ឧបនាយករដ្ឋមន្រ្តីវៀតណាមលោក Vuong Dinh Hue (ខាងឆ្វេង) និងឧបនាយករដ្ឋមន្រ្តី
និងជារដ្ឋមន្រ្តីក្រសួងកសិកម្មនិងប្រភពទឹកលោក Barnaby Joyce (រូបថត៖VGP)
ក្នុងដំណើរទស្សនកិច្ចការងារនៅអូស្ត្រាលី នាថ្ងៃទី២៥ ខែកក្កដា ឆ្នាំ២០១៧ ឧបនាយករដ្ឋមន្រ្តីវៀតណាម លោក Vuong Dinh Hue បានអញ្ជើញជួបចរចារ ជាមួយឧបនាយករដ្ឋមន្រ្តី និងជារដ្ឋមន្រ្តីក្រសួងកសិកម្មនិងប្រភពទឹក លោក Barnaby Joyce ជួបធ្វើការជាមួយរដ្ឋមន្រ្តីការបរទេស លោកស្រី Julie Bishop និងរដ្ឋមន្រ្តីពាណិជ្ជកម្មលោក Steven Ciobo។នៅបណ្ដាជំនួបនេះ ថ្នាក់ដឹកនាំអូស្ត្រាលីវាយតំលៃខ្ពស់ ចំពោះវៀតណាមក្នុងឋានៈជាប្រទេសកំពុងអភិវឌ្ឍន៍យ៉ាងផុលផុស ហើយមានតួនាទីសកម្មក្នុងតំបន់អាស៊ីអាគ្នេយ៍ ព្រមទាំងមានបំណងជំរុញទំនាក់ទំនងវៀតណាម-អូស្ត្រាលីឡើងកំពស់ថ្មីផងដែរ។ ភាគីទាំងពីរឯកភាពលើក្រុមវិធានការសំដៅពង្រឹងទំនាក់ទំនងដៃគូ លើគ្រប់ជ្រុងជ្រោយក្នុងវិស័យជាច្រើន ចាប់ពីនយោបាយសេដ្ឋកិច្ច ពាណិជ្ជកម្ម ដល់អប់រំបណ្ដុះបណ្ដាល វិទ្យាសាស្ត្រ ទេសចរណ៍ និងជួបប្រាស្រ័យរវាងប្រជាជន។
ភាគីទាំងពីរក៏បានសង្កត់ធ្ងន់ទៅលើសារសំខាន់នៃការរក្សាសន្តិភាព ស្ថិរភាព សន្តិសុខ សុវត្ថិភាពនិងសេរីភាពខាងនាវាចរណ៍ និងអាកាសចរណ៍នៅតំបន់ ដោះស្រាយជំលោះដោយសន្តិវិធី ឈរលើច្បាប់អន្តរជាតិ អនុវត្តយ៉ាងមឹងម៉ាត់សេចក្ដីថ្លែងការណ៍ ស្ដីពីការប្រតិបត្តិរបស់ភាគីនានានៅសមុទ្រខាងកើត (DOC) និងឆាប់ទទួលបានក្រមប្រតិបត្តិនៅសមុទ្រខាងកើត (COC)៕
តាម VOV5 - វិទ្យុសំឡេងវៀតណាម