ឧបករណ៍ទទួលទានតែដែលជាអត្តសញ្ញាណវៀតណាមត្រូវបានឧទ្ទេសនាមដល់សាធារណជនទាំងក្នុងនិងក្រៅប្រទេសតាមពិធីតាំងពិព័រណ៌ "សិល្បៈអនុវត្តន៍ក្នុងវប្បធម៌តែភូមិភាគខាងកើត” ទើបបានប្រព្រឹត្តឡើងនៅសារមន្ទីប្រវត្តិសាស្រ្តទីក្រុងហូជីមិញ។
តាំងពីយូរលង់ណាស់មកហើយ តែបានចាត់ទុកដូចជាថ្នាំមួយប្រភេទមានផលប្រយោជន៍សម្រាប់សុខភាពរបស់មនុស្ស បើសិនជាបានប្រើប្រាស់យ៉ាងត្រឹមត្រូវនិងទៀងទាត់ យូរៗទៅ តែបានក្លាយជាមុខភេសជ្ជៈមួយប្រភេទ ការទទួលទានតែក៏បានលើកតម្កើងនិងចាត់ទុកដូចជាអត្តសញ្ញាណវប្បធម៌ដ៏ពិសេសពិសាលមួយរបស់បណ្តាប្រទេសនៃភូមិភាគខាងកើត។ ក្នុងនោះ វប្បធម៌តែវៀតណាមក៏បានបង្កើតឡើងពីរាប់ពាន់ឆ្នាំកន្លងមកហើយ ឧបការណ៍ទទួលទានតែរួមមាន៖ ប៉ាន់តែ ពែងតែ និងស្លាបព្រា ។ល។ និងមានរបៀបទទួលទានតែប្រកបដោយអត្តសញ្ញាណពិសេសជាដោយឡែក។
ក្នងចំណោមវត្ថុបានដាក់តាំងក្នុងពិធីតាំងពិព័រណ៍ “សិល្បៈអនុវត្តន៍ក្នុងវប្បធម៌តែនៅភូមិភាគខាងកើត” ឧបករណ៍ទទួលទានតែរបស់វៀតណាមរួមមាន ១២២ មុខ បានបង្ហាញអ្វីៗជាចំណែក ដែលផូរផង់ជាទីបំផុតនៃវប្បធម៌ទទួលទានតែរបស់វៀតណាម រួមមាន៖ កម្រងភាជន៍នៅរជ្ជកាលលី (សតវត្សរ៍ទី១១ដល់១៣) រជ្ជកាលត្រឹន(សតវត្សរ៍ទី១៣ដល់១៥) ភាជន៍ដែលបានបញ្ជាទិញពីប្រទេសចិន (សតវត្សរ៍ទី១៩) បណ្តាវត្ថុដាក់តាំងនេះមានរចនាបទដ៏សម្បូរបែបនៃភាជន៍បុរាណវៀតណាមដូចជា៖ ភាជន៍បាតត្រាង ភាជន៍ជូដៅ ភាជន៍សាយហ្គន ភាជន៍ឡាយធាវ។
ជាពិសេស អ្នកកម្រងឯកជនក៏បានចួលរួមដាក់តាំងវត្ថុក្នងពិធីតាំងពិពរណ៍នេះដូចជា៖ ប៉ានតែនិងពែងតែធ្វើពីភាជន៍មានពណ៌សលាយពណ៌ខៀវនិងបានសរសេរអក្សរ “ទឹដឹកនាដាវ” របស់អ្នកស្រាវជា្រវ ង្វៀនហ៊ឹវត្រៀត ហើយប៉ាន់តែនិងពែងតែមានគំរប បានសរសេរអក្សរ “មីញម៉ាង” របស់អ្នកកម្រង ង្វៀនថាញ់តៀន។ គណៈកម្មាការរៀបចំពិធីតាំងពិរព័រណ៌នេះក៏បានដាក់តាំងឧបករណ៍ទទូលទានតែថ្មីមួយចំនួន ដែលមានរចនាបទដ៏ទំនើបគួមផ្សំនឹងក្បាច់រចនាបុរាណជិតស្និទជាមួយវប្បធម៌ប្រពៃណីវៀតណាមទៀតផង។
ក្រៅពីនោះ វប្បធម៌ឧបករណ៍ទទួលទានតែវៀតណាមក៏បានបង្ហាញតាមរយៈបណ្តាវត្ថុដាក់តាំងរបស់ភាជន៍ AN NAM YAKI (ភាជន៍អានណាម) ក្នុងចំណោមឧបករណ៏ទទួលទានតែរបស់ជប៉ុនបានដាក់តាំងនៅពិធីនេះ។ នេះគឺជាប៉ាន់និងពែងតែបានធ្វើពីតំបន់ជូដៅនៅសម័យ ឡេ - ម៉ាក (សតវត្សរ៍ទី១៦ ១៧) ហើយបាននាំចេញទៅទីផ្សារជប៉ុន ក្នុងនោះមានឧបករណ៍ទទួលទានតែមានប្រភពមកពីប្រទេសវៀតណាម បានចួលរួមចំណែកក្នុងការបង្កើតឡើងលក្ខណៈរមទម្យនៃឧបករណ៍ឆុងតែតាមគោលគារណ៍ “បរិសុទ្ធនិងជ្រះថ្លា “
នៅពិធីតាំងពិព័រណ៍ សាធារណជនក៏មានឧកាសបានស្វែងយល់អំពីវប្បធម៌ទទួលទានតែរបស់ជនជាតិវៀតណាមតាមការឆុងតែនិងទទួលទានតែ។ លោក Julian Green ភ្ញៀវទេសចរណ៍មកពីអាមេរិកបានអោយដឹងថា៖ “ខ្ញុំពិតជាសម្បាយចិត្តខ្លាំងណាស់ ដោយសារបានមកទេសចរណ៍នៅវៀតណាម និងបានស្វែងយល់អំពីវប្បធម៌តែរបស់ប្រទេសមិត្តយ៉ាងចៃដន្យ។ នេះពិតជាវប្បធ៌មដ៏ល្អប្រលើររបស់ជនជាតិវៀតណាម នាំអោយភ្ញៀវទេសអន្តរជាតិមានចំណាប់អារម្មណ៍ជាច្រើន”./.
អត្ថបទនិងរូបថត៖ ង្វៀន វូថាញ់ដាត