ប្រធានតុលាការប្រជាជនកំពូល វៀតណាម លោក Nguyen Hoa Binh បានអញ្ជើញជួបសម្តែងការគួរសម
រដ្ឋមន្ត្រីក្រសួងយុត្តិធម៌ជប៉ុន លោកស្រី Yoko Kamikawa
ក្នុងជំនួបនេះ លោកស្រី Yoko Kamikawa បានឲ្យដឹងថា វៀណាមជាដៃគូសំខាន់របស់ជប៉ុន តាមនោះ ក្រសួង យុត្តិធម៌ជប៉ុន នឹងបន្តកិច្ចសហប្រតិបត្តិការលើគ្រប់វិស័យជាមួយវៀតណាម ដើម្បីជួយវៀតណាមពង្រឹងប្រព័ន្ធច្បាប់ ព្រមទាំងសម្តែងក្តីសង្ឃឹមថា វៀតណាមនឹងអនុវត្តប្រកបដោយជោគជ័យការធ្វើកំណែទម្រង់ផ្នែកច្បាប់ផងដែរ។
ប្រធានតុលាការប្រជាជនកំពូល លោក Nguyen Hoa Binh បានឲ្យដឹងថា ក្នុងដំណើរបំពេញទស្សនកិច្ចនៅជប៉ុនលើកនេះ លោកបានចូលរួមសន្និសីទប្រធានតុលាកានៃបណ្តាប្រទេសអាស៊ី-ប៉ាស៊ីហ្វិក និងវាយតម្លៃខ្ពស់ចំពោះជោគជ័យនៃសន្និសីទ។ លោកបានចាត់ទុកថា ទំនាក់ទំនងយុទ្ធសាស្ត្រយ៉ាងទូលំទូលាយរវាងវៀតណាមនិងជប៉ុនកំពុងមានការអភិវឌ្ឍន៍យ៉ាងខ្លាំងក្លា ជាពិសេសលើវិស័យសេដ្ឋកិច្ច ៕
តាម VOV5-វិទ្យុសម្លេងវៀតណាម