22/05/2017 09:27 GMT+7 Email Print Like 0

ຄວາມຫວັງຂອງຜູ້ມີສິດເລືອກຕັ້ງໃນກອງປະຊຸມສະໄໝສາມັນເທື່ອທີ 3, ຂອງສະພາແຫ່ງຊາດ

      ກອງປະຊຸມສະໄໝສາມັນເທື່ອທີ 3, ສະພາແຫ່ງຊາດຊຸດທີ 14 ຈະໄຂຂຶ້ນຢ່າງເປັນທາງການໃນຕອນເຊົ້າວັນທີ 22/5.

(ພາບປະກອບ:ອິນເຕີແນັດ)
      ຜູ້ມີສິດເລືອກຕັ້ງ ແລະ ປະຊາຊົນເປັນຈຳນວນຫຼວງຫຼາຍໄດ້ສະແດງຄວາມຫວັງວ່າ, ກອງປະຊຸມສະໄໝທີ 3, ສະພາແຫ່ງຊາດຈະຕີລາຄາສະພາບການເສດຖະກິດ - ສັງຄົມຢ່າງຖືກຕ້ອງ; ສ້າງກົດໝາຍຢ່າງເໝາະສົມ, ມີຄວາມສາມາດເປັນໄປໄດ້ ເພື່ອໃຫ້ບັນດາອົງການບໍລິຫານ ແລະ ຕຸລາການຄຸ້ມຄອງ, ບໍລິຫານຢ່າງມີປະສິດທິຜົນ. ຜູ້ມີສິດເລືອກຕັ້ງ ບູ່ຍດັ້ງກວາງ, ເມືອງ ບາດິ່ງ, ຮ່າໂນ້ຍ, ຫວັງວ່າ ກອງປະຊຸມຄັ້ງນີ້ຂອງສະພາແຫ່ງຊາດຈະສືບຕໍ່ຍົກສູງຄຸນນະພາບການກໍ່ສ້າງກົດໝາຍ, ໂດຍສະເພາະແມ່ນບັນດາກົດໝາຍທີ່ກ່ຽວຂ້ອງເຖິງວຽກງານຕໍ່ສູ້ປ້ອງກັນ, ຕ້ານການສໍ້ລາດບັງຫຼວງ.
        “ບັນດາວຽກໃຫຍ່, ບັນດາວຽກງານທີ່ປະຊາຊົນມີຄວາມຂ້ອງໃຈ, ສະພາແຫ່ງຊາດລ້ວນແຕ່ມີຄວາມເອົາໃຈໃສ່ເພື່ອແກ້ໄຂເຫດການ. ພິເສດແມ່ນວຽກງານປ້ອງກັນ ແລະ ຕ້ານການສໍ້ລາດບັງຫຼວງ. ຂ້າພະເຈົ້າຫວັງວ່າທຸກບັນຫາຈະໄດ້ຮັບການແກ້ໄຂໂດຍໄວ ແລະ ບັນດາບັນຫາໃຫຍ່ຂອງປະເທດກໍ່ຖືກວາງອອກໃນກອງປະຊຸມຄັ້ງນີ້ແລະ ຈະໄດ້ຮັບການແກ້ໄຂຢ່າງມີປະສິດທິຜົນເທື່ອລະກ້າວ“.
        ຜູ້ມີສິດເລືອກຕັ້ງໃນທົ່ວປະເທດຫວັງວ່າ, ບັນດາສະມາຊິກສະພາແຫ່ງຊາດສືບຕໍ່ຍົກສູງສະຕິ, ຄວາມຮັບຜິດຊອບໜ້າທີ່, ຄຸນນະທາດ, ຄວາມສາມາດຂອງຕົນ, ຕັ້ງໜ້າເຂົ້າຮ່ວມການປະກອບຄວາມເຫັນ ເພື່ອແນໃສ່ນຳເອົາແນວຄິດຈິດໃຈ, ຄວາມມຸ້ງມາດປາຖະໜາອັນຊອບທຳຂອງຜູ້ມີສິດເລືອກຕັ້ງເຂົ້າໃນກອງປະຊຸມສະພາແຫ່ງຊາດ.
(ແຫຼ່ງຄັດຈາກ VOV)
ບັນດາບົດທີ່ຖືກນຳສະເໜີ