តូបលក់ទំនិញជាង៣០០ នៅលើផ្ទៃដី៥០០០ម៉ែត្រការេ មជ្ឈមណ្ឌលផ្សារ - កម្សាន្ត - ម្ហូបអាហារ Rubik Zoo បានរចនានិងកសាងដោយកុងតឺន័រចាស់ៗ និងប្រព័ន្ធស្តង់។ នេះជាគោលគំនិតទីពីរ របស់លោកហ្វាងត្វឹនអាញ (Hoang Tuan Anh) នាយកគម្រោងការក្រុមហ៊ុនភូហ្វាងយ៉ាង (Phu Hoang Gia) ក្រោយការជោគជ័យនៃគម្រោងការផ្សារកុងតឺន័រដំបូងបង្អស់ Ico Box នៅខណ្ឌតឹនភូ(Tan Phu)។
យល់ឃើញទីក្រុងហូជីមិញ ទោះបីមានទីកន្លែងមួយចំនួនប្រើប្រាស់កុងតឺន័រ ធ្វើជាការិយាល័យ ហាងកាហ្វេ ប៉ុន្តែមិនទាន់បង្កើតបាននិន្នាការ ហ្វាងត្វឹនអាញ (Hoang Tuan Anh) សម្រេចចិត្តវិនិយោគកសាងមណ្ឌលពាណិជ្ជកម្មមួយ អំពីកុងតឺន័រ ដែលមានទម្រង់រូបភាពធំនៅនឹងមជ្ឈមណ្ឌលទីក្រុង។
លោកហ្វាងត្វឹនអាញ (Hoang Tuan Anh) ឲ្យដឹងថា ការប្រើប្រាស់វត្ថុធាតុ កុងតឺន័រ ដោយមានប្រយោជន៍ពីពេលវេលារចនា កសាងឆាប់រហ័សផង អាចចល័តបាន ងាយស្រួលក្នុងការងាររុះរើ និងប្រើប្រាស់សាឡើងវិញ។ ដោយសារកក្តានេះ ជួយ Rubik Zoo ក្លាយជាទីកន្លែងទាក់ទាញមិត្តយុវវ័យជាច្រើនមកផ្តើមអាជីវកម្ម ជាឱកាសធ្វើម្ចាស់តូបទំនិញអាជីវកម្ម នៅនឹងមណ្ឌលទីក្រុង ដោយថវិការចំណាយទាប។
 Rubik Zoo បើកទ្វារចាប់ពី៥ល្ងាច ដល់ម៉ោង១០យប់ជារៀងរាល់ថ្ងៃ។  តូបទំនិញមួយបានរចនាពោរពេញដោយរចនាក្រុងបូរាណហ្វេ។  ថុងកុងតឺន័រចាស់ៗ រចនាកា្លយជាតូបទំនិញអាជីវកម្មពិសេស។  តូបទំនិញម្ហូបអាហារមួយ តាមរចនាបទជប៉ុន។  រចនាបទមួយតុបតែងស្អាតបាត ដ៏ចាប់ចិត្តនិងចំណាប់អារម្មណ៍។  តុពណ៌ស្វាយបានដាក់នៅលើដំបូលកុងតឺន័រ នៃហាងកាហ្វេមួយ។  នេះជាទីកន្លែងដែលមិត្តយុវវ័យតែងជ្រើសរើស ដើម្បីថតរូបធ្វើជាអនុស្សាវរីយ៍។  យុវវ័យទៅរក Rubik Zoo ជាមួយអារម្មណ៍ចំណូលចិត្ត ពេលបានពិសាភេសជ្ជៈនៅក្នុងកុងតឺន័រ។ |
មិនមែនជាថុងកុងតឺន័រ ជ្រុងៗ គគ្រិចសោះកក្រោះ Rubik Zoo បាន ”កម្លាយ” គូបដែកថែបនេះ ឲ្យទៅជាតូបទំនិញល្អប្រណិត តូចល្មម។ ជាពិសេស ម្ចាស់រាល់តួបទំនិញនៅច្នៃប្រឌិត ដោយរចនាតាមទម្រង់រូបភាពតំណាងល្បីឈ្មោះលើពិភពលោក ដូចជា៖ ប៉មនាឡិកា Big Ben ស្ពានទីក្រុងឡុងដ៍
ក្រៅពីនោះ Rubik Zoo បង្កើត studio ជាមួយទិដ្ឋភាពខាងក្រោយ គឺទេសភាពល្បីឈ្មោះនៃប្រទេសនានាដូចជា៖ អាមេរិក ថៃ ជប៉ុន...។ល។ បង្កើតភាពសម្បូរបែប ទាក់ទាញភ្ញៀវទេសចរណ៍ ឆ្លងកាត់បរិវេណមណ្ឌលពាណិជ្ជកម្មសុទ្ធសាធ។
“នៅទីក្រុងមានមណ្ឌលពាណិជ្ជកម្មស៊ីវិល័យ បែរជាមានតិចមណ្ឌលអាជីវកម្ម កម្សាន្តនៅខាងក្រៅ។ Rubik Zoo នឹងនាំមកជូនប្រជាជន នូវទីកន្លែងទិញដូរ ម្ហូបអាហារមួយ ដែលមានបរិយាកាសបើកទូលាយ សម្រប់ខ្លួនជាមួយធម្មជាតិនៅនឹងមជ្ឈមណ្ឌលទីក្រុង” លោកហ្វាងត្វឹនអាញ (Hoang Tuan Anh) ឲ្យដឹង។
តាមគណៈគ្រប់គ្រង ស្ទើទាំងអស់តូបទំនិញនៅក្នុង Rubik Zoo បានចុះឈ្មោះរួចស្រេច។ លោកយាយ ដាំងធីត្វៀត (Dang Thi Tuyet) ស្ថិតនៅខណ្ឌប៊ិញថាញ (Binh Thanh) ម្ចាស់តូបទំនិញលក់ម្ហូបអាហារ take-away នៅក្នុង Rubik Zoo ឲ្យដឹងថា៖ “អតិថិជននៅទីនេះ ភាគច្រើនជាយុវវ័យចូលចិត្តទិញ និងញ៉ាំអាហារ ហេតុនេះតូបទំនិញរបស់ខ្ញុំតែងទាក់ទាញភ្ញៀវយ៉ាងច្រើន។
ទោះបី ទើបបើកហាង ក្នុងរយៈពេលថ្មីៗនេះ Rubik Zoo ទាក់ទាញបានភ្ញៀវមួយចំនួនច្រើនកុះករ មកចូលរួមទិញដូរនិងញ៉ាំអាហារ។ តាមស្ថិតិរបស់គណៈគ្រប់គ្រង នៅរាត្រីចុងសប្តាហ៍ ចំនួនភ្ញៀវមកលេង Rubik Zoo កើនឡើងខ្លាំង ពី៥០០០ - ១០.០០០លើកនាក់/មួយយប់។
ដើម្បីជៀសវៀងភាពសោះកក្រោះ Rubik Zoo តែងផ្លាស់ប្តូរ រើទីកន្លែង និងកែលម្អបរិយាកាស ដើម្បីបង្កើតលក្ខណៈថ្មីដើម្បីទាក់ទាញភ្ញៀវទេសចរណ៍។ លោកហ្វាងត្វឹនអាញ (Hoang Tuan Anh) ឲ្យដឹងក្នុងពេលវេលាខាងមុខ Rubik Zoo នឹងសហការជាមួយក្រុមហ៊ុនទេសចរណ៍ ដើម្បីទាក់ទាញបន្ថែមមុខសញ្ញាភ្ញៀវទេសចរណ៍បរទេស មកជាមួយមណ្ឌលលេងកម្សាន្តខាងក្រៅពិសេសនេះ៕
អត្ថបទ៖ សើនងៀ រូបថត៖ ដាំងគីមផឿង
