31/03/2015 00:01 GMT+7 Email Print Like 0

ການພົວພັນລະຫວ່າງ ຫວຽດນາມ-ອົສຕາລີ ແລະ ຫວຽດນາມ-ນິວຊີແລນ
ຄວາມເຂົ້າໃຈເຊິ່ງກັນ ແລະ ກັນ ແລະ ຄວາມເຊື່ອໃຈຍຸດທະສາດ

ທ່ານ ຫງວຽນເຕິນຢຸງ, ນາຍົກລັດຖະມົນຕີ ຫວຽດນາມ ໄດ້ເດີນທາງໄປຢ້ຽມຢາມສອງປະເທດ ອົສຕາລີ ແລະ ນິວຊີແລນ ຢ່າງເປັນທາງການ ແຕ່ວັນທີ 17-20 ມີນາ 2015. ການຢ້ຽມຢາມຄັ້ງນີ້, ທັງສອງປະເທດ ອົສຕາລີ ແລະ ນິວຊີແລນ ລ້ວນແຕ່ເປັນເອກະພາບຕໍ່ການຍົກ ລະດັບການພົວພັນກັບ ຫວຽດນາມ ຂຶ້ນສູງຂຶ້ນຕື່ມ, ຫັນທິດໄປສູ່ຄູ່ຮ່ວມມືຍຸດທະສາດ.
ທ່ານ​ ຫງວຽນ​ເຕິ​ນຢຸງ, ນາຍົກ​ລັກ​ຖະມົນຕີ ຫວຽດນາມ ​ໄດ້​ພົບ​ປະ​​ເຈລະຈາ​ກັບນາຍົກລັດຖະມົນຕີທັງສອງປະ​ເທດ, ພົບ​ປະ​ກັບ​ບັນດາ​ທ່ານ​ຜູ້ນຳ​ຂັ້ນ​ສູງ​ສຸດຂອງ​ສອງ​ປະ​ເທດ​ຄື: ຜູ້ມີ​ອຳນາດ​ເຕັມ, ປະທານ​ສະພາ​ແຫ່​ງຊາດ, ຜູ້​ວ່າການ​ລັດ, ການ​ນຳ​ບັນດາ​ພັກຝ່າຍ​ຄ້ານ. ທ່ານ​ນາຍົກລັດ​ຖະມົນຕີ ກໍ່​ໄດ້​ຕ້ອນຮັບ​ນັກທຸລະກິດລະດັບ​ແຖວ​ໜ້າ​ຫຼາຍໆ​ຄົນ, ​ເຂົ້າ​ຮ່ວມ​ການສົນທະນາກັບ​ບັນດາ​ວິ​ສາ​ຫະກິດ, ພົບ​ປະ​ກັບ​ບັນດາ​ອົງການ​ຈັດ​ຕັ້ງ​ການ​ເມືອງ, ສັງຄົມ, ມິດຕະພາບ, ນັກ​ສຶກສາ ​ແລະ ວົງ​ຄະນະ​ຍາດ​ຊາວ ຫວຽດນາມ ພວມ​ອາ​ໄສຢູ່​ສອງ​ປະ​ເທດ​ດັ່ງກ່າວ.
 
ທ່າ​ນ ຫງວຽນ​ເຕິ​ນຢຸງ, ນາຍົກ​ລັກ​ຖະມົນຕີ ຫວຽດນາມ ​ແລະ ບັນດາ​ທ່ານ​ຜູ້ນຳ​ຂອງ​ທັງ​ສອງ​ປະ​ເທດ​ລ້ວນ​ແຕ່​ເປັນ​ເອກະ​ພາບ​ວ່າ ການ​ພົວພັນ​ຄູ່​ຮ່ວມ​ມື​ຮອບດ້ານ ລະຫວ່າງ ຫວຽດນາມ-ອົສຕາ​ລີ ​ແລະ ຫວຽດນາມ-​ນິວຊີ​ແລນ​ໄດ້ມີ​ການ​ພັດທະນາ​ຢ່າງ​ດີງາມ​ໃນ​ທຸກ​ຂົງ​ເຂດ.

​ເພື່ອ​ເປີດ​ກວ້າງ, ຍົກ​ສູງ​ປະສິດທິ​ພາບ ​ແລະ ​ລັກສະນະ​ຕົວ​ຈິງ​ຂອງ​ການ​ຮ່ວມ​ມື​​ແນ​ໃສ່​ຕອບ​ສະໜອງ​ໃຫ້ແກ່​ຄວາມ​ຮຽກຮ້ອງ​ຕ້ອງການ​ໃໝ່​ຂອງ​ຫວຽດນາມ ​ແລະ ປະ​ເທດ​ເພື່ອນ, ອົສຕາ​ລີ ​ແລະ ນິວຊີ​ແລນ​ໄດ້ ​ເປັນ​ເອກະ​ພາບ​ວ່າ ຈະ​ຍົກລະດັບ​ການ​ພົວພັນ​ກັບ ຫວຽດນາມ ​ໃຫ້​ສູງຂຶ້ນ​ຕື່ມ ​ໂດຍຫັນທິດ​ໄປສູ່​ຄູ່​ຮ່ວມ​ມື​ຍຸດ​ທະ​ສາດ. ນີ້​​ແມ່ນ​ຂີດ​ໝາຍ​ໃໝ່​ທີ່​ສຳຄັນ​ໃນ​ການ​ພົວພັນ​ລະຫວ່າງ ຫວຽດນາມ ກັບ​ສອງ​ປະ​ເທ​ດດັ່ງກ່າວ, ສ້າງ​​ຂອບ​​ການ​ເມືອງ ແລະ ນິຕິ​ກໍາ​ໃຫ້​ແກ່ການຊຸກ​ຍູ້​​ຢ່າງ​ແຂງແຮງການ​ຮ່ວມ​ມື​ໃນ​ຂົງ​ເຂດຕ່າງໆ​ທີ່​ມີ​ຄວາມ​ໝາຍ​ຍຸດ​ທະ​ສາດ.

 ທ່ານ Tony Abbott, ນາຍົກລັດຖະມົນຕີ ອົສຕາ​ລີ ຕ້ອນຮັບ​ທ່ານ ຫງວຽນ​ເຕິ​ນຢຸງ,
ນາຍົກລັດຖະມົນຕີ ຫວຽດນາມ.​ ພາບ: ດຶກ​ຕ໋າມ/VNA

 
ທ່ານ Tony Abbott, ນາຍົກລັດຖະມົນຕີ ອົສຕາ​ລີ ເຊີນ​ທ່ານ ຫງວຽນ​ເຕິ​ນຢຸງ, ນາຍົກລັດຖະມົນຕີ ຫວຽດນາມ
ໄປຢ້ຽມຢາມສຳນັກງານສະພາແຫ່ງຊາດ ອົສຕາລີ. ພາບ: ດຶກ​ຕ໋າມ/VNA

ທ່ານ ຫງວຽນ​ເຕິ​ນຢຸງ, ນາຍົກລັດຖະມົນຕີ ຫວຽດນາມ ມີການ ພົບປະເຈລະຈາໃນວົງແຄບກັບທ່ານ Tony Abbott, ນາຍົກລັດຖະມົນຕີ ອົສຕາ​ລີ. ພາບ: ດຶກ​ຕ໋າມ/VNA

ທ່ານ ຫງວຽນ​ເຕິ​ນຢຸງ, ນາຍົກລັດຖະມົນຕີ ຫວຽດນາມ  ແລະ ທ່ານ Tony Abbott,
ນາຍົກລັດຖະມົນຕີ ອົສຕາ​ລີ ໄດ້ເປັນສັກຂີພິຍານໃນພິທີເຊັນເອກະສານ
“ເພີ່ມທະວີຄູ່​ຮ່ວມມືຮອບດ້ານລະຫວ່າງ ຫວຽດນາມ ແລະ ອົສຕາລີ”. ພາບ: ດຶກ​ຕ໋າມ/VNA

ທ່ານ ຫງວຽນ​ເຕິ​ນຢຸງ, ນາຍົກລັດຖະມົນຕີ ຫວຽດນາມ ພົບປະແລກປ່ຽນຄວາມຄິດຄວາມເຫັນ
ກັບທ່ານ Peter Cosgrove, ຜູ້ມີອຳນາດເຕັມແຫ່ງປະເທດ ອົສຕາລີ
. ພາບ: ດຶກ​ຕ໋າມ/VNA

ທ່ານ ຫງວຽນ​ເຕິ​ນຢຸງ, ນາຍົກລັດຖະມົນຕີ ຫວຽດນາມ ພົບປະແລກປ່ຽນຄວາມຄິດຄວາມເຫັນກັບທ່ານນາງ Bronwyn Bishop, ປະທານສະພາຕໍ່າ ແລະ ທ່ານ  Stephen Parry, ປະທານສະພາສູງ ອົສຕາລີ. ພາບ: ດຶກ​ຕ໋າມ/VNA

ທ່ານ ຫງວຽນ​ເຕິ​ນຢຸງ, ນາຍົກລັດຖະມົນຕີ ຫວຽດນາມ ພົບປະກັບທ່ານ Bill Shorten,
ຜູ້ນໍາ​ພັກຝ່າຍ​ຄ້ານ. ພາບ: ດຶກ​ຕ໋າມ/VNA

ກ່ຽວ​ກັບ​ຂົງ​ເຂດ​ການ​ເມືອງ, ຫວຽດນາມ ​ແລະ ອົສຕາ​ລີ, ນິວຊີ​ແລນ ​ໄດ້​ເຫັນ​ດີ​ເປັນ​ເອກະພາບ​ເພີ່ມ​ທະວີ​ການ​ແລ​ກ ປ່ຽນ​ຄະນະ​ຜູ້​ແທນ​ຂັ້ນ​ສູງ. ທັງ​ຜູ້​ມີ​ອຳນາດ​ເຕັມ ​ແລະ ນາຍົກລັດ​ຖະມົນຕີ ອົສຕາ​ລີ ລ້ວນ​ແຕ່​ຢືນຢັນ​ວ່າ ຈະ​​ໄປຢ້ຽມຢາ​ມ ຫວຽດນາມ ​​​​ໃນ​ເວລາ​ອັນ​ໃກ້​ທີ່​ສຸດ. ທ່ານ​ນາຍົກລັດຖະມົນຕີ ນິວຊີ​ແລນ ຄາດ​ຄະ​ເນ ຈະມາ​ຢ້ຽມຢາມ ຫວຽດນາມ ​ໃນ​ເດືອນກັນຍາ 2015 ສ່ວນ ການ​ນຳ​ສະພາ​ແຫ່ງ​ຊາດ​ຂອງສອງ​ປະ​ເທດ​ຈະ​​ມາ​ເຂົ້າ​ຮ່ວມ ກອງ​ປະຊຸມ​ໃຫຍ່​ສະຫະພັນ​ລັດຖະສະພາ​​ໂລກ ຄັ້ງ​ທີ 132 (IPU) ​ເຊິ່ງຈະ​ຈັດ​ຂຶ້ນ​ແຕ່​ວັນ​ທີ 28/3-1/4 ຢູ່ທີ່​ຮ່າ​ໂນ້ຍ.
 
ກ່ຽວ​ກັບ​ຂົງ​ເຂດ​ເສດຖະກິດ, ການ​ເດີນທາງ​ມາ​ຢ້ຽມຢາມ​ຄັ້ງ​ນີ້​ ຫວຽດນາມ ​ແລະ ອົສຕາ​ລີ, ນິວຊີ​ແລນສາມາດ ບັນລຸ​ໄດ້​ຫຼາຍ​ຂໍ້​ຕົກລົງທີ່​ລະອຽດ​ແນ​ໃສ່​ຊຸກຍູ້​ຢ່າງ​ແຂງ​ແຮງ​ການ​ຮ່ວມ​ມື​ໃນ​ຂົງ​ເຂດ​ທີ່​ປະ​ເທດເພື່ອນ​ມີ​ທ່າ​ແຮງ ​ແລະ ຫວຽດນາມ ມີ​ຄວາມ   ​ຕ​້ອງການ​ຄື: ກະສິກຳ, ອຸດ​ສາ​ຫະກຳ​ຂຸດ​ຄົ້ນ​ບໍ່​ແຮ່, ວິທະ​ຍາສາດ​ເຕັກນິກ ​ແລະ ພັດທະນາ​ແຫຼ່ງຊັບພະ ຍາກອນ​ມະນຸດ; ສ້າງ​ເງື່ອນ​ໄຂ​ໃຫ້​​ແກ່ສິນຄ້າ, ການ ບໍລິການ ຂອງ​ສອງ​ປະ​ເທດຫຍັບ​ເຂົ້າ​ໃກ້​ຕະຫຼາດ​ຂອງ​ກັນ ​ແລະ ກັນ, ​ໃນ​ນັ້ນ​ສອງ​ປະ​ເທດ​ເພື່ອນ​ເຫັນ​ດີ​ເອກະ​ພາບ​ຈະ​ແລກປ່ຽນ​ເພື່ອ​ສ້າງ​ເງື່​ອນ​ໄຂ​ໃຫ້​ສິນຄ​້າກະສິກຳ, ສິນ​ທະ​ເລ​ຂອງ ຫວຽດນາມ​ເຂົ້າ​ສູ່ຕະຫຼາດ​ສອງ​ປະ​ເທດ ດັ່ງກ່າວ.

ທັງ​ສອງ​ປະ​ເທດ​ລ້ວນ​ແຕ່​ປາດ​ຖະໜາ​ຢາກ​ຊຸກຍູ້​ການ​ຮ່ວມ​ມື​ດ້ານ​ປ້ອງ​ກັນ​ຊາດ-​ປ້ອງ​ກັນ​ຄວາມ​ສະຫງົບກັບ ຫວຽດນາມ, ​ໄດ້ຕົກລົງ​ກັບ ຫວຽດນາມ​ໃນ​ຫຼາຍ​ຂົງ​ເຂດທີ່​ລະອຽດ​ຄື: ສືບ​ຕໍ່​ຊ່ວຍ​ເຫຼືອ ຫວຽດນາມຢ່າງ​ຕັ້ງໜ້າ​ ​ໃນ​ການ​ກໍ່ສ້າງຊັບພະຍາ ກອນ​ມະນຸດ​ດ້ານ​ພາສາ​ ອັງ​ກິດ ​ແລະລົງ​ເລິກ​ຂະ​ແໜງ​ການ​, ຍົກ​ສູງຄວາມ​ສາມາດ​ໃນການ​ເຂົ້າ​ຮ່ວມ​​ເຄື່ອນ​ໄຫວ​ຮັກສາ​ສັນຕິພາບ​ຂອງ​ສະຫະ​ປະຊາ​ຊາດ, ​ຄວາມ​ສາມາດ​ປະຕິບັດ​ກ​ົດໝາຍ​ໃນ​ເຂດ​ໜ້າ​ນໍ້າ​ທະ​ເລ, ກູ້​ໄພ​ໃນ​​ກຳ​ປັ່ນ​ດຳ​ນ້ຳ, ​ເກັບ​ກູ້​ລະ​ເບີດ​ບໍ່​ທັນ​ແຕກ​ຕົກ​ຄ້າງ​ໃນ​ປາງ​ສົງຄາມ, ​ເປີດ​ກວ້າງ​ກາ​ນ ຮ່ວມ​ມື​ໃນ​ການຕ້ານ​, ສະກັດ​ກັ້ນອາດຊະຍາ​ກຳ​ຂ້າມ​ຊາດ, ອາດຊະຍາ​ກຳ​ເຕັກ​ໂນ​ໂລ​ຢີຊັ້ນສູງ, ຕ້ານການ​ກໍ່​ການ​ຮ້າຍ, ຮັບປະກັນ​ຄວາມ​ສະຫງົບ​ຄວາມ​ປອດ​ໄພ​ຂອງ​ເຄື​ອຂ່າຍ​ອິນ​ເຕີ​ເນັດ. ທ່ານ​ລັດຖະມົນຕີ​ວ່າການ​ກະຊວງ​ປ້ອງ​ກັນ​ປະ​ເທດ ນິວຊີ​ແລນ ຈະ​ມາ​ຢ້ຽມ ຢາມ ຫວຽດນາມ​ ​ໃນ​ປີ​ນີ້.
 
ຄຽງ​ຄູ່​ກັບ​ບັນດາ​ບັນຫາ​ລະດັບສອງ​ຝ່າຍ, ສອງ​ປະ​ເທດ​ກໍ່​ເປັນ​ເອກະ​ພາບ​ວ່າ ຈະ​ສືບ​ຕໍ່​ເພີ່ມ​ທະວີ​ການ​ພົວພັນ​ຮ່ວມ​ມື ​ແລະ ສົມທົບ​ເປັນ​ຢ່າງ​ດີ​ກັບ ຫວຽດນາມ ​ໃນ​ເວທີຫລາຍຝ່າຍ,ຫລາຍ​ຂົງ​ເຂດ ​ແລະ ສາກົນ; ສະໜັບ ສະໜູນ ​ແລະ ຊ່ວຍ​ເຫຼືອ​​ເຊິ່ງກັນ ​ແລະ ກັນ​ໃນ​ການ​ເຈລະຈາ ​ແລະ ປະຕິບັດ​ສັນຍາ​ຄູ່​ຮ່ວມ​ມື​ເສດຖະກິດ​ຮອບດ້ານ​ໃນ​ພາກ​ພື້ນ (RCEP), ສັນຍາ​ຄູ່​ຮ່ວມ​ມື​ຂ້າມ​ປາຊີ​​ຟິກ, ​ສັນຍາ​ຄູ່​ຮ່ວມ​ມື​ຂ້າມ​ປາຊ​ີຟິກ (TPP).
 
ການນຳ​ສອງ​ປະ​ເທດ​​ໄດ້​ເປັນ​ເອກະ​ພາບ​ກັບ ຫວຽດນາມ ຕໍ່​ຄວາມ​ຮຽກຮ້ອງຕ້ອງການ​ທີ່​ຈຳ​ເປັນ​ຂອງ​ການ​ຮັກສາ​ສັນຕິພາບ, ຄວາມ​ສະຫງົບ​ປອດ​ໄພ​ຢູ່​ອາຊີ-​ປາຊີ​ຟິກ, ຢຶນຢັນຄວາມ​ສຳຄັ​ນຂອງ​ການ​ຮັບປະກັນ​ສັນຕິພາບ, ສະຖຽນ​ລະ​ພາບ, ຄວາມ​ສະຫງົບ, ປອດ​ໄພ, ​ເສ​ລີພາບ​ດ້ານການ​ຂົນ​ສົ່ງ​ທາງ​ທະ​ເລ, ທາງ​ອາກາດ​ຢູ່​ທະ​ເລ​ຕາ​ເວັນ​ອອກ, ບໍ່​ນາບຂູ່ ຫລື ນຳ​ໃຊ້​ກຳລັງ​ອາວຸດ, ແກ້​ໄຂກໍລະນີ​ພິພາດ​ບົນທະ​ເລ​ຕາມ​ກົດໝາຍ​ສາກົນ, ​ໃນ​ນັ້ນ ມີສົນທິສັນຍາ ສະຫະ​ປະຊາ​ຊາດ ​ວ່າ​ດ້ວຍ​ກົດໝາຍ​ທະ​ເລ​ປີ 1982.
 

ພິທີຕ້ອນຮັບທ່ານ ຫງວຽນ​ເຕິ​ນຢຸງ, ນາຍົກລັດຖະມົນຕີ ຫວຽດນາມ ໄດ້ຈັດຂຶ້ນຕາມພິທີການ​ແບບມູນເຊື້ອ
ຂອງຊາວພື້ນ​ເມືອງ Maori. ພາບ: ດຶກ​ຕ໋າມ/VNA


ທ່ານ John Key, ນາຍົກລັດຖະມົນຕີ ນິວຊີແລນ ຕ້ອນຮັບທ່ານ ຫງວຽນ​ເຕິ​ນຢຸງ,
ນາຍົກລັດຖະມົນຕີ ຫວຽດນາມ. ພາບ: ດຶກ​ຕ໋າມ/VNA

ທ່ານ ຫງວຽນ​ເຕິ​ນຢຸງ, ນາຍົກລັດຖະມົນຕີ ຫວຽດນາມ ພົບປະເຈລະຈາກັບທ່ານ John Key,
ນາຍົກລັດຖະ ມົນຕີ ນິວຊີແລນ
. ພາບ: ດຶກ​ຕ໋າມ/VNA

ທ່ານນາຍົກທັງ​ສອງໄດ້ເປັນສັກຂີພິຍານໃນພິທີເຊັນ
ເອກະສານຮ່ວມມືລະຫວ່າງສອງປະເທດ. ພາບ: ດຶກ​ຕ໋າມ/VNA

ທ່ານ ຫງວຽນ​ເຕິ​ນຢຸງ, ນາຍົກລັດຖະມົນຕີ ຫວຽດນາມ ພົບປະແລກປ່ຽນຄຳຄິດຄຳເຫັນ
ກັບທ່ານ Jerry Mateparae, ຜູ້ມີອຳນາດເຕັມແຫ່ງປະເທດ ນິວຊີແລນ. ພາບ: ດຶກ​ຕ໋າມ/VNA

ທ່ານ ຫງວຽນ​ເຕິ​ນຢຸງ, ນາຍົກລັດຖະມົນຕີ ຫວຽດນາມ ພ້ອມດ້ວຍພັນລະຍາ ກັບທ່ານ David Carter,
ປະທານສະພາແຫ່ງຊາດ ນິວຊີແລນ ພ້ອມດ້ວຍ ພັນລະຍາ.
ພາບ: ດຶກ​ຕ໋າມ/VNA

ທ່ານ ຫງວຽນ​ເຕິ​ນຢຸງ, ນາຍົກລັດຖະມົນຕີ ຫວຽດນາມ ໄປຢ້ຽມຢາມໂຮງຮຽນມະຫາວິທະຍາໄລເຕັກໂນໂລຢີ
 Auckland, ໂຮງຮຽນ​ໃນ​ລະດັບແຖວໜ້າຂອງ ນິວຊີແລນ. ພາບ: ດຶກ​ຕ໋າມ/VNA

 
ປະຕິບັດ​ໂດຍ: VNA/VNP
 
ບັນດາບົດທີ່ຖືກນຳສະເໜີ