សាប៉ា (Sapa) (ខេត្តឡាវកាយ) ( Lao Cai) គឺជា “រដ្ឋធានី” ទេសចរណ៍នៃតំបន់ពាយ័ព្យ៖ មានឧទ្យានជាតិហ័ងលាន (Hoang Lien) ។ នៅទីនោះមានកំពូលភ្នំ Fansipan ខ្ពស់បំផុតនៅប្រទេសវៀតណាម ភ្នំតូចហ័ងលានសើន (Hoang Lien Son ) ដ៏មហិមាបំផុតនៅប្រទេសវៀតណាម ថែមទាំងព្រៃឈើធម្មជាតិធំបំផុតនៅប្រទេសវៀតណាម។ អ្វីៗ ទាំងនោះក៏ជម្រុញយើងខ្ញុំធ្វើដំណើរការឡើងកំពូលភ្នំ Fansipan
Guinness World Record បានប្រគល់លិខិតបញ្ជាក់ឯតទគ្គទាំង ២ សំរាប់ Fansipan Sapa៖ កន្រ្តក់កាបខ្សែបីមានកម្ពាស់រវាងស្ថានីយ៍ចេញដំណើរ និងស្ថានីយ៍មកដល់ ដែលមានកម្ពស់ខ្ពស់បំផុតលើពិភពលោក ( ១៤១០ ម៉ែត្រ) និងក៏ជា កន្រ្តក់កាបខែ្សបី វែងបំផុតលើពិភពលោកដែរ (ប្រវែង៦២៩២.៥ ម៉ែត្រ)។ |
ប្រព័ន្ធកន្រ្តក់កាប នេះបានដាក់ឲ្យដំណើរការ ចាប់ពីខែកុម្ភៈឆ្នាំ២០១៦ សម្ព័ន្ធក្រុមហ៊ុន Sun Group - គឺសម្ព័ន្ធក្រុមហ៊ុនទេសចរណ៍ លំហែកាយ កម្សាន្តនិងអចលនៈទ្រព្យបានវិនិយោគនិងដាក់ឲ្យដំណើរការប្រព័ន្ធកន្រ្តក់កាបដ៏ទំនើបបំផុតលើពិភពលោកនេះនៅសាប៉ា (Sapa)។
ចាប់ពីពេលនោះរហូតដល់បច្ចុប្បន្ននេះ ភ្ញៀវទេសចរណ៍ក្នុងស្រុកនិងបរទេសរាប់លាននាក់ បានមកទស្សនាសាប៉ានិងអនុវត្តន៍បំណងប្រាថ្នារឈរលើដំបូលនៅតំបន់ឥណ្ឌូចិន។
យើងខ្ញុំចាប់ផ្តើមដំណើរការពីស្ថានីយ៍ចេញដំណើរនៅជ្រលងមឿងហ័រ (Muong Hoa)។ ស្ថានីយ៍ចេញដំណើរត្រូវបានកសាងដូចជារាជវាំងមួយ ស្ថិតនៅកណ្តាលព្រៃភ្នំ។ បានឲ្យដឹងថា ប្រព័ន្ធកន្រ្តក់កាប Fansipan Sapa មានលទ្ធភាពទ្រាំទ្រកម្លាំងខ្យល់ដ៏ខ្លាំងក្លានិងអាកាសធាតុអាក្រក់ ធានាសុវត្ថិភាពខ្ពស់ ឮសំរាប់ភ្ញៀវទេសចរណ៍ គិតទាំងមនុស្សចាស់និងកុមារ។
ក្នុងទូរកន្រ្តក់កាបនិមួយៗ អាចផ្ទុកបានភ្ញៀវចំនួន ៣៥ នាក់ ចំណុះដឹកជញ្ជូនឡើងដល់ ២.០០០ នាក់ក្នុងមួយម៉ោង កាត់បន្ថយពេលវេលាធ្វើដំណើរឡើងដល់កំពូលភ្នំ Fansipan ពីចំណាយរយៈពេលពីរថ្ងៃដោយការដើរសៀរតាមផ្លូវភ្នំដែលមានគ្រោះថ្នាក់ជាច្រើនមកត្រឹមតែ ១៥ នាទី ប៉ុណ្ណោះ។
ស្ថានីយ៍ចេញដំណើរដោយកន្រ្តក់កាបស្ថិតនៅជ្រលងមឿងហ័រ (Muong Hoa)។ រូបថត៖ តឹតសើន ស្ថានីយ៍ចេញដំណើរត្រូវបានកសាងតាមស្ថាបត្យកម្ម Colonial នាសតវត្សរ៍ទី ១៩ ក្បាច់រចនាដ៏ល្អិតល្អន់ ដូចជារាជវាំងមួយ ដែលស្ថិតនៅកណ្តាព្រៃ។ រូបថត៖ ក្វាងហា ស្ថាបត្យកម្មផ្ទៃខាងក្នុងស្ថានីយ៍ត្រូវបានកសាងយ៉ាងទំនើប ដែលបង្កលក្ខណៈងាយស្រួល សំរាប់ភ្ញៀវទេសចរណ៍។ រូបថត៖ ក្វាងហា ជណ្តើរយន្តបំរើភ្ញៀវទេសរណ៍នៅស្ថានីយ៍ចេញដំណើរ Fansipan។ រូបថត៖ ក្វាងហា ស្ថានីយ៍ចេញដំណើរនៃកន្រ្តក់កាបមានរចនាទំនើប ដើម្បីបំរើសេវាកម្មរួមមាន៖ ភោជនីយដ្ឋាន មណ្ឌលលក់ដូរ... រូបថត៖ ខាញ់ឡុង ភ្ញៀវទេសចរណ៍អាចថតរូប គយគន់ទិដ្ឋភាពដ៏មហិមារនៅភ្នំហ័ងលៀន (Hoang Lien) នៅពេលជិះកន្រ្តក់កា ដែលដឹកជញ្ជូនប្រហែល ៣៥ នាក់។ រូបថត៖ វៀតកឿង ក្រុមភ្ញៀវទេសចរណ៍មកពីខេត្តហាយផុង (Hai Phong) ថតរូបទុកជាអនុស្សាវរីយ៍ នៅពេលជិះកន្រ្តក់កាប ដើម្បីឡើងទៅដល់កំពូលភ្នំ Fansipan ។ រូបថត៖ តឹតសើន ប្រព័ន្ធកន្រ្តក់កាបដឹកជញ្ជូនភ្ញៀវទេសចរណ៍ឆ្លងកាត់ជ្រលងមឿងហ័រ (Muong Hoa) ដើម្បីគយគន់ ទេសភាពវាលស្រែកាំជណ្តើរដែលមានពណ៌លឿងរលោងរបស់ស្រូវទុំ។ រូបថត៖ ង្វៀនថាំង វាលស្រែកាំជណ្តើរស្រស់ស្អាតដូចជាគំនូរមួយផ្ទាំង ដែលស្ថិតក្នុងជ្រលងមឿងហ័រ បើសិនជាមើលពីទូរកន្ត្រក់កាប Fansipan ។ រូបថត៖ ង្វៀនថាំង ប្រព័ន្ធកន្រ្តក់កាប Fansipan ដឹកជញ្ជូនភ្ញៀវទេសចរណ៍ឆ្លងកាត់ពពកអ័ព្ទនិងបណ្តាកំពូលភ្នំ។ រូបថត៖ ហ័ងក្វាងហា អង្គុយក្នុងទូរកន្រ្តក់កាប Fansipan ភ្ញៀវទេសចរណ៍អាចគយគន់ទេសភាពដ៏សម្បូរ៍បែប និងប្រភេទជីវសាស្ត្រ នៅឧទ្យានជាតិហ័ងលាន ( Hoang Lien )។ រូបថត៖ ង្វៀនថាំង ប្រព័ន្ធកន្រ្តក់កាបដឹកជញ្ជូនភ្ញៀវទេសចរណ៍ឆ្លងកាត់ផ្ទាំងពពកជាច្រើនដែលអណ្តែត ក្នុងដំណើរការឡើងដំបូលឥណ្ឌូចិន។ រូបថត៖ តឹតសើន ស្ថានីយ៍មកដល់នៃកំពូលភ្នំ Fansipan គឹជាទីកន្លែងសម្រាក គយគន់ទេសភាព ដ៏អស្ចារ្យសំរាប់ភ្ញៀវទេសចរណ៍។ រូបថត៖ តឹតសើន ភ្នំហ័ងលានសើន ( Hoang Lien Son) ដ៏មហិមា បើសិនជាមើលពីកំពូល Fansipan។ រូបថត៖ តឹតសើន នៅកំពូលភ្នំ Fansipan ភ្ញៀវទេសចរណ៍អាចមើលឃើញពពកគ្របដណ្តប់នៅទីនេះ។ រូបថត៖ ខាញ់ឡុង ពីស្ថានីយ៍មកដល់ ភ្ញៀវទេសរណ៍ឡើងកាំជណ្តើរថ្មចំនួន ៦០០ កាំ ដែលបានកសាងយ៉ាងស្រស់ស្អាត ដើម្បីឡើងកំពូលភ្នំ Fansipan ។ រូបថត៖ តឹតសើន ទិដ្ឋភាពរួមនៃតំបន់កំពូលភ្នំ Fansipan ត្រូវបានថតដោយ camerafly។ រូបថត៖ ហ័ងក្វាងហា តំបន់កំពូលភ្នំ Fansipan ត្រូវបានសម្ព័ន្ធក្រុមហ៊ុនកសាងក្រាលឈើដ៏រឹងមាំសំដៅធានាសុវត្ថិភាព ដ៏ខ្ពស់បំផុតសំរាប់ភ្ញៀវទេសរណ៍។ រូបថត៖ ហ័ងក្វាងហា តាមការស្ថិតិរបស់ការិយាល័យទេសចរណ៍សាប៉ា នាបណ្តាថ្ងៃចុងសប្តាហ៍ ភ្ញៀវទេសរណ៍មក ទស្សនានិងជំនេះកំពូលភ្នំ Fansipan ដោយកន្រ្តក់កាបចំនួនជាង ៨.០០០ នាក់។ រូបថត៖តឹតសើន តាំងពីពេលដែលមានប្រព័ន្ធកន្រ្តក់កាប Fansipan សុបិនជំនះដំបូលនៃតំបន់ឥណ្ឌូចិនបាន ក្លាយទៅជាការពិតសំរាប់អ្នកចូលចិត្តការស្វែងយល់ គិតទាំងអ្នកវ័យចំណាស់និងកុមារដែរ។ រូបថត៖ ហ័ងក្វាងហា ភ្ញៀវទេសរណ៍សប្បាយរីករាយនៅពេលឡើងដល់កំពូលភ្នំ Fansipan ។ រូបថត៖តឹតសើន ក្រុមអ្នកយកព័ត៌មាននៃកាសែតរូបថតវៀតណាមថតរូបជាមួយភ្ញៀវទេសចរណ៍មកពីប្រទេសសឹង្ហបុរី នៅកំពូលភ្នំ Fansipan ។ រូបថត៖ វៀតគឿង សម្ព័ន្ធក្រុមហ៊ុន Sun Group កំពុងកសាងសំណងទេសចរណ៍ជំនឿជាច្រើន ដែលស្ថិតក្នុងតំបន់កំពូលភ្នំ Fansipan ដើម្បីបំរើភ្ញៀវទេសចរណ៍។ រូបថត៖ ហ័ងក្វាងហា |
សម្ព័ន្ធក្រុមហ៊ុន Sun Group បានអនុវត្តន៍បណ្តាគម្រោង ដែលរួមចំណែកក្នុងការជំរុញការអភិវឌ្ឍន៍ផ្នែកទេសចរណ៍នៅតំបន់ជាច្រើននៅវៀតណាមដូចជា៖ Ba Na Hills, InterContinental Danang Sun Peninsula Resort Premier Village Danang Resort Asia Park ឧទ្យានមហាសមុទ្រហាឡុង (Ha Long) កន្រ្តក់កាប Fansipan… |
អង្គុយជាមួយយើងខ្ញុំក្នុងទូរកន្ត្រក់កាប Fansipan គឺប្តីប្រពន្ធភ្ញៀវទេសចរណ៍មួយគូរមកពីប្រទេសសឹង្ហបុរី ដែលទៅកម្សាន្តក្រោយពេលរៀបការ។ ប្តីប្រពន្ធមួយគូរនេះនិយាយឲ្យដឹងថា៖ កំពូលភ្នំ Fansipan ដំបូលនៃតំបន់ឥណ្ឌូចិន មានភាពអាថ៌កំបាំងធំមួយសំរាប់ជនជាតិសឹង្ហបុរី ដូច្នេះនៅពេលមកទស្សនាប្រទេសវៀតណាម ប្តីប្រពន្ធមួយគូរនេះបានជ្រើសរើសទីនេះគឺជាទីកន្លែងដំបូងក្នុងដំណើរទេសចរណ៍ស្វែងយល់នេះ។
នាពេលរសៀល នៅភ្នំហ័ងលានសើន (Hoang Lien Son) ផ្ទាំងពពកអណ្តែតពីចង្កេះភ្នំចុះ បង្កើតទេសភាពស្រមើលស្រមៃ។ ក្នុងទូរកន្រ្តក់កាបធំនេះ យើងខ្ញុំឆ្លងកាត់ភ្នំនិមួយៗនិងបណ្តាព្រៃឈើជាបណ្តើរៗក្នុងអាកាសធាតុពពកអ័ព្ទ។
ក្តីសប្បាយរីករាយរបស់ប្តីប្រពន្ធមួយគូរមកពីប្រទេសសឹង្ហបុរីដូចជាការបញ្ចូលកម្លាំងថែមទៀត ដើម្បីយើងខ្ញុំ “ឡើងភ្នំ” គិតពីស្ថានីយ៍កន្រ្តក់កាបមកដល់ចុងក្រោយ យើងខ្ញុំត្រូវដើរឡើងកាំជណ្តើរចំនួន ៦០០ កាំ ទើបមកដល់កំពូលភ្នំ Fansipan។ ជាចៃដន្យណាស់ នៅពេលមកដល់កំពូលភ្នំ Fansipan យើងខ្ញុំបានជួបក្រុមបុគ្គលិកនិងកម្មាភិបាលធ្វើការនៅបណ្ឌិតសភាបច្ចេកទេសនិងបច្ចេកវិទ្យាវៀតណាម ដែលជំនះឡើងកំពូលភ្នំដោយឆ្លងកាត់ផ្លូវព្រៃ។ យើងខ្ញុំបាននិយាយជាមួយគ្នាអំពីរឿងរ៉ាវ បណ្តាផ្លាស់ប្តូររូបភាពនូវដំណើរការជំនះឡើងកំពូលភ្នំ Fansipan ថែមទាំងយើងខ្ញុំបានសប្បាយរីករាយរវាងទេសភាពដីនិងមេឃដ៏មហិមាផងដែរ./.
អនុវត្តន៍៖ ក្លឹបកាលៈទេសៈមាស កាសែតរូបភាពវៀតណាម