08/01/2017 11:06 GMT+7 Email Print Like 0

ຂະແໜງເກີບໜັງຄາດຄະເນວົງເງິນສົ່ງອອກປີ2017ບັນລຸ18ຕື້ USD

ພາບ​ປະ​ກອບ
       ຂະ​ແໜງ​ເກ​ີບ​ໜັງ​ຄາດ​ຄະ​ເນ​ວົງ​ເງິນ​ສົ່ງ​ອອກ​ປີ 2017 ບັນ​ລຸ 18 ຕື້ USD - ລະ​ດັບ​ການ​ເຕີບ​ໂຕ​ນີ້​ສູງ​ກ່​ວາ​ເມື່ອ​ທຽບ​ໃສ່​ປີ 2016, ລະ​ອຽດ​ຄື​ເພີ່ມ​ຂຶ້ນ​ກ່​ວາ 10%. ສາຍ​ເຫດ​ຍ້ອນ​ວ່າ​ເສດ​ຖະ​ກິດ​ໂລກ​ມີ​ທ່າ​ອ່ຽງ​ດີ​ຂຶ້ນ​ກ່​ວາ​ປີ 2016 ແລະ ຈີນ ສືບ​ຕໍ່​ມີ​ແຜນ​ນະ​ໂຍ​ບາຍ​ຫລຸດ​ຜ່ອນ​ບຸ​ລິ​ມະ​ສິດ​ການ​ລົງ​ທຶນ​ໃນ​ບັນ​ດາ​ຂົງ​ເຂດ​ຕ່ຳ​ແຜ່ນ​ຕັດ​ຫຍິບ, ເກ​ີບ​ໜັງ​ເພື່ອ​ສຸມ​ໃສ່​ເຂົ້າ​ບັນ​ດາ​ຂະ​ແໜງ​ມີ​ເຕັກ​ໂນ​ໂລຢ​ີ​ສູງ​ກ່​ວາ, ດັ່ງ​ນັ້ນ, ອາ​ດ​ຈະ​ມີບາງ​ໃບ​ຊັ່ງ​ຊື້​ເກີບ, ກະ​ເປົ່າ​ຈະ​ຫັນ​ປ່ຽນ​ຈາກ ຈີນ ໄປ​ສູ່ ຫວຽດ​ນາມ. ພ​້ອມ​ກັນ​ນັ້ນ, ບັນ​ດາ​ວິ​ສາ​ຫະ​ກິດກໍ່​ຍູ້​ແຮງ​ການ​ສົ່ງ​ອອກ​ຜະ​ລິດ​ຕະ​ພັນ​ເກີບ​ໜັງ​ຕາມ​ທິດ​ຂຸດ​ຄົ້ນ​ທ່າ​ໄດ້​ປຽບ ແລະ ຄວາມ​ສາ​ມາດ​ບົ່ມ​ຊ້ອນ​ເປີດ​ປະ​ຕູ​ຕະຫຼາດ​ຢູ່​ບັນ​ດາ​ປະ​ເທດ​ເຂົ້າ​ຮ່ວມ​ສັນ​ຍາ​ການ​ຄ້າ​ເສ​ລີ (FTA) ເຊິ່ງ ຫວຽດ​ນາມ ໄດ້​ລົງ​ນາມ. ນອກ​ນັ້ນ, ຂະ​ແໜງ​ເກີບ​ໜັງ​ປ່ຽນ​ໃໝ່​ຮູບ​ແບບ​ການ​ຜະ​ລິດ, ເຂົ້າ​ຮ່ວມ​ບັນ​ດາ​ການ​ຜະ​ລິດ​ເກີບ​ໜັງ​ພາຍ​ໃນ​ປະ​ເທດ, ພາກ​ພື້ນ ແລະ ທົ່ວ​ໂລກ, ພ້ອມ​ທັງ​ປ່ຽນ​ໃໝ່​ເຕັກ​ໂນ​ໂລ​ຢີ, ຫັນ​​ພາ​ຫະ​ນະອຸ​ປະ​ກອນ​ເປັນ​ທັນ​ສະ​ໄໝ ແລະ ເປີດ​ກ້​ວາງ​ຮູບ​ແບບ​ການ​ຜະ​ລິດ​ຂອງ​ບັນ​ດາ​ວິ​ສາ​ຫະ​ກິດ​ພາຍ​ໃນ​ປະ​ເທດ, ເພື່ອ​ເພີ່ມ​ສະ​ມັດ​ຕະ​ພາບ ແລະ ຄ​ຸນ​ນ​ະ​ພາບ​ຜະ​ລິດ​ຕະ​ພັນ​ສົ່ງ​ອອກ.
(ແຫຼ່ງຄັດຈາກ VOV)
ບັນດາບົດທີ່ຖືກນຳສະເໜີ