ឡាវនិងកម្ពុជាឯកភាពវិធានការដោះស្រាយបញ្ហាព្រំដែន
នាថ្ងៃទី១២ ខែសីហា ឆ្នាំ២០១៧ នៅរដ្ឋធានី វៀងច័ន្ទ បានប្រារព្ធឡើងជំនួបនានា រវាងនាយករដ្ឋមន្ត្រីឡាវ លោក Thoungloun Sisulith ជាមួយនាយករដ្ឋមន្ត្រីព្រះរាជាណាចក្រកម្ពុជា សម្តេច តេជោ ហ៊ុន សែន ស្តីអំពីការដោះស្រាយបញ្ហាខ្សែព្រំដែន រវាងប្រទេសទាំងពីរ។ ទីភ្នាក់ងារសារព័ត៌មានជាតិឡាវ (KPL) បានឲ្យដឹងថា៖ នាយករដ្ឋមន្ត្រីឡាវ លោក Thoungloun Sisulith និងសមភាគី កម្ពុជា សម្តេច តេជោ ហ៊ុន សែន បានឯកភាពអំពីការដកទ័ពចេញពីតំបន់ ព្រំដែនរវាងខេត្ត Attapue របស់ឡាវនិងខេត្ត ស្ទឹងត្រែង របស់កម្ពុជា។ នៅសន្និសីទកាសែតដែលបានប្រព្រឹត្តទៅបន្ទាប់ពីជំនួបនេះ ថ្នាក់ដឹកនាំទាំងពីររូបបានឲ្យដឹងថា៖ ភាគីទាំងពីរបានមានការផ្លាស់ប្តូរដ៏ស្មោះត្រង់ដោយឈរលើស្មារតី ស្និតស្នាលជៀសវាងសភាពការណ៍ការឡើងជណ្តើរ។ ភាគីឡាវនឹងដកទ័ពចេញពីតំបន់ខ្សែព្រំដែនជំលោះ ហើយភាគីកម្ពុជានឹងបញ្ឈប់ការកសាងផ្លួវនៅ តំបន់ខ្សែព្រំដែនេះផងដែរ។ នាយករដ្ឋមន្ត្រីឡាវបានឲ្យដឹងថែមទៀតថា៖ ភាគីទាំងពីរបានពិភាក្សា ហើយឯកភាពប្រគល់ឲ្យគណៈកម្មាធិការព្រំដែន និងក្រសួងការបរទេសនៃប្រទេសទាំងពីរ បន្តជួបចរចារដើម្បីស្វែងរកដំណោះស្រាយ សំរាប់បញ្ហាព្រំដែនដែលមិនទាន់កំណត់ច្បាស់រវាងឡាវ និងកម្ពុជានៅឡើយ សំដៅបង្កើតជំនឿជាក់សំរាប់ប្រជាជននៃប្រទេសទាំងពីរ៕
តាម VOV5 - វិទ្យុសំឡេងវៀតណាម
