នៅថ្ងៃទី១៦ខែមិនាឆ្នាំ២០១៦ នៅរដ្ឋធានីហាណូយ លោកនាយករដ្ឋមន្ត្រី ង្វៀនតឹនយុងនិងលោកនាយករដ្ឋមន្ត្រី Thongsing Thammavong បានអញ្ជើញចូលរួមពិធីបូកសរុបថ្នាក់រដ្ឋស្តីពីការសម្រេចគម្រោងបោះបន្ថែមនិងកែលម្អប្រព័ន្ធបង្គោលព្រំដែនរវាងវៀតណាមនិង ឡាវ។
គម្រោងនេះមិនត្រឹមតែផ្តល់មុខមាត់ថ្មី ងាយស្រួលទទួលស្គាល់ជាង ងាយស្រួលគ្រប់គ្រងជាងសំរាប់ខ្សែបន្ទាត់ព្រំដែនរវាងវៀតណាម - ឡាវតែប៉ុណ្ណោះទេ ថែមទាំងរួមចំណែកកសាងមូលដ្ឋានច្បាប់អន្តរជាតិឲ្យបានរឹងមាំសម្រាប់កិច្ចសហប្រតិបត្តិការនិងសហការរវាងភាគីទាំងពីរក្នុងបញ្ហាការពារនិងគ្រប់គ្រង់ព្រំដែនប្រទេស។
លោកនាយករដ្ឋមន្ត្រីង្វៀនតឹនយុងបានថ្លែងសន្ទរកថានៅពិធីបូកសរុប។
រូបថត៖ ថុងញ៉ឹត/ទីភ្នាក់ងារសារព័ត៌មានវៀតណាម
លោកនាយករដ្ឋមន្ត្រីង្វៀនតឹនយុងបានផ្តល់គ្រឿងឥស្សរិយយសពលកម្មនិងគ្រឿងឥស្សរិយយសមត្តិភាពឲ្យបុគ្គលជនជាតិឡាវ ដែលមានស្នាដៃល្អប្រសើរក្នុងការអនុវត្តន៍គម្រោងបោះបន្ថែមនិងកែលំអបង្គោលព្រំដែនរវាងវៀតណាម –ឡាវ។ រូបថត៖ ថុងញ៉ឹត/ទីភ្នាក់ងារសារព័ត៌មានវៀតណាម
លោកនាយករដ្ឋមន្ត្រីឡាវ Thongsing Thammavongបានផ្តល់ឥស្សរិយយសមត្តិភាពឡាវឲ្យបុគ្គលជនជាតិវៀតណាម ដែលមានស្នាដៃល្អប្រសើរក្នុងការអនុវត្តន៍កម្រោងបោះបន្ថែមនិងកែលំអបង្គោលព្រំដែនរវាងវៀតណាម –ឡាវ។
រូបថត៖ ថុងញ៉ឹត/ទីភ្នាក់ងារសារព័ត៌មានវៀតណាម
| ការសម្រេចគម្រោងនេះ ខ្សែបន្ទាត់ព្រំដែនរវាងប្រទេសទាំងពីរមានប្រវែង ២៣៤០ គីឡូម៉ែត្របានបោះបន្ថែមនិងបោះបង្គោលថ្មីចំនួន ១០០២ និង តម្រុយព្រំដែនកើន ៤,៥ដង បើសិនជាប្រៀបធៀបនឹងពេលមុន (នៅពេលមិនទាន់មានគម្រោង ខ្សែបន្ទាត់ព្រំដែនលើដីគោកទាំងស្រុងមានបង្គោលចំនួន ១៩៩) |
ថ្លែងសន្ទរកថាក្នុងពិធីនេះ លោកនាយករដ្ឋមន្ត្រីនៃប្រទេសទាំងពីរបានអះអាងថា គម្រោងនេះគឺជានិមិត្តិរូបមូយទៀតរបស់ចំណងទំនាក់ទំនងមិត្តភាពជាប្រពៃណី ចំណងសាមគ្គីភាពពិសេសនិងកិច្ចសហប្រតិបត្តិការលើគ្រប់វិស័យរវាងប្រទេសទាំងពីរ ដែលពឹងផ្អែកទៅលើគោលការណ៍ គោរពឯករាជ្យ អធិបតេយ្យភាព បូរណភាពទឹកដី និងផលប្រយោជន៍ត្រឹមត្រូវរបស់គ្នា សមភាព មានផលប្រយោជន៍រួមគ្នា ដើម្បីខ្សែបន្ទាត់ព្រំដែនសន្តិភាព ស្ថេរភាព សហប្រតិបត្តិការ អភិវឌ្ឍន៍រួមគ្នារ ដើម្បីផលប្រយោជន៍សម្រាប់ប្រជាជននៃប្រទេសទាំងពីរ សម្តែងការឯកភាពខ្ពស់ ការជឿជាក់និងយោគយល់ទៅមកទៅវិញរវាងបក្សទាំងពីរ រដ្ឋទាំងពីរនិងប្រជាជនទាំងពីរ។
លោកនាយករដ្ឋមន្ត្រីនៃប្រទេសទាំងពីរបានសង្កត់ធ្ងន់ថា ទន្ទឹមនឹងការលើកកម្ពស់ប្រសិទ្ធិភាពការងារគ្រប់គ្រង់និងការពារព្រំដែន ពង្រឹងសន្តិសុខ ការពារជាតិរបស់ប្រទេសនីមូយៗ គម្រោងការនេះបានចូលរួមចំណែកបង្ករលក្ខណៈងាយស្រួលឲ្យកិច្ចសហប្រតិបត្តិការពាណិជ្ជកម្ម វិនិយោគនិងផ្លាស់ប្តូរសេដ្ឋកិច្ច វប្បធម៌ ទេសចរណ៍រវាងប្រទេសទាំងពីរ តាមរយៈជំរុញទំនាក់ទំនងមិត្តភាព សហប្រតិបត្តិការលើគ្រប់វិស័យរវាងប្រទេសទាំងពីរ។
ដូច្នេះ លោកនាយករដ្ឋមន្រ្តីនៃប្រទេសទាំងពីរបានសំណូមពរឲ្យស្ថាប័នមានសមត្ថកិច្ចរបស់ភាគីទាំងពីរបន្តកិច្ចសហប្រតិបត្តិការយ៉ាងល្អ ការពារឲ្យរឹងមាំសមិទ្ឋផលដែលទទួលបានពីគម្រោងនេះសំដៅរក្សាខ្សែបន្ទាត់ព្រំដែនវៀតណាម - ឡាវ គឺជាខ្សែបន្ទាត់ព្រំដែនសន្តិភាព ស្ថេរភាព មិត្តភាព សហប្រតិបត្តិការ និងអភិវឌ្ឍន៍យ៉ាងរឹងមាំ បន្សល់ទុកមរតកដ៏ល្អប្រសើរឲ្យកូនចៅគ្រប់ៗជំនាន់នៅពេលអនាគត។
លោកនាយករដ្ឋមន្ត្រីង្វៀនតឹនយុងនិងលោកនាយករដ្ឋមន្ត្រីធ្វើជាសាក្សីក្នុងពិធីចុះហត្ថលេខាលើឯកសារដ៏សំខាន់ៗមួយចំនួន ដែលគូសបញ្ជាក់ការសម្រេចគម្រោងប្រកបដោយជោគជ័យ។ រូបថត៖ ថុងញ៉ឹត /ទីភ្នាក់ងារសារព័ត៌មានវៀតណាម
លោកឧបនាយករដ្ឋមន្ត្រីនិងជារដ្ឋមន្ត្រីការបរទេសវៀតណាមផាមប៊ិញមិញ (ខាងស្តាំ) និងលោកឧបនាយករដ្ឋមន្ត្រីនិងជារដ្ឋមន្ត្រីការបរទេសឡាវ Thoonglun Sisulith ផ្លាស់ប្តូរឯកសារបានចុះហត្ថលេខាហើយ។
រូបថត៖ ថុងញ៉ឹត/ទីភ្នាក់ងារសារព័ត៌មានវៀតណាម
ឆ្លៀតឱកាសនេះភាគីទាំងពីរបានចុះហត្ថលេខាលើឯកសារសំខាន់ចំនួនពីរគឺ៖ “ពិធីសារស្តីពីខ្សែបន្ទាត់ព្រំដែននិងបង្គោលព្រំដែន” និងកិច្ចព្រមព្រៀងស្តីពីបទបញ្ញត្តិគ្រប់គ្រងព្រំដែននិងច្រកទ្វារលើដីគោករវាងរដ្ឋាភិបាលសាធារណរដ្ឋសង្គមនិយមវៀតណាមនិងរដ្ឋាភិបាលសាធារណរដ្ឋប្រជាធិបតេយ្យប្រជាមានិតឡាវ”./
ទីភ្នាក់ងារសារព័ត៌មានវៀតណាម/កាសែតរូបភាពវៀតណាម
