សកម្មភាពវប្បធម៌ សិល្បៈរស់រវើកក្នុងឱកាសឈប់សម្រាក ថ្ងៃទី៣០ មេសា និងថ្ងៃទី១ ឧសភា
ក្នុងឱកាស ឈប់សម្រាក ថ្ងៃទី៣០ មេសា និង ថ្ងៃទី១ ឧសភា ឆ្នាំ២០១៧ មានសកម្មភាពវប្បធម៌ សិល្បៈបានប្រព្រឹត្តិទៅនៅទូទាំងប្រទេស ឆ្លើយតបទៅនឹងតម្រូវការកំសាន្ត ទេសចរណ៍របស់ពលរដ្ឋនៅទូទាំងប្រទេស។ មហោស្រពទេសចរណ៍រដូវក្ដៅ Sa Pa ២០១៧ បានប្រព្រឹត្តិទៅចាប់ពីថ្ងៃទី ២៩ មេសា ដល់ ៣០ មិថុនា ។ នាយប់ថ្ងៃទី ២៩ ខែមេសា ឆ្នាំ២០១៧ នៅខេត្ត Quang Ninh បានប្រព្រឹត្តិទៅកម្មវិធីសិល្បៈដោយប្រធានបទ “សប្ដាហ៍ទេសចរណ៍ Mong Cai ទទួលស្វាគមន៍រដូវក្ដៅ ២០១៧។ ចាប់ពីថ្ងៃទី ២៩ មេសា ដល់ ២ ខែ ឧសភានៅភូមវប្បធម៌និងទេសចរណ៍ បណ្ដាជនជាតិវៀតណាមបានប្រព្រឹត្តិទៅសកម្មភាពជាច្រើនឧទ្ទេសនាមស្ដីអំពីវប្បធម៌វិសេសវិសាលរបស់ជនរួមជាតិប្រការលេចធ្លោគឺការបង្ហាញទិដ្ឋភាពផ្សារនៅតំបន់ជើងដោយប្រធានបទ “មកដល់ខ្ពង់រាប Moc Chau”។ចូលរួមការប្រជុំផ្សារនេះ លោកស្រី Nguyen Thi Phuong នៅខេត្ត Son La បានចែករំលែកថា "ខ្ញុំពិតជារំភើបចិត្តណាស់ដោយបានមកដល់ទីនេះ ។ ខ្ញុំបាននាំយកនូវ វប្បធម៌វិសេសវិសាលនៃជនជាតិយើងខ្ញុំមកទីនេះ នោះគឺផលិតផលក្រណាត់ចរបាប់និងទំនិញផ្សេងៗទៀត។ ជាពិសេសគឺម្ហូបអាហាររបស់យើងខ្ញុំបានធ្វើឲ្យភ្ញៀវទេសចរណ៍ចូលចិត្តណាស់” នៅមណ្ឌលទេសចរណ៍ Kim Lien នៅខេត្ត Nghe An ស្រុកកំណើតរបស់លោកប្រធានហូជីមិញ ភ្ញៀវទេសចរណ៍ក្នុងនិងក្រៅប្រទេសយ៉ាងច្រើនកុះករបានមកទស្សនា និងអុជធូបគោរពវិញ្ញាណក្ខ័ន្ធ លោកប្រធានហូជីមិញ ។
លោក Somkiat Kingsada ភ្ញៀវទេសចរណ៍ម្នាក់មកពីឡាវបានចែករំលែកថា៖ "ខ្ញុំបានអាននិងឮអំពីលោកប្រធានហូជីមិញ ប៉ុន្តែមកដល់ទីនេះទើបឃើញថា លោកជាមនុស្សដ៏មហិមាម្នាក់។ ស្រុកកំណើតរបស់លោកមានភាពសាមញ្ញដូចស្រុកស្រែផ្សេងៗទៀតរបស់វៀតណាម ។ លោកពិតជាគំរូឲ្យយើងទាំងអស់គ្នា ជាពិសេសគឺជនឡាវយើងខ្ញុំគប្បីសិក្សានិងអនុវត្តតាម ៕
តាម VOV5-វិទ្យុសម្លេងវៀតណាម