ដើម្បីយល់ច្បាស់នូវនិន្នាការនិងមុខរបរពាណិជ្ជកម្មប្រភេទសត្វបក្សី មាន់កម្រ យើងខ្ញុំបានស្វែងរកដល់កសិដ្ឋានសួនបក្សីវៀតរបស់បងត្រឹនញឺយ៉ាប់នៅឃុំដុងមី ថាញទ្រី ក្រុងហាណូយ។ បងយ៉ាប់បានចាត់ទុកជាមនុស្សម្នាក់នាំមុខឲ្យមុខរបរ យ៉ាងពិសេសនេះ។
បងត្រឹនញឺយ៉ាប់ឲ្យដឹងថា បងសាងសងមណ្ឌលអភិរក្សសួនសត្វវៀត ផ្តើមចេញពីក្តីចំណងចំណូលចិត្តនិងចូលចិត្តប្រមូលប្រភេទបក្សីកម្រ។ ដោយទឹកប្រាក់បន្តិចបន្តូច ដែលនូវសល់ក្រោយពីធ្វើពាណិជ្ជកម្មបរាជ័យ បងយ៉ាប់បានទិញ មាន់ទោរក្រហមពីរក្បាលមក ដើម្បីចិញ្ចឹមធ្វើជាលម្អ ប៉ុន្តែមិនស្មានថា ខណៈពេលក្រោយសត្វបក្សីភ្ញាស់កូន។ ក្រោយមកបងស្វែងរកនៅលើបណ្តាញព័ត៌មានស្តីពីប្រភេទបក្សីនេះ ហើយផ្តើមបង្កើតគំនិតបង្កាត់ និងបើកទូលាយទម្រង់រូបភាពចិញ្ចឹម មាន់ទោរក្រហមនេះ។
ក្នុងខណៈនោះ មាន់ទោរក្រហម ជាប្រភេទសត្វបក្សីស្ថិតនៅក្នុងបញ្ជីក្រហមរបស់វៀតណាម ដូច្នេះហើយបងតែងជួបប្រទះនូវការលំបាកជាច្រើនក្នុងការសុំលិខិតអនុញ្ញាតចិញ្ចឹម។ ដើម្បីធ្វើបានសម្រេចនូវសំណុំបែបបទច្បាប់ឲ្យកសិដ្ឋាន បងត្រូវបង់ពេលជិត២ឆ្នាំ បញ្ជាក់ប្រភេទមាន់ទោរក្រហមនេះអាចភ្ញាស់កូនបានក្នុងបរិស្ថានសិប្បនិមិត្ត។ មកដល់ខែឧសភាឆ្នាំ២០០៩ បងយ៉ាប់ទើបទទួលបានលិខិតអនុញ្ញាតឲ្យចិញ្ចឹមនិងបង្កាត់ពូជប្រភេទបក្សីនេះ។ សួនបក្សីវៀតរបស់បងយ៉ាប់ គឺជាកសិដ្ឋានចិញ្ចឹមសត្វបក្សីដំបូងបង្អស់ ហើយមានតែមួយគត់ដែលបានផ្តល់លិខិតអនុញ្ញាតចិញ្ចឹមបក្សីបង្កាត់ពូជ និងអភិរក្សនូវប្រភេទសត្វកម្រនេះ។
ចាប់ពីថ្ងៃនោះមក បងយ៉ាប់បានបង្កាត់ពូជជោគជ័យរាប់រយកូនមាន់ទោរក្រហម។ សមិទ្ធិផលនេះរបស់បងបានរួមចំណែកនាំមាន់ទោរ ចេញពីបញ្ជីសត្វកម្រមានហានិភ័យផុតពូជនៅវៀតណាម។
 កសិដ្ឋានសួនបក្សីវៀតរបស់ បង ត្រឹនញឺយ៉ាប់ មានផ្ទៃដីជាងពីរហិកតា នៅឃុំដុងមី -ក្រុងហាណូយ។  មណ្ឌលកសិដ្ឋានរបស់បងយ៉ាប់បច្ចុប្បន្នចិញ្ចឹមទាព្រៃយ៉ាងច្រើន។  ពិនិត្យសុខភាពកូនពូជជាប្រចាំ។  បក្សីក្ងោកប្រាំពណ៌ក្នុងសួនបក្សីវៀត។  បក្សីក្ងោកប្រាំពណ៌កម្រមួយក្បាល បង្កាត់ពូជបានជោគជ័យនៅសួនបក្សីវៀត។  បច្ចុប្បន្ននៅសួនបក្សីវៀត ក្ងោកបានបង្កាត់ពូជយ៉ាងច្រើន ដើម្បីលក់មកឲ្យមណ្ឌលជីវចម្រុះ ឬចិញ្ជឹមធ្វើជាលម្អ រាល់ឆ្នាំជាមធ្យមសួនបក្សីវៀត លក់បក្សីក្ងោកប្រមូលបានប្រាក់ចំណូលប្រមាណជាង១ពាន់លានដុង។  ពូជមាន់មានប្រភពពីប្រទេសប៉ូឡូញបានបងនាំចូលហើយមានប្រសិទ្ធភាពសេដ្ឋកិច្ចខ្ពស់។  ប្រភេទទា Mandarin ជានិមិត្តរូបរបស់ប្រទេសរុស្ស៊ីក៏បានបង្កាត់ពូជជោគជ័យនៅសួនបក្សីវៀត។  បុគ្គលិករបស់សួនបក្សីវៀតចាក់វ៉ាក់សាំងបង្ការជម្ងឺឲ្យក្ងោក។  ក្រៅពីការអភិវឌ្ឍន៍សេដ្ឋកិច្ច ពីបណ្តាបង្កាត់ពូជបសុបក្សីជាលក្ខណៈពាណិជ្ជកម្ម គឺបច្ចុប្បន្នក្នុងសួនបក្សីវៀត នៅចិញ្ចឹមនិងអភិរក្សប្រភេទសត្វកម្រយ៉ាងច្រើន។  អតិថិជនមកដល់សួនបក្សីវៀតជ្រើសរើសទិញកូនពូជ។ |
ផ្តើមពីការជោគជ័យក្នុងទម្រង់រូបភាពចិញ្ចឹមមាន់ទោរក្រហម សព្វថ្ងៃសួនបក្សីវៀត របស់បងត្រឹនញឺយ៉ាប់មានប្រភេទបក្សីខុសពីគ្នាជាង១០០ប្រភេទ មានគ្រប់ឈ្មោះនៃប្រភេទបក្សីកម្រទាំងក្នុងនិងក្រៅប្រទេសដូច៖ មាន់ទោរក្រហម មាន់ទោរខៀវ ក្ងោក មាន់ទោរពណ៌ស ទាMandarin ទាព្រៃ Eurasian coot។ល។
មណ្ឌលសួនសត្វវៀត របស់បងយ៉ាប់មានទំហំ២ហិកតា បានស្គាល់ជាមណ្ឌលអភិរក្សបក្សីឯកជនធំបំផុតនៅប្រទេសវៀតណាម។ ជាច្រើនឆ្នាំមកនេះ ទីនេះបានក្លាយជាទីកន្លែងមកមិនអាចខានបានរបស់ពាណិជ្ជករនិងអ្នកចិញ្ចឹមបក្សីធ្វើលម្អទូទាំងប្រទេស។
សព្វថ្ងៃ បងយ៉ាប់បានពង្រីកកសិដ្ឋានចំនួន៤ ដោយមានមាន់ទោរប្រមាណ៧០០០ក្បាល បក្សីក្ងោកជាង១០០០ក្បាល មាន់ព្រៃត្រច្រៀកស មាន់ទោរឆ្នូត Eurasian coot ទាLesser whistling។ល។ រួមនឹងទាព្រៃសម្រាប់លក់រាប់ពាន់ក្បាលទៀត។
ពូជបក្សីនៅសួនបក្សីវៀត បានចែកចេញជា៣ក្រុម។ ក្រុមទីមួយគឺជាប្រភេទចិញ្ចឹមសម្រាប់លក់ដូចជា មាន់ទោរ ទាព្រៃ។ល។ ក្រុមទី២គឺបក្សីសម្រាប់ចិញ្ចឹមធ្វើលម្អ គឺជាប្រភេទបក្សីកម្រដូចជា៖ ទាMandarin មាន់ទោរពណ៌ស Eurasian coot ទាLesser whistling។ល។ ហើយបន្ថែមក្រុមមួយតូចផ្សេង គឺចិញ្ចឹមដោយគោលបំណងអភិរក្ស និងស្រាវជ្រាវដូចជា ក្រៀលពណ៌ផ្កាឈូកនិងក្រៀលពណ៌ខ្មៅ។
តាមស្ថិតិ រាល់ខែកសិដ្ឋានរបស់បងយ៉ាប់ផ្គត់ផ្គងទៅទីផ្សារគ្រប់ប្រភេទមាន់ទោរប្រមាណ១០០០ក្បាល ក្ងោកពូជនិងក្ងោកធំពេញកម្លាំង១០០ក្បាល និងទាព្រៃសម្រាប់លក់ចេញចំនួន៤០០០ក្បាល។ល។ ដោយឡែកនៃការលក់ចេញនូវសត្វក្ងោកប្រមូលបានទឹកប្រាក់ចំណូលឲ្យកសិដ្ឋានរបស់បងរៀងរាល់ឆ្នាំមិនក្រោម១ពាន់លានដុងទេ។
មិនឈប់នៅត្រឹមទម្រង់រូបភាពដ៏ជោគជ័យរបស់ខ្លួននេះទេ បងយ៉ាប់នៅជួយផ្គត់ផ្គង់កូនបក្សីពូជឲ្យម្ចាស់កសិដ្ឋានជាច្រើននៅបណ្តាខេត្តក្រុងដូច៖ ក្វាងនីញ ឡាវកៃ វិញភុក តៀនយ៉ាង ទីក្រុងហូជីមិញ។ល។ ក៏ចិញ្ចឹមបានជោគជ័យនៅទម្រង់មាន់ទោរបង្កាត់ពូជនេះដែរ។
 ទូភ្ញាស់ស៊ុតរបស់បងត្រឹនញឺយ៉ាប់បង្កើតដោយដៃឯង។  មណ្ឌលភ្ញាស់និងចិញ្ចឹមកូនមាន់ដែលមានប្រភពពីប្រទេសប៉ូឡូញ។  កូនក្ងោកញាស់បាន១សប្តាហ៍។  កូនទាព្រៃទើបនឹងញាស់។ |
បច្ចុប្បន្ន បងយ៉ាប់នៅស្រាវជ្រាវនិងនិពន្ធជាសៀវភៅណែនាំបច្ចេកទេសចិញ្ចឹមប្រភេទបសុបក្សី បក្សីទឹកកម្រ ដើម្បីធ្វើជាឯកសារណែនាំឲ្យគ្រួសារកសិករចង់ចិញ្ចឹមប្រភេទបក្សីនេះ។
ទោះបីមានការមមាញឹក ប៉ុន្តែរៀងរាល់ឆ្នាំ បងយ៉ាប់ឆ្លៀតពេលទៅកាន់ប្រទេសដូចជា៖ ប្រទេសអូស្រ្តាលី សឹង្ហបូរី ថៃ។ល។ ជាប្រទេសមានរបរចិញ្ចឹមបក្សីរីកចម្រើន ហើយដើម្បីសិក្សាបន្ថែមនូវបទពិសោធន៍និងធ្វើឲ្យទាន់សម័យបច្ចេកទេសចិញ្ចឹមថ្មី ដោយគោលបំណងជូយបងប្អូនកសិករសម្រេចប្រសិទ្ធភាពខ្ពស់បំផុត ក្នុងមុខរបរចិញ្ចឹមប្រភេទបសុបក្សី បក្សីទឹកកម្រ របស់វៀតណាម៕
អត្ថបទ៖ ថាវវី រូបថត៖ តឹតសើន
