ប្រធានក្រុម ប្រឹក្សារដ្ឋនិងក្រុមប្រឹក្សាគណៈរដ្ឋមន្ត្រីគុយបា លោក Raul Castro Ruz អញ្ជើញ ទទួលជួបជាមួយលោកស្រី Tong Thi Phong
នាថ្ងៃទី១៩ ខែកុម្ភៈ ឆ្នាំ២០១៧ អនុប្រធានរដ្ឋសភា លោកស្រី Tong Thi Phong បានអញ្ជើញចាកចេញពីទីក្រុងឡា ហាវ៉ាន់ វិលត្រឡាប់មកមាតុប្រទេសវិញ បញ្ចប់ប្រកប ដោយជោគជ័យដំណើរទស្សនកិច្ចជាផ្លូវការ នៅប្រទេសគុយបា។មុននោះ ក្នុងថ្ងៃដដែល នៅរដ្ឋធានីឡា ហាវ៉ាន់ លេខាទី១នៃបក្សកុម្មុយនិស្តគុយបា និងជាប្រធានក្រុមប្រឹក្សារដ្ឋនិងក្រុមប្រឹក្សាគណៈរដ្ឋមន្ត្រីគុយបា លោក Raul Castro Ruz បានអញ្ជើញទទួលជួបជាមួយលោកស្រី Tong Thi Phong ផងដែរ។ នៅក្នុងជំនួបនេះ ប្រធានរដ្ឋគុយបា លោក Raul បានសម្តែងគោលបំណងចង់ឲ្យស្ថាប័នរដ្ឋសភា នៃប្រទេសទាំងពីរ បង្កើនកិច្ចសហប្រតិបត្តិការ ជាពិសេសផ្លាស់ប្តូរគណៈប្រតិភូជាន់ខ្ពស់ ដើម្បីបង្កើនប្រសិទ្ធភាព នៃសកម្មភាពរបស់ភាគីនីមួយៗ។
រីឯខ្លួនវិញ អនុប្រធានរដ្ឋសភា លោកស្រី Tong Thi Phong បានជូនដំណឹងនូវលទ្ធផលនៃជំនួបមុននោះ ជាមួយលេខាទី២នៃបក្សកុម្មុយនិស្ត និងប្រធានរដ្ឋសភាគុយបាផងដែរ។ លោកស្រី Tong Thi Phong បានអះអាងជាថ្មីម្តងទៀត នូវការប្តេជ្ញាជម្រុញកិច្ចសហប្រតិបត្តិការរវាងស្ថាប័ន តាក់តែងច្បាប់នៃប្រទេសទាំងពីរ៕
តាម VOV5 - វិទ្យុសំឡេងវៀតណាម