ព័ត៌មាន
អគ្គលេខាបក្សលោក Nguyen Phu Trong ទទួលជួបជាមួយប្រធានរដ្ឋសភាបង់ក្លេដែស Shirin Sharmin Chaudhury
អគ្គលេខាបក្សលោក Nguyen Phu Trong អញ្ជើញទទួលជួបជាមួយ
ប្រធានរដ្ឋសភាបង់ក្លេដែសលោកស្រី Shirin Sharmin Chaudhury
នៅក្នុងជំនួបទទួលជួបជាមួយ ប្រធានរដ្ឋសភាបង់ក្លាដែសលោកស្រី Shirin Sharmin Chaudhury នៅទីក្រុងហាណូយ អគ្គលេខាបក្ស លោក Nguyen Phu Trong បានវាយតម្លៃខ្ពស់ ចំពោះដំណើរទស្សនកិច្ចពោរពេញទៅដោយអត្ថន័យក្នុងទំនាក់ទំនង រវាងប្រទេសទាំងពីរ។
ឈរលើមូលដ្ឋាននៃទំនាក់ទំនងយ៉ាងល្អប្រសើរនោះ អគ្គលេខាបក្សលោក Nguyen Phu Trong បានស្នើឲ្យភាគីទាំងពីរ មានវិធានការជាក់ស្តែងដើម្បីអនុវត្តប្រកបដោយជោគជ័យ នូវកិច្ចព្រមព្រៀងដែលទទួលបាន ជាពិសេសជម្រុញកិច្ចសហប្រតិបត្តិការសេដ្ឋកិច្ចឲ្យមានការអភិវឌ្ឍន៍សក្តិសមទៅនឹងទំនាក់ទំនងនយោបាយយ៉ាងល្អប្រសើរ រវាងប្រទេសទាំងពីរ វៀត ណាម-បង់ក្លាដែស។
រីឯខ្លួនវិញ ប្រធានរដ្ឋសភាបង់ក្លាដែសលោកស្រី Shirin Sharmin Chaudhury បានសង្កត់ធ្ងន់ថា បង់ក្លាដែសយកចិត្តទុកដាក់ជម្រុញទំនាក់ទំនងមិត្តភាព និងកិច្ចសហប្រតិបត្តិការយ៉ាងល្អប្រសើរ ជាមួយវៀតណាម និងត្រៀមជាស្រេចចែករំលែកបទពិសោធន៍ជាមួយវៀតណាម លើវិស័យដែលបង់ក្លេដែសមានប្រៀបខ្លាំង ព្រមទាំងសង្ឃឹមថា ប្រទេសទាំងពីរនឹងបង្កើនកិច្ចសហប្រតិបត្តិការ លើគ្រប់វិស័យ៕
តាម VOV5 - វិទ្យុសំឡេងវៀតណាម