນັ້ນ ສືບຕໍ່ຜັນຂະຫຍາຍ ການ ເຊື່ອມໂຍງຢ່າງກວ້າງຂວາງ ເລິກເຊິ່ງ, ມີປະສິດທິຜົນ ທາງດ້ານ ວັດທະນະທຳ, ສັງຄົມ, ວິທະຍາສາດ, ເຕັກໂນໂລຊີ, ການສຶກ ສາ ບຳລຸງສ້າງ. ຖືສຳຄັນ ການກໍ່ສ້າງ ກ້ອນກຳລັງ ສາມັກຄີ ລະຫວ່າງປວງຊົນ ພາຍໃນ ກັບປວງ ຊົນຊາວຫວຽດນາມ ທີ່ກຳລັງອາໄສຢູ່ຕ່າງປະເທດ; ຍາດແຍ່ງເອົາທ່າແຮງ ຂອງຊາວ ຫວຽດນາມອາໄສຢູ່ຕ່າງປະເທດນັ້ນ; ເພື່ອຮັບໃຊ້ຈຸດໝາຍ ປົກ ປັກຮັກສາດ, ສ້າງສາ ແລະ ພັດທະນາປະເທດຊາດ, ປະຕິບັດ ວຽກງານ ປົກປ້ອງໃຫ້ດີ, ຊ່ວຍໜູນພົນລະເມືອງຫວຽດນາມ ທີ່ ພວມສຶກສາຮຳ່ຮຽນ, ທຳມາຫາກິນ ແລະ ດຳລົງຊີວິດຢູ່ຕ່າງ ປະເທດ.

ໃນການພົວພັນຕ່າງປະເທດຫຼາຍຝ່າຍ, ທ່ານນາຍົກລັດຖະມົນຕີ ຫງວຽນເຕິນຢຸງ ເຫນັ້ນເຖິງຄວາມເປັນເຈົ້າການຢູ່ສະເໜີ, ນຳສະເຫນີ, ເປີດສັງກາດ ສ້າງ ກົດກະຕິກາລວມ ຕາມຕົວເລກລວມ, ຕາມລະບຽບປະຈຸບັນຂອງສາກົນ ແລະ ຕາມກົດບັດຂອງສະ ຫະປະຊາຊາດ ແລະ ຕາມຜົນປະໂຫຍດຂອງປະເທດຊາດ; ສືບ ຕໍ່ເປັນເຈົ້າການ ເຂົ້າຮ່ວມປະຕິບັດບັນດາ ຂໍ້ສັນຍາສາກົນ, ເຂົ້າ ຮ່ວມຂະບວນການການເຄື່ອນໄຫວຕ່າງໆຢູ່ໃນເວທີຫຼາຍຝ່າຍ, ໂດຍສະເພາະແມ່ນອາຊຽນ ແລະ ສະຫະປະຊາຊາດ.
ປະຕິບັດໂດຍ: VNA/VNP
ບັນດາບົດທີ່ຖືກນຳສະເໜີ