17/09/2017 06:14 GMT+7 Email Print Like 0

ຊຸກຍູ້ການຮ່ວມມືລະຫວ່າງ ຫວຽດນາມ ແລະ ແຂວງ Kanagawa (ຍີ່ປຸ່ນ)

      ໃນຂອບເຂດການປະຕິບັດງານຢູ່ ຍີ່ປຸ່ນ, ຕອນຄ່ຳວັນທີ 15 ກັນຍາ, ທ່ານ ຫງວຽນງອັກທ້ຽນ, ກຳມະການສູນກາງພັກ, ລັດຖະມົນຕີກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ ມີການເຮັດວຽກກັບທ່ານ Kuroiwa Yuji, ຜູ້ວ່າການລັດ Kanagawa ກ່ຽວກັບງານບຸນ ຫວຽດນາມ ຢູ່ Kanagawa ໃນປີ 2017 ແລະ ໂຄງການຮ່ວມມືລະຫວ່າງ 2 ຝ່າຍ. 

ທ່ານ ຫງວຽນງອັກທ້ຽນ, ກຳມະການສູນກາງພັກ, ລັດຖະມົນຕີກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ
ແລະ ທ່ານ Kuroiwa Yuji, ຜູ້ວ່າການລັດ Kanagawa ໃນການເຮັດວຽກຢູ່ຮ່າໂນ້ຍ ໃນວັນທີ 12 ກໍລະກົດ
      ງານບຸນ ຫວຽດນາມ (ໄດ້ຈັດຕັ້ງໃນລະຫວ່າງວັນທີ 15 -17 ກັນຍາ) ແມ່ນໜຶ່ງໃນບັນດາເຫດການວັດທະນະທຳໃຫຍ່ໂດຍກະຊວງວັດທະນະທຳ, ກິລາ ແລະ ທ່ອງທ່ຽວເອົາໃຈໃສ່ເປັນພິເສດ, ແມ່ນໂອກາດເພື່ອໂຄສະນາວັດທະນະທຳ ຫວຽດນາມ ແລະ ດຶງດູດແຂກທ່ອງທ່ຽວ ຍີ່ປຸ່ນ ມາ ຫວຽດນາມ. ສ່ວນທ່ານ Kuroiwa Yuji, ຜູ້ວ່າການລັດ Kanagawa ໃຫ້ຮູ້ວ່າ: ງານບຸນ ຫວຽດນາມ ຢູ່ Kanagawa ປີນີ້ໄດ້ຮັບການຈັດຕັ້ງດ້ວຍຂອບຂະໜາດໃຫຍ່ທົບ 1,5 ເທົ່າ ເມື່ອທຽບໃສ່ປີ 2016. ຜ່ານງານບຸນ, ທາງແຂວງປາດຖະໜາຢາກເພີ່ມທະວີການພົວພັນແລກປ່ຽນວັດທະນະທຳກັບ ຫວຽດນາມ. ນອກຈາກນັ້ນ, ງານຕະຫຼາດນັດການທ່ອງທ່ຽວ ຫວຽດນາມ ກໍ່ຈະໄດ້ຈັດຕັ້ງໃນຂອບເຂດຂອງງານບຸນ. ນີ້ແມ່ນໂອກາດທີ່ດີ ເພື່ອໂຄສະນາການທ່ອງທ່ຽວ ຫວຽດນາມ ເຖິງປະຊາຊົນ ຍີ່ປຸ່ນ.
(ແຫຼ່ງຄັດຈາກ VOV)
ບັນດາບົດທີ່ຖືກນຳສະເໜີ