សកម្មភាពមួយក្នុងចំណោមសកម្មភាពរំលឹកខួបលើកទី៥៥នៃទិវាបង្កើតទំនាក់ទំនងការទូតវៀតណាម-ឡាវ
នាយប់ថ្ងៃទី១៨ ខែកក្កដា ឆ្នាំ២០១៧ ទូរទស្សន៍ជាតិវៀតណាម បានរៀបចំកម្មវិធី “ស្ពានទូរទស្សន៍ផ្សាយផ្ទាល់វៀតណាម-ឡាវ៖ រួមផ្លូវតែមួយ”។ កម្មវិធីនេះបានផ្សាយផ្ទាល់នៅទីក្រុង ហាណូយ (វៀតណាម) និងទីក្រុងវៀងច័ន្ទ (ឡាវ)។ កម្មវិធីអូសបន្លាយរយៈពេល ១២០នាទី ដោយមានបទយកការណ៍ ស្តីពីទំនាក់ទំនងសហប្រតិបត្តិការជួយគ្នាទៅ វិញទៅមករបស់ប្រទេសទាំងពីរ វៀតណាម-ឡាវ កាលពីគ្រាសង្គ្រាម ទៅដល់ សម័យសន្តិភាព រួមទាំងការសម្តែងសិល្បៈ ពោរពេញទៅដោយអត្តសញ្ញាណវប្បធម៌ វៀតណាម-ឡាវផងដែរ។ ចូលរួមក្នុងកម្មវិធីនេះ ទស្សនិកជននៃប្រទេសទាំងពីរបាន ជួបប្រាស្រ័យជាមួយសាក្សីប្រវត្តិសាស្ត្រច្រើនរូប ដែលជាអ្នកចំណែកកសាងទំនាក់ ទំនងល្អប្រសើរដូចបច្ចុប្បន្ន ដូចជា សាស្ត្រាចារ្យរង បណ្ឌិត Dam Duc Vuong អតីត អ្នកជំនាញការវៀតណាមនៅឡាវ ឧត្តមសេនីយ៍ត្រី លោក Boua Sieng Champa phanh អតីតអគ្គសេនាធិការរង កងទ័ពប្រជាជនឡាវផងដែរ។
ក៏នាយប់ថ្ងៃដដែល នៅខេត្ត Dien Bien បានប្រព្រឹត្តទៅរាត្រីសមោសរយុវជន កងទ័ពប្រជាជនវៀតណាម-ឡាវ ក៏ដូចជាកម្មវិធីជាច្រើនដែលសម្តែងឡើងវិញ ប្រវត្តិសាស្ត្រសាមគ្គីភាព មិត្តភាពជិតស្និទ្ធរបស់ប្រជាជាតិទាំងពីរ វៀតណាម-ឡាវ៕
តាម VOV5 - វិទ្យុសំឡេងវៀតណាម