ព័ត៌មាន
សេចក្តីថ្លែងការណ៍រួមវៀតណាម-បេឡារុសក្នុងឱកាសនៃដំណើរទស្សនកិច្ចរបស់ប្រធានរដ្ឋលោក Tran Dai Quang
ថ្នាក់ដឹកនាំវៀតណាមនិងបេឡារុសចុះហត្ថលេខាលើសេចក្តីថ្លែងការរួម (រូបថតៈ AN NGUYÊN)
ទទួលសេចក្តីអញ្ជើញរបស់ប្រធានាធិបតីបេឡេរុស លោក Alexander Lukashenko ប្រធានរដ្ឋ វៀតណាម លោក Tran Dai Quang បានអញ្ជើញទៅបំពេញទស្សនកិច្ចជាផ្លូវការ នៅសាធារណរដ្ឋបេឡារុស ចាប់ពីថ្ងៃទី២៦ ដល់ថ្ងៃទី២៨ ខែមិថុនា ឆ្នាំ២០១៧។
ប្រធានរដ្ឋលោក Tran Dai Quang បានអញ្ជើញជួបចរចារជាមួយប្រធានា ធិបតីបេឡេរុស លោក Alexander Lukashenko ជួបសវនាការ ជាមួយប្រធានបណ្ឌិត សមាជិកសភាសាធារណរដ្ឋបេឡារុស និងនាយករដ្ឋមន្ត្រីបេឡារុសផងដែរ។ បញ្ចប់ ដំណើរទស្សនកិច្ច ថ្នាក់ដឹកនាំទាំងពីររូបបានចុះហត្ថលេខាលើ សេចក្តីថ្លែងការណ៍រួម ស្តែងចេញនូវទស្សនៈស្រដៀងគ្នាលើបណ្តាទំនាក់ទំនងទ្វេភាគីនិងអន្តរជាតិ អះអាង គោលមាគ៌ាមុនក៏ដូចជាក្រោយ ពង្រឹងនិងពង្រីកទំនាក់ទំនងមិត្តភាពប្រពៃណីរវាង វៀតណាមជាមួយបេឡារុស។ ភាគីទាំងពីរអះអាងនូវគោលបំណងបង្កើនកិច្ចសហប្រ តិបត្តិការលើវិស័យសេដ្ឋកិច្ចពាណិជ្ជ កម្មនិងវិស័យសេដ្ឋកិច្ចមួយចំនួនទៀត។
ភាគីទាំងពីរអះអាងនូវទស្សនៈស្រដៀងចំពោះរាល់បញ្ហាតំបន់និងអន្តរជាតិ និងសម្តែងនូវការត្រៀមជាស្រេចរឹតបន្តឹងកិច្ចសហប្រតិបត្តិការក្នុងក្របខ័ណ្ឌបណ្តាអង្គការអន្តរជាតិនិងអះអាងការសន្យាជម្រុញអនុវត្តរាល់កិច្ចព្រមព្រៀង សកលលោក ដូចជា របៀបវារៈ២០៣០ដើម្បីការអភិវឌ្ឍនិរន្តរភាព និងកិច្ចព្រមព្រៀងស្តីពីបម្រែ បម្រួលអាកាសធាតុ។
ភាគីទាំងពីរគាំទ្រការដោះស្រាយជម្លោះដែនដី ក្នុងនោះមានជម្លោះនៅសមុទ្រខាងកើតដោយសន្តិវិធី និងមានការចូលរួមរបស់ភាគីទាក់ទិននានានិងគាំទ្ររាល់ការ ខិតខំប្រឹងប្រែងសំដៅចងក្រង់និងអនុម័តយ៉ាឆាប់ៗ ក្រមប្រតិបត្តិសម្រាប់ភាគីនានានៅសមុទ្រខាងកើត (COC)។
ភាគីទាំងពីរបានប្រកាសគាំទ្រគោលនយោបាយធ្វើសមាហរណកម្មអន្តរ ជាតិ សកម្មរបស់វៀតណាម និងបេឡារុស។ ភាគីវៀតណាមអះអាងថា ត្រៀមជាស្រេច គាំទ្រនូវគោលបំណងរបស់បេឡារុស ដែលពង្រឹងកិច្ចសហប្រតិបត្តិការ លើគ្រប់ វិស័យជាមួយបណ្តាប្រទេសអាស៊ីអាគ្នេយ៍។ ភាគីបេឡារុសសម្តែងនូវការត្រៀមជា ស្រេចគាំទ្រវៀតណាម អភិវឌ្ឍន៍កិច្ចសហប្រតិបត្តិការមានផលប្រយោជន៍ រួមជាមួយ ប្រទេសជាសមាជិកសហភាពសេដ្ឋកិច្ចអាស៊ីស៊ី-អឺរ៉ុបនិងសហគមន៍ បណ្តាប្រទេស ឯករាជ្យ៕
តាម VOV5 - វិទ្យុសំឡេងវៀតណាម
