16/09/2017 11:08 GMT+7 Email Print Like 0

ຄະນະປະຈຳສະພາແຫ່ງຊາດປະກອບຄຳເຫັນໃສ່ບົດລາຍງານແກ້ໄຂຮ້ອງທຸກ, ຮ້ອງຟ້ອງປີ 2017

      ວັນທີ 15 ກັນຍາ, ຄະນະປະຈຳສະພາແຫ່ງຊາດປະກອບຄຳເຫັນໃສ່ບົດລາຍງານຂອງລັດຖະບານ, ສານປະຊາຊົນສູງສຸດ, ໄອຍະການປະຊາຊົນສູງສຸດ ກ່ຽວກັບວຽກງານແກ້ໄຂຮ້ອງທຸກ, ຮ້ອງຟ້ອງປີ 2017.

(ພາບປະກອບ) 
      ບົດລາຍງານໃຫ້ເຫັນວ່າ, ສະພາບການຮ້ອງທຸກ, ຮ້ອງຟ້ອງນັບແຕ່ທ້າຍປີ 2016 ເຖິງປະຈຸບັນເວົ້າລວມແລ້ວ ແມ່ນໄດ້ຫຼຸດລົງ. ເຖິງຢ່າງໃດກໍ່ຕາມ, ຍັງມີການຜັນແປຢ່າງສັບສົນ ແລະ ຂ້ຽວຂາດຢູ່, ໃນນັ້ນບັນດາກໍລະນີຮ້ອງທຸກ, ຮ້ອງຟ້ອງທີ່ສັບສົນ, ມີຫຼາຍຄົນເຂົ້າຮ່ວມນັ້ນສ່ວນຫຼາຍແມ່ນຂຶ້ນກັບຂົງເຂດທີ່ດິນ. ເພື່ອປັບປຸງ, ແກ້ໄຂສິ່ງທີ່ຍັງຄົງຂ້າງ, ຈຳກັດໃນການຄຸ້ມຄອງລັດ, ຍົກສູງປະສິດທິຜົນວຽກງານຕ້ອນຮັບພົນລະເມືອງ, ແກ້ໄຂຮ້ອງທຸກ, ຮ້ອງຟ້ອງ. ລັດຖະບານໄດ້ກຳນົດໜ້າທີ່ຈຸດສຸມໃນໄລຍະຈະມາເຖິງ ແມ່ນຊີ້ນຳການຕ້ອນຮັບພົນລະເມືອງປະຈຳໄລຍະ ແລະ ກະທັນຫັນຢ່າງເຂັ້ມງວດ, ການ ຕ້ອນຮັບພົນລະເມືອງຕິດພັນກັບການແກ້ໄຂຮ້ອງທຸກ, ຮ້ອງຟ້ອງ, ເອົາໃຈໃສ່ປັບປຸງກົງຈັກ, ຍົກສູງກຳລັງຄວາມສາມາດ, ລະດັບຄວາມຮູ້, ທັກສະໃຫ້ແກ່ພະນັກງານເຮັດວຽກງານຕ້ອນຮັບພົນລະເມືອງ, ແກ້ໄຂຮ້ອງທຸກ, ຮ້ອງຟ້ອງຕາມທິດວິຊາການ. ພ້ອມກັນນັ້ນສຸມໃສ່ແກ້ໄຂບັນດາກໍລະນີຮ້ອງທຸກ, ຮ້ອງຟ້ອງຢ່າງສັບສົນ, ຍັງຄົງຄ້າງ… ຄະນະກຳມະການປະຊາຊົນທຸກຂັ້ນເປັນເຈົ້າການກວດກາ, ກຳແໜ້ນສະພາບການ, ຄົ້ນພົບ ແລະ ມີມາດຕະການແກ້ໄຂບັນດາກໍລະນີຮ້ອງທຸກ, ຮ້ອງຟ້ອງທີ່ມີຫຼາຍຄົນເຂົ້າຮ່ວມຢູ່ທີ່ສຳນັກງານ. ຈຳກັດເລື່ອງພົນລະເມືອງເຕົ້າໂຮມຫຼາຍຄົນ, ຮ້ອງຟ້ອງຂ້າມຂັ້ນຂຶ້ນຂັ້ນສູນກາງໂດຍກົງ.
(ແຫຼ່ງຄັດຈາກ VOV)
ບັນດາບົດທີ່ຖືກນຳສະເໜີ