20/02/2017 08:56 GMT+7 Email Print Like 0

ກອງທັບເຮືອຫວຽດນາມ-ສິງກະໂປພົບປະແລກປ່ຽນຢູ່ກາມແຣງ


ກ່ຳ​ປັ່ນ RSS ENDURANCE ຂອງກອງ​ທັບ​ເຮືອ ສ. ສິງ​ກະ​ໂປ 
(ພາບ: Hng Pha/TTXVN)
 
​​​      ໂດຍ​ໄດ້​ຮັບ​ຄວາມ​ເຫັນ​ດີ​ເຫັນ​ພ້ອມ​ຂອງ​ກະ​ຊວງ​ປ້ອງ​ກັນ​ປະ​ເທດ ຫວຽດ​ນາມ, ແຕ່​ວັນ​ທີ 17 – 21/2, ກ່ຳ​ປັ່ນ RSS ENDURANCE ຂອງກອງ​ທັບ​ເຮືອ ສ. ສິງ​ກະ​ໂປ ພ້ອມ​ກັບ​ລູກ​ເຮືອ 180 ຄົນ​ໂດຍ​ພັນ​ຕີ Lee Kwok So ບັນ​ຊາ​ໄດ້​ເຂົ້າ​ທຽບ​ທ່າ​ກ່ຳ​ປັ່ນສາ​ກົນ ກາມ​ແຣງ (ແຂວງ ແຄ໋ງ​ຮ່​ວາ) ໃນ​ຂອບ​ເຂດ​ກາ​ນ​ຢ້ຽມ​ຢາມ ຫວຽດ​ນາມ. ການ​ຢ້ຽມ​ຢາມ​ແມ່ນ​ໜຶ່ງ​ໃນ​ບັນ​ດາ​ການ​ເຄື່ອນ​ໄຫວ​ລະ​ອຽດ ​ເພື່ອຜັນ​ຂະ​ຫຍາຍ​ບັນ​ດາ​ເນື້ອ​ໃນ​ຂໍ້​ຕົກ​ລົງ​ລະ​ຫວ່າງ​ການ​ນຳ​ຂັ້ນ​ສູງ​ກະ​ຊວງ​ປ້ອງ​ກັນ​ປະ​ເທດ 2 ປະ​ເທດ​ໃນ​ໄລ​ຍະ​ຜ່ານ​ມາ, ຜ່ານນັ້ນ, ປະ​ກອບ​ສ່ວນ​ເພີ່ມ​ທະ​ວີ​ການ​ຮ່ວມ​ມື​ລະ​ຫວ່າງກອງ​ທັບ 2 ປະ​ເທດ​ເວົ້າ​ລວມ, ກຳ​ລັງ​ກອງ​ທັບ​ເຮືອ​ 2 ປະ​ເທດ​ເວົ້າ​ສະ​ເພາະ ​ໃຫ້ນັບ​ມື້​ນັບ​ກ້າວ​ເຂົ້າ​ສູ່​ລວງ​ເລິກ ແລະ ມີ​ປະ​ສິດ​ທິ​ຜົນ. ໃນ​ໄລ​ຍະ​ຢູ່​ຢ້ຽມ​ຢາມ ຫວຽດ​ນາມ, ພັນ​ຕີ Lee Kwok So ໄດ້​​ເຂົ້າ​ຢ້ຽມ​ຂ່ຳ​ນັບ​ການ​ນຳ​ຄະ​ນະ​ກຳ​ມະ​ການ​ປະ​ຊາ​ຊົນ​ແຂວງ ແຄ໋ງ​ຮ່​ວາ ແລະ ກອງ​ບັນ​ຊາ​ການ​ທະ​ຫານ​ເຮືອ​ເຂດ 4. 2 ຝ່າຍ​ຈະ​ຈັດ​ຕັ້ງ​ການ​ຢ້ຽມ​ຢາມ​ກ່ຳ​ປັ່ນ​ຂອງ​ກັນ, ​ແຂ່ງ​ຂັນກິ​ລາ​ກັບ​ພະ​ນັກ​ງານ, ​ທະ​ຫານ​ເຮືອ​ເຂດ 4 ແລະ ຢ້ຽມ​ຢາມ​ປູ​ຊະ​ນີ​ຍະ​ສະ​ຖານ​ຂອງ​ທ້ອງ​ຖິ່ນ​ບາງ​ແຫ່ງ.
(ແຫຼ່ງຄັດຈາກ VOV)
ບັນດາບົດທີ່ຖືກນຳສະເໜີ