អនុប្រធានរដ្ឋសភាលោក Uong Chu Luu ទទួលជួបជាមួយគណៈប្រតិភូ សហភាពសហករណ៍អន្តរជាតិ
នាព្រឹកថ្ងៃទី២០ ខែមេសា ឆ្នាំ២០១៧ នៅទីក្រុងហាណូយ អនុប្រធានរដ្ឋសភាវៀតណាម លោក Uong Chu Luu បានអញ្ជើញទទួលជួបជាមួយគណៈប្រតិភូសហភាពសហករណ៍ អន្តរជាតិ ដឹកនាំដោយប្រធានសហភាពសហការណ៍អន្តរជាតិ លោក Li Chunseng ក្នុងឱកាសគណៈប្រតិភូមកដល់ ទីក្រុងហាណូយ ចូលរួមសន្និសីទរដ្ឋមន្ត្រី សហករណ៍តំបន់អាស៊ី-ប៉ាស៊ីហ្វិកលើកទី១០ ដែលបានរៀបចំនៅវៀតណាម។ នៅក្នុងជំនួបនេះ លោក Uong Chu Luu បានវាយតម្លៃខ្ពស់នូវខ្លឹមសារ និងកម្មវិធីសកម្មភាពរបស់សន្និសីទ និងចាត់ទុកថា នេះជាឱកាសសំខាន់ ដើម្បីវៀតណាមសិក្សារៀន សូត្របទពិសោធន៍របស់ប្រទេសដទៃក្នុងការកសាង និងអភិវឌ្ឍន៍ល្អថែមទៀត នូវ តួនាទីរបស់សហករណ៍ ដើម្បីអភិវឌ្ឍន៍សេដ្ឋកិច្ចប្រទេសជាតិ។ លោក Uong Chu Luu បានឲ្យដឹងថា ដើម្បីបង្កលក្ខណៈឲ្យសហករណ៍អភិវឌ្ឍន៍ រដ្ឋសភាវៀតណាម បានផ្សព្វផ្សាយនិងធ្វើវិសោធនកម្ម ច្បាប់សហករណ៍ចំនួន៣លើក។ លោកអនុប្រ ធានរដ្ឋសភាវៀតណាម បានស្នើឲ្យសហភាពសហករណ៍អន្តរជាតិ បន្តជួយឧបត្ថម្ភ លើកកំពស់សមត្ថភាព របស់សហករណ៍វៀតណាម នាំផលិតផលវៀតណាមជ្រៀតចូលកាន់តែជ្រៅទៅ ក្នុងទីផ្សារតំបន់និងពិភពលោក។
រីឯប្រធានសហភាពសហករណ៍អន្តរជាតិ លោក Li Chunseng មានបំណងថា វៀតណាម នឹងបន្តគាំទ្រជាពិសេស ចូលរួមយ៉ាងសកម្មទៅក្នុងសកម្មភាពរបស់សហភាពសហករណ៍អន្តរជាតិ តាមនោះដាក់ចេញនូវកម្មវិធី និងដំណោះស្រាយសមស្រប រួមចំណែកជម្រុញសន្តិភាព សន្តិសុខ ភាពសម្បូររុងរឿងនិងការអភិវឌ្ឍប្រកបដោយនិរន្តរភាព៕
តាម VOV5 - វិទ្យុសំឡេងវៀតណាម