សិល្បៈ terrarium (ដាំដើមឈើលម្អក្នុងថូកែវ) ទើបនឹងហូរចូលកាន់ប្រទេសវៀតណាមប៉ុន្មានឆ្នាំថ្មីៗនេះ ប៉ុន្តែសព្វថ្ងៃកំពុងក្លាយជាចំណាប់អារម្មណ៍ចូលចិត្តរបស់យុវវ័យនៅហាយណូយ។
តាមបងង្វៀនតៀនយុង ម្ចាស់ហាងកាហ្វេ Green Oasis (វិថីឡេថាញ់តុង) ជាមនុស្សម្នាក់ក្នុងចំណោមមនុស្សចូលចិត្តសិល្បៈ terrarium ដំបូងបំផុតនៅហាណូយ គឺសិល្បៈដាំដើមឈើលម្អក្នុងថូកែវ បងបានស្វែងយល់តាមរយៈទំព័រផ្សាយពាណិជ្ជកម្មមួយចំនួនរបស់បរទេស។ រិះរកប្រភេទឈើមួយចំនួនសម្រាប់ដាំសាកល្បង ចាប់ពីខែកុម្ភៈឆ្នាំ២០១៤ ឃើញថាយុវវ័យជាច្រើនចូលចិត្ត បងចាប់ផ្តើមបើកហាងកាហ្វេ Green Oasis ដើម្បីលក់ផលិតផលនិងណែនាំរបៀបដាំ ជូនដល់អ្នកចូលចិត្តផលិតផលដើមឈើលម្អក្នុងថូកែវ។
 ដើម្បីបង្កើតផលិតផលថូកែវដើមឈើ terrarium អ្នកលេងត្រូវបំរុងវត្ថុធាតុផ្សេងៗជាច្រើនដូចជា៖ ដីមមោកមានជីវជាតិ ថ្មអាចម៍ផ្កាយ ខ្សាច់ស្អាត ដើមឈើ។ល។  ស្រទាប់ដីបានទិញមកពីហាងលក់ដើមឈើលម្អ សម្រាប់ដាក់ចូលក្នុងថូកៃវ ដើម្បីផ្តល់ជីវជាតិឲ្យដើមឈើនិងមិនចាំបាច់ចំណាយពេលវេលាច្រើនថែទាំ។  ប្រភេទដើមឈើតូចបានដាំក្នុងថូកែវ ស្ទើតែទាំងអស់គឺឈូកថ្មដាឡាត។  អ្នកលេងប្រើបន្ថែមថ្មអាចម៍ផ្កាយនិងផ្ទាំងស្លែដើម្បីរក្សាកម្រិតសំណើមឲ្យដើមឈើ នៅក្នុងដំណើរលូតលាស់របស់ឈើ។  ពេលដាំដើមឈើចូលក្នុងថូ អ្នកលេងត្រូវប៉ិនប្រសប់និងហ្មត់ចត់ដើម្បីរក្សាឲ្យដើមឈើមិនធ្វើឲ្យខូចប្លង់។  ជាមួយថូកែវដែលមានមាត់តូច អ្នកលេងត្រូវប្រើឧបករណ៍ដើម្បីគាបដើមឈើដាក់ចូលដើម្បីដាំ។ |
តាមការកែច្នៃរបស់អ្នកលេង គ្រាន់តែប៉ុន្មាននាទីប៉ុណ្ណោះ ថូកែវចិញ្ចឹមត្រី ថូប្រតិកម្ម ឬក្រឡពិសោធន៍ បានក្លាយជាថូដើមឈើ terrarium ប្លែកភ្នែក ប្រៀបដូចជាសួនច្បាតូចមួយ។ ដើម្បីធ្វើបានជាផលិតផលថូឈើ terrarium ត្រូវឆ្លងកាត់ជាច្រើនដំណាក់ការ អ្នកលេងត្រូវការភាពប៉ុនប្រសប់និងភាពហ្មត់ចត់ក្នុងពេលប្រើឧបករណ៍គាប ដើមឈើដាក់ចូលទៅក្នុងថូ។ ប្រការសំខាន់គឺអ្នកលេងត្រូវជ្រើសរើសដើមឈើងាយរស់ ងាយថែទាំនិងលូតលាស់យឺត ដើម្បីជៀសវាងធ្វើឲ្យបែកប្លង់របស់ថូឈើ។
សព្វថ្ងៃ ដើមឈើមួយចំនួនបានអ្នកលែងតែងតែយកមកដាំគឺដើមឈូកថ្ម ដើមដំបងយក្ខ នាំមកពីដាឡាត ដោយមានតម្លៃពី២០.០០០ទៅដល់៥០.០០០វៀតណាមដុង។ ក្រៅពីនោះក៏មានដើមឈើពីបរទេសមួយចំនួនបាននាំចូលមកដើម្បីដាំពិសោធន៍ដែរ។
ថូដើមឈើ terrarium មានពីរប្រភេទ គឺថូបើកគម្រប់និងថូបិទគម្រប់។ ថូបិទគម្រប់តែងរក្សាបានចំហាយទឹក ដូច្នេះអ្នកលេងនឹងមិនខាតពេលវេលាច្រើនដើម្បីថែទាំវា។ ក្រៅពីនោះ ដើម្បីឲ្យដើមឈើអាចលូតលាស់នៅក្នុងថូ អ្នកលេងតែងដាក់បន្ថែមស្រទាប់ថ្មអាចម៍ផ្កាយ ដើម្បីជំនះការស្រុតដើមឈើចុះ ផ្ទាំងស្លែតូចសម្រាប់រក្សាសំណើមឲ្យដើមឈើ ហើយដាក់បន្ថែមស្រទាប់ធ្យូងគីមី សម្រាប់ប្រឆាំងការរីកចម្រើនរបស់ផ្សិតនិងបាក់តេរីនៅក្នុងថូ។
ទោះបីហាងកាហ្វេ Green Oasis ទើបបើកលក់ជាងមួយឆ្នាំ ប៉ុន្តែមកដល់សព្វថ្ងៃបានក្លាយជាទីកន្លែងជិតស្និទ្ធសម្រាប់ អ្នកចូលចិត្តដាំដើមឈើតាមសិល្បៈ terrarium។ អ្នកលេងសុទ្ធតែជាយុវវ័យ ដែលស្វែងរកដើម្បីរៀនរបៀបធ្វើនិងយកថូterrarium ដែលធ្វើដោយដៃឯង យកទៅជូនមិត្តភក្តិ សាច់ញាតិ ដាក់ក្នុងបរិយាយកាសធ្វើការ ឬដាក់ទីកន្លែងរៀនរបស់ខ្លួន៕
ថូដើមឈើ terrariumមួយចំនួនបានកែច្នៃក្លាយជាសួនច្បាតូចខុសពីគ្នា៖      ហាងកាហ្វេ Green Oasis ជាទីកន្លែងកំពុងក្លាយជាបរិយាកាសខៀវបរិសុទ្ធដែលមិត្តយុវវ័យចូលចិត្តសិល្បៈ terrarium។ |
អត្ថបទ៖ ងឹនហា រូបថត៖ ខាញ់ឡុង
