វៀតណាម និងកម្ពុជាបង្កើនកិច្ចសហប្រតិបត្តិការបង្ការប្រឆាំងគ្រឿងញៀន (TTXVN)
នាព្រឹកថ្ងៃទី១៩ ខែមេសា ឆ្នាំ២០១៧ នៅទីក្រុងហាណូយឧបនាយករដ្ឋមន្ត្រីរដ្ឋាភិបាលវៀតណាម លោក Vu Duc Dam និងជាប្រធានគណៈកម្មាធិការជាតិស្ដីអំពីការបង្ការប្រឆាំងអេដស៍ និងការបង្ការប្រឆាំងគ្រឿងញៀន ពេស្យាចារវៀតណាម បានអញ្ជើញទទួលជួបសន្ទនា ជាមួយឧបនាយករដ្ឋមន្ត្រីរាជរដ្ឋាភិបាលកម្ពុជា និងជាប្រធានអាជ្ញាធរជាតិប្រយុទ្ធប្រឆាំង គ្រឿងញៀនលោក កែគឹមយ៉ាន។ នៅក្នុងជំនួបនេះ ឧបនាយករដ្ឋមន្ត្រី លោក Vu Duc Dam បានសង្កត់ធ្ងន់ថា ការដែលវៀតណាម និងកម្ពុជាពិភាក្សាអំពីស្ថានភាព ចែករំលែកទស្សនៈ រួមសហការដោះស្រាយបញ្ហាគ្រឿងញៀនគឺមានសារៈសំខាន់ណាស់។ ប្រការនេះបានជួយ លើកកំពស់ប្រសិទ្ធភាព ចំពោះកិច្ចការបង្ការប្រឆាំងគ្រឿងញៀននៃប្រទេសទាំងពីរ រួមចំណែកដោះស្រាយបញ្ហាគ្រឿងញៀននៅក្នុងតំបន់។ ឧបនាយករដ្ឋមន្ត្រី លោក Vu Duc Dam បានបញ្ជាក់ថា រដ្ឋាភិបាលវៀតណាមយកចិត្តទុកដាក់ និងសហប្រតិបត្តិការយ៉ាងជិតស្និទ្ធជាមួយសហគមន៍អន្តរជាតិ និងបណ្ដាប្រទេសនៅក្នុងតំបន់ ជាពិសេសប្រទេស ដែលមានខ្សែព្រំដែនរួមគ្នា សំដៅប្រយុទ្ធប្រឆាំងប្រកបដោយប្រសិទ្ធភាព ចំពោះបញ្ហាគ្រឿងញៀន។ វៀតណាមម្ចាស់ការ សកម្មចូលរួមក្នុងបណ្ដាយន្តការសហប្រតិបត្តិការទ្វេភាគី ពហុភាគីនៅក្នុងតំបន់ និងក្របខ័ណ្ឌនៃអ.ស.បស្ដីអំពីការបង្ការប្រឆាំងគ្រឿងញៀន ។
រីឯខ្លួនវិញ ឧបនាយករដ្ឋមកម្ពុជា លោក កែគឹមយ៉ាន មានបំណងថា ភាគីទាំងពីរនឹងបន្តបង្កើនសកម្មភាព រួមសហការបង្ការទប់ស្កាត់ប្រឆាំង គ្រឿងញៀននាពេលខាងមុខ។ កម្ពុជាមានបំណងថាវៀតណាមជំរុញខ្លាំង ជួយគាំទ្រ ចំពោះការសាងសង់គ្រឹះស្ថានផ្ដាច់គ្រឿងញៀនស្ម័គ្រចិត្ត ដោយផ្អែកលើសហគមន៍ ៕
តាម VOV5 - វិទ្យុសំឡេងវៀតណាម