11/12/2014 11:42 GMT+7 Email Print Like 0

ຍົກສູງຄວາມສາມາດແກ່ງແຍ້ງກັນ

ຕາມທ່ານລັດຖະມົນຕີ ກະຊວງອຸດສາຫະກຳ ແລະ ການຄ້າ ຫວູຮຸຍຮວ່າງ ໃຫ້ຮູ້ວ່າ ຍ້ອນມີການຜັນຂະຫຍາຍ ບັນດາວິທີແກ້ໄຂດ້ານການຕະຫຼາດ ແລະ ແກ້ໄຂຄວາມຫຍຸ້ງຍາກ ໃຫ້ແກ່ວິສາກະກິດ, ສະນັ້ນ ປີ 2014, ບັນດາເປົ້າໝາຍ ກ່ຽວກັບການສົ່ງອອກຈະສຳເລັດ ແຜນການເກີນຄາດໝາຍ.

 



ປີ 2014, ມູນຄ່າສົ່ງອອກຂອງ ຫວຽດນາມ ສາມາດບັນລຸໄດ້ແຕ່ 148-150 ຕື້ USD, ເພີ່ມ 12-13,5% ທຽບກັບປີ 2013; ການ ນຳເຂົ້າຈະບັນລຸໄດ້ປະມານ 146,5 ຕື້ USD, ເພີ່ມ 11% ທຽບກັບປີ 2013. ສະນັ້ນ ໃນປີ 2014, ການສົ່ງອອກຫຼາຍກວ່າການນຳເຂົ້າປະມານ 1,5 ຕື້ USD.

ທ່ານລັດຖະມົນຕີກະຊວງອຸດສາຫະກຳ ແລະ ການຄ້າ ຫວູຮຸຍຮວ່າງ ຍັງໃຫ້ຮູ້ວ່າ 9 ເດືອນຕົ້ນປີ 2014, ມູນຄ່າສົ່ງອອກ ຂອງຫວຽດນາມ ບັນລຸໄດ້ 109,6 ຕື້ USD, ເພີ່ມ 14,1% ທຽບກັບໄລຍະດຽວ ຂອງປີ 2013; ມູນຄ່ານຳເຂົ້າບັນລຸໄດ້ 107,2 ຕື້ USD, ເພີ່ມ 11,1% ທຽບກັບໄລຍະດຽວຂອງປີ 2013.

ສະຫຼຸບ 9 ເດືອນຕົ້ນປີ, ການສົ່ງອອກຫຼາຍກວ່າການນຳເຂົ້ມປະມານ 2,5 ຕື້ USD, ໃນນັ້ນ ຂົງເຂດ ເງິນລົງທຶນຂອງຕ່າງປະເທດ ມີຕົວເລກການສົ່ງອອກຫຼາຍກວ່າການນຳເຂົ້າ 12,7 ຕື້ USD, ຂົງເຂດ ເສດຖະກິດພາຍໃນ ມີຕົວເລກການນຳເຂົ້າ ຫຼາຍກວ່າການສົ່ງອອກ 10,2 ຕື້ USD.
 

ນອກຈາກຕະຫຼາດພາຍໃນ, ຊຸມປີມໍ່ໆ ມານີ້, ຝຸ່ນ ຝູໝີ
ເລີ່ມສົ່ງອອກໄປສູ່ບັນດາປະເທດໃນຂົງເຂດອາຊີຕາເວັນອອກສຽງໃຕ້. ພາບ: VNP

9 ເດືອນຕົ້ນປີ 2014, ຕຳ່ແຜ່ນຕັດຫຍິບ ຫວຽດນາມ ສົ່ງອອກໄດ້ 17,2 ຕື້ USD. ພາບ: VNP

9 ເດືອນຕົ້ນປີ 2014, ກຸ່ມບໍລິສັດ ຖ່ານ-ບໍ່ແຮ່ ຫວຽດນາມ ສົ່ງອອກຖ່ານໄດ້ 4,84 ລ້ານໂຕນ. ພາບ: VNP

ຄາດຄະເນວ່າ ປີ 2014 ປະລິມານການຜະລິດ ຢາງພາລາ ຂອງ ຫວຽດນາມ ຈະບັນລຸໄດ້ເກືອບ 1 ລ້ານໂຕນ. ພາບ: VNP 
«
    
ຕາມແຜນການທີ່ວາງອອກ, ຂະແໜງ ອຸດສາຫະກຳ ແລະ ການ ຄ້າ ຈະມານະ ພະຍາ ຍາມ ບັນລຸ ໄດ້ ມູນຄ່າສົ່ງອອກ ແມ່ນ 146 ຕື້ USD, ເພີ່ມ 10,6% ທຽບກັບປີ 2013 ແລະ ເຫຼືອ 500 ລ້ານ USD. ແຕ່ ບັນດາວິທີແກ້ໄຂ ທີ່ກະຊວງ ອຸດສາຫະກຳ ແລະ ການຄ້າ ວາງ ອອກສະແດງໃຫ້ເຫັນວ່າ ເປົ້າໝາຍ ການສົ່ງອອກ ຫຼາຍກວ່າການ ນຳເຂົ້າ 1,5 ຕື້ USD ອາດຈະ ສຳເລັດໄດ້.
»



ໜ້າສົນໃຈ, ຫຼາຍຂົງເຂດຂອງຂະແໜງອຸດສາຫະກຳ ແລະ ການຄ້າຄື: ຕຳ່ແຜ່ນຕັດຫຍິບ, ເກີບໜັງ, ທາດເຄມີ…ຜ່ານ 9 ເດືອນຕົ້ນປີ ການສົ່ງອອກລ້ວນແຕ່ມີຕົວເລກຂະຫາຍຕົວດີ ຈະແມ່ນປັດໃຈ ສຳຄັນ ເພື່ອສຳເລັດບັນດາເປົ້າໝາຍ ຂອງຂະແໜງການໃນຊຸມເດືອນທ້າຍປີ.

ຕົວຢ່າງ, ມູນຄ່າສົ່ງອອກຂອງຂະແໜງຕຳ່ແຜ່ນຕັດຫຍິບໃນ 9 ເດືອນ ຕົ້ນ ປີ ບັນລຸໄດ້ 17,2 ຕື້ USD, ເພີ່ມ 19% ທຽບກັບໄລຍະດຽວ ຂອງ ປີກ່ອນ, ຄາດຄະເນວ່າ ມູນຄ່າສົ່ງອອກ ຂອງຂະແໜງ ຕຳ່ແຜ່ນ ຕັດຫຍິບໃນປີ 2014 ຈະບັນລຸໄດ້ 24,5 ຕື້ USD.

ທ່ານລັດຖະມົນຕີກະຊວງອຸດສາຫະກຳ ແລະ ການຄ້າ ຫວູຮຸຍຮວ່າງ ໃຫ້ຮູ້ວ່າ: “ດ້ວຍບັນດາປັດໃຈດັ່ງກ່າວ, ຄາດຄະເນວ່າ ເປົ້າໝາຍ ກ່ຽວກັບ ການສົ່ງອອກຂອງປີ 2014 ຈະສຳເລັດແຜນການເກີນ
ຄາດໝາຍ ທີ່ໄດ້ວາງອອກແຕ່ຕົ້ນປີ”.
 


 

 

ພິເສດ, ຫ່ວາງມໍ່ໆ ນີ້, ປາທູນາຂອງ ຫວຽດນາມ ສຳເລັດການປະມູນລາຄາທີ່ ຍີ່ປຸ່ນ,
ສ້າງທິດທາງໃໝ່ໃຫ້ແກ່ຂະແໜງສິນໃນນ້ຳ. ພາບ: ລີຄາ/VNA


ຜະລິດເຄື່ອງໄມ້ສົ່ງອອກຢູ່ບໍລິສັດຫຸ້ນສ່ວນ ອຸດສາຫະກຳໄມ້ Kaiser ຫວຽດນາມ. ພາບ: ແຢງລາມ/VNA

ເຄື່ອງຫັດຖະກຳສິລະປະກຳພວມໄດ້ສົ່ງອອກໄປສູ່ບັນດາປະເທດເອີຣົບ, ອາເມລິກາ ແລະ ຍີ່ປຸ່ນ. ພາບ: VNP

ໝາກມັງກອນ ຫວຽດນາມ ພວມມີໜ້າຢູ່ຕະຫຼາດ ອາເມລິກາ, ນິວຊີແລນ ແລະ ຫຼາຍປະເທດໃນໂລກ. ພາບ: VNP 

ໃນການເຮັດວຽກກັບກະຊວງອຸດສາກະກຳ ແລະ ການຄ້າ, ທ່ານນາຍົກລັດຖະມົນຕີ ຫງວຽນເຕິນຢຸງ ໄດ້ ສັງເກດວ່າ: “ຕາມເປົ້າໝາຍເຖິງປີ 2020 ຈຶ່ງມີຕົວເລກການສົ່ງອອກ ຫຼາຍກວ່າການນຳເຂົ້າ, ແຕ່ 3 ປີຜ່ານມາ, ຍ້ອນຕົວເລກຂະຫຍາຍຕົວ ຂອງການສົ່ງອອກແຕ່ລະປີປະມານ 20% ໄດ້ຊ່ວຍເຮັດໃຫ້ ດູນການຄ້າ ສົມສ່ວນກັນ. ສິ່ງດັ່ງກ່າວ ສະແດງໃຫ້ເຫັນຄວາມສາມາດ ແກ່ງແຍ້້ງກັນຂອງ ບັນດາ ຂະແໜງການ ເສດຖະກິດໄດ້ຮັບການປັບປຸງໃຫ້ດີຂຶ້ນ”.

ທ່ານນາຍົກລັດຖະມົນຕີ ຫງວຽນເຕິນຢຸງ ຍັງຮຽກຮ້ອງໃຫ້ກະຊວງອຸດສາຫະກຳ ແລະ ການຄ້າ ຕ້ອງຍູ້ແຮງ ການປະຕິຮູບດ້ານການບໍລິຫານ, ສ້າງຄວາມສະດວກໃຫ້ແກ່ວິສາຫະກິດ.
ໂດຍ: VNA/VNP
ບັນດາບົດທີ່ຖືກນຳສະເໜີ