04/01/2017 10:25 GMT+7 Email Print Like 0

ຕະຫຼາດຫຼັກຊັບ ຫວຽດນາມກາຍເປັນແຫ່ງດຶງດູດທຶນທີ່ສຳຄັນຂອງພື້ນຖານເສດຖະກິດ

ຕະຫຼາດຫຼັກຊັບ ຫວຽດນາມກາຍເປັນແຫ່ງດຶງດູດ
ທຶນທີ່ສຳຄັນຂອງພື້ນຖານເສດຖະກິດ
(ພາບ: dantri.com.vn)
       ຕະຫຼາດ​ຫຼັກ​ຊັບ​ ຫວຽດນາມກາຍ​ເປັນ​ແຫ່ງ​ດຶງ​ດູດ​ທຶນທີ່​ສຳຄັນ​ຂອງ​ພື້ນຖານ​ເສດຖະກິດ. ນີ້​ແມ່ນຄຳ​ຢືນຢັນ​ຂອງ​ທ່ານ​ລັດຖະມົນຕີ​ກະຊວງ​ການ​ເງິນ ດິງຕ໋ຽນຢຸງ ທີ່​ພິທີ​ລັ່ນຄ້ອງ​ເປີດ​ການ​ທຸລະ​ກຳ​ທຳ​ອິດ​ຂອງ​ຕະຫຼາດ​ຫຼັກ​ຊັບ ຫວຽດນາມ ປີ 2017, ​ໃນ​ຕອນ​ເຊົ້າ​ວັນ​ທີ 3/1 ຢູ່ ຮ່າ​ໂນ້ຍ. ທ່ານ​ລັດຖະມົນຕີ​ກະຊວງ​ການ​ເງິນ ດິງຕ໋ຽນຢຸງ ​ໃຫ້​ຮູ້​ວ່າ, ຜ່ານ 20 ປີ​ແຫ່ງ​ການ​ເຄື່ອນ​ໄຫວ​ຂອງ​ຂະ​ແໜງ​ຫຼັກ​ຊັບ, ຕະຫຼາດ​ຫຼັກ​ຊັບ ຫວຽດນາມ ​ໄດ້​ສະໜອງ​ທຶນ 25% ​ໃຫ້​ແກ່​ພື້ນຖານ​ເສດຖະກິດ, ລະດັບ​ຫັນ​ເປັນ​ທຶນ​ຂອງຕະຫຼາດປີ 2016​ແມ່ນ​ປະມານ 74% ຈີ​ດີ​ພີ, ​ເພີ່ມ​ຂຶ້ນ​ກວ່າ 35% ​ເມື່ອ​ທຽບ​ໃສ່​ປີ 2015. ປີ 2016, ລະດົມ​ທຶນ​ຜ່ານ​ຕະຫຼາດ​ຫຼັກ​ຊັບ​ໄດ້​ເພີ່ມ​ຂຶ້ນ​ພໍ​ສົມຄວນ, ຍອດ​ມູນ​ຄ່າ​ລະດົມ​ທຶນ​ຜ່ານ​ຕະຫຼາດ​ບັນລຸ​ເກືອບ 350.000 ຕື້​ດົ່ງ, ​ເພີ່ມ​ຂຶ້ນ 54% ​ເມື່ອ​ທຽບ​ໃສ່​ປີ 2015; ​ໃນ​ນັ້ນ​ຕະຫຼາດ​ພັນທະບັດ​ລັດ​ຖະ​ບານ ສາມາດ​ລະດົມ​ທຶນ​ໃຫ້​ທະນາຄານ​ແຫ່ງ​ລັດ ​ແລະ ລົງທຶນ​ພັດທະນາ​ບັນລຸ​ລະດັບ​ສູງ​ສຸດ​ນັບ​ແຕ່​ກ່ອນ​ມາ​ຮອດ​ປະຈຸ​ບັນ​ແມ່ນ 312.000 ຕື້​ດົ່ງ.
        ກ່ຽວ​ກັບ​ແງ່​ຫວັງ​ປີ 2017, ທ່ານ​ລັດຖະມົນຕີ​ກະຊວງ​ການ​ເງິນ ດິງຕ໋ຽນຢຸງ ​ເນັ້ນ​ໜັກ​ວ່າ, ຕະຫຼາດ​ຫຼັກ​ຊັບ​ຈະ​ມີ​ບັນດາ​ບາດກ້າວ​ພັດທະນາ​ຕັ້ງໜ້າ​ກວ່າ. ​ແຜນ​ນະ​ໂຍບາຍ​ສະ​ເໝີ​ຕົ້ນ​ສະ​ເໝີ​ປາຍ​ຂອງ​ພັກ ​ແລະ ລັດ​ແມ່ນ​ສຸມ​ໃສ່​ພັດທະນາ​ຕະຫຼາດ​ຫຼັກ​ຊັບ​ທັນ​ສະ​ໄໝ, ​ເໝາະ​ສົມ​ກັບ​ທຳ​ນຽມ​ສາກົນ ​ເພື່ອ​ແນ​ໃສ່​ສ້າງ​ຊ່ອງ​ລະດົມ​ທຶນ​ຢ່າງ​ມີ​ປະສິດທິ​ຜົນ​ໃຫ້​ພື້ນ​ຖານ​ເສດຖະກິດ, ​ໃຫ້ການ​ລົງທຶນ​ພັດທະນາ, ປະກອບສ່ວນ​ຊຸກຍູ້​ການ​ເຕີບ​ໂຕ ​ແລະ ການ​ຫັນປ່ຽນ​ໂຄງ​ປະກອບ​ເສດຖະກິດ.
 (ແຫຼ່ງຄັດຈາກ VOV)
ບັນດາບົດທີ່ຖືກນຳສະເໜີ