នារសៀលថ្ងៃទី១ ខែតុលា ឆ្នាំ២០១៦ លោកស្រីប្រធានរដ្ឋសភា ង្វៀនធីគីមង៉ឹន បានត្រឡប់មកដល់មាតុភូមិវិញ និងបញ្ចប់ដំណើរទស្សនកិច្ចផ្លូវការនិងជាមិត្តភាពនៅសាធារណរដ្ឋប្រជាធិបតេយ្យប្រជាមានិតឡាវ ព្រះរាជាណាចក្រកម្ពុជា និងដំណើរទស្សនកិច្ចផ្លូវការនៅសហភាពមីយ៉ាន់ម៉ានិងអញ្ជើញចូលរួមក្នុងមហាសន្និបាតអន្តរសភាអាស៊ានលើកទី ៣៧ (AIPA-៣៧)។
ទស្សនកិច្ចលើកនេះបានប្រព្រឹត្តទៅចាប់ពីថ្ងៃទី ២៦ ខែកញ្ញា ដល់ ថ្ងៃទី១ ខែតុលា រួមមាន ៣០ សកម្មភាព រួមចំណែកក្នុងការរឹតបណ្តឹងថែមទៀតនូវទំនាក់ទំនងសហប្រតិបត្តិការរវាងរដ្ឋសភាវៀតណាម រដ្ឋសភាឡាវ រដ្ឋសភាកម្ពុជានិងរដ្ឋសភាមីយ៉ាន់ម៉ា។ នេះក៏គឺជាទស្សនកិច្ចទៅកាន់បរទេសជាលើកដំបូងរបស់លោកស្រីប្រធានរដ្ឋសភា ង្វៀនធីគីមង៉ឹន តាំងពីលោកស្រីឡើងកាន់តំណែងជាប្រធានរដ្ឋសភានីតិកាល ១៤។
ក្នុងនាមជាប្រធានគណៈប្រតិភូវៀតណាម ថ្លែងសន្ទរកថាក្នុងកិច្ចប្រជុំពេញអង្គលើកទីមួយនៃ AIPA - ៣៧ ដែលបានប្រព្រឹត្តទៅនៅរដ្ឋធានី Nay Pyi Taw នៃសហភាពមីយ៉ាន់ម៉ា លោកស្រីប្រធានរដ្ឋសភា ង្វៀនធីគីមង៉ឹន បានអះអាង៖ វៀតណាមចូលរួមយ៉ាងសកម្មនិងវិជ្ជមាន ហើយមានការទទួលខុសត្រូវចំពោះបណ្តាបញ្ហាអន្តរជាតិនិងបញ្ហាក្នុងតំបន់ រួមចំណែកក្នុងការកកើតនិងផ្លាស់ប្តូរថ្មីបណ្តាបទដ្ឋានសកម្មភាពរបស់ AIPA សហប្រតិបត្តិការ ដើម្បី AIPA មានសកម្មភាពរស់រវើកមួយនិង ASEAN ជឿនលឿនមួយ។
លោកស្រីប្រធានរដ្ឋសភាឡាវ Pany Yathotu ទទួលស្វាគមន៍ លោកស្រីប្រធានរដ្ឋសភា ង្វៀនធីគីមង៉ឹន។
រូបថត៖ ត្រុងឌឹក/ ទីភ្នាក់ងារសារព័ត៌មានវៀតណាម
លោកស្រីប្រធានរដ្ឋសភា ង្វៀនធីគីមង៉ឹន ជួបពិភាក្សាកាងារជាមួយ លោកស្រីប្រធានរដ្ឋសភាឡាវ Pany Yathotu។
រូបថត៖ ត្រុងឌឹក/ ទីភ្នាក់ងារសារព័ត៌មានវៀតណាម
លោកស្រីប្រធានរដ្ឋសភា ង្វៀនធីគីមង៉ឹន និង លោកស្រីប្រធានរដ្ឋសភាឡាវ Pany Yathotu អញ្ជើញ
ជាសហអធិបតីភាពក្នុងសិក្ខាសាលាអំពី ''បទពិសោធន៍នូវការគ្រប់គ្រងបំណុលរដ្ឋ''។
រូបថត៖ ត្រុងឌឹក/ ទីភ្នាក់ងារសារព័ត៌មានវៀតណាម
ចំណុចសំខាន់ក្នុងដំណើរទស្សនកិច្ចជាមិត្តភាពនៅប្រទេសឡាវ គឺលោកស្រីប្រធានរដ្ឋសភានៃប្រទេសទាំងពីបានអញ្ជើញជាសហអធិបតីភាពក្នុងសិក្ខាសាលា“ បទពិសោធន៍នូវការគ្រប់គ្រងបំណុលរដ្ឋ ”។ សិក្ខាសាលានេះបានបង្ហាញតួនាទីនិងការទទួលខុសត្រូវរបស់រដ្ឋសភានៃប្រទេសទាំងពីរចំពោះបណ្តាបញ្ហាសំ ខាន់ៗរបស់ប្រទេសជាតិក្នុងការគ្រប់គ្រងសេដ្ឋកិច្ច ព្រមទាំងបង្ហាញយ៉ាងរស់រវើកនូវទំនងក់ទំនងសហប្រតិបត្តិការកាន់តែរឹតបណ្តឹង ប្រសិទ្ធិភាពរវាងរដ្ឋសភានិងរដ្ឋាភិបាលនៃប្រទេសទាំងពីរវៀតណាមនិងឡាវ។
នៅព្រះរាជាណាចក្រកម្ពុជា លោកស្រីប្រធានរដ្ឋ ង្វៀនធីគីមង៉ឹន បានជួពពិភាក្សាការងារជាមួយ សម្តេចអគ្គមហាពញាចក្រី ហេង សំរិន ប្រធានរដ្ឋសភា។ ភាគីទាំងពីរបានចាត់ទុកថា ក្នុងសភាពការណ៍ពិភពលោកនិងក្នុងតំបន់ ដែលមានការវិវឌ្ឍន៍ដ៏ស្មុគស្មាញ ទំនាក់ទំនងសាមគ្គីរវាងប្រទេសទាំងពីរត្រូវការពង្រឹងនិងអភិវឌ្ឍន៍។ ភាគីវៀតណាមបានអះអាងថា៖ ដូចជាពីមុននិងក្រោយ ជានិច្ចជាកាលយកចិត្តទុកដាក់និងអាទិភាពដំបូងចំពោះការពង្រឹងនិងបង្កើនទំនាក់ទំនងជាប្រទេសជិតខាងល្អប្រសើរ មិត្តភាពជាប្រពៃណី សហប្រតិបត្តិការលើគ្រប់វិស័យ ចីរភាពជាយូរអង្វែងជាមួយប្រទេសកម្ពុជា។
លោកស្រីប្រធានរដ្ឋសភា ង្វៀនធីគីមង៉ឹន អញ្ជើញមកបំពេញទស្សនកិច្ចជាផ្លូវការនៅព្រះរាជាណាចក្រកម្ពុជា។
រូបថត៖ ត្រុងឌឹក/ ទីភ្នាក់ងារសារព័ត៌មានវៀតណាម
លោកស្រីប្រធានរដ្ឋសភា ង្វៀនធីគីមង៉ឹន ជួបពិភាក្សាការងារជាមួយ សម្តេចអគ្គមហាពញាចក្រី
ហេង សំរិន ប្រធានរដ្ឋសភា។ រូបថត៖ ត្រុងឌឹក/ ទីភ្នាក់ងារសារព័ត៌មានវៀតណាម
ក្នុងកិច្ចពិភាក្សាជាមួយសម្តេចវិបុលសេនាភក្តី សាយ ឈុំ ប្រធានព្រឹទ្ធសភា អបអរសាទរចំពោះលទ្ធផលបោះបង្គោលខណ្ឌសីមារវាងប្រទេសទាំងពីរដែលទទួលបានក្នុងរយៈពេលកន្លងទៅ លោកស្រី ប្រធានរដ្ឋសភា ង្វៀនធីគីមង៉ឹន និងសម្តេចវិបុលសេនាភក្តី សាយ ឈុំ ប្រធានព្រឹទ្ឋសភាមានបំណងប្រាថ្នាចង់ឲ្យប្រទេសទាំងពីរដោះស្រាយបណ្តាបញ្ហាសេសសល់លើខ្សែព្រំដែន ដែលប្រទេសទាំងពីរកំពុងកសាង ដើម្បីក្លាយទៅជាខ្សែព្រំដែនសន្តិភាព មិត្តភាព សហប្រតិបត្តិការនិងអភិវឌ្ឍន៍ ព្រមទាំងចាត់ទុកថាសម្រេចការងារបោះខណ្ឌសីមាគឺជាទ្រព្យសម្បត្តិថ្លៃថ្នូរសំរាប់កូនចៅជំនាន់ក្រោយៗ។
នៅប្រទេសមីយ៉ាន់ម៉ា ចំណុចសំខាន់ក្នុងបណ្តាជំនួបពិភាក្សា ថ្នាក់ដឹកនាំមីយ៉ាន់ម៉ាសុទ្ធតែវាយខ្ពស់បណ្តាសមិទ្ធផលសេដ្ឋកិច្ច - សង្គម ដែលវៀតណាមទទួលបានក្នុងបុព្វហេតុផ្លាស់ប្តូរថ្មីនិងថ្លែងបំណងប្រាថ្នាអំពីវៀតណាមចែករំលែកបទពិសោធន៍ពីបណ្តាសមិទ្ធិផលនេះ។ ថ្នាក់ដឹកនាំមីយ៉ាន់ម៉ាបានឲ្យដឹងថា៖ មីយ៉ាន់ម៉ាកំពុងខិតខំប្រឹងប្រែងអភិវឌ្ឍន៍ប្រទេសជាតិនិងធ្វើសមាហរណកម្មអន្តរជាតិនឹងបង្កលក្ខណៈងាយស្រួលថែមទៀតខាងគោលនយោបាយច្បាប់ ដើម្បីទាក់ទាញវិនិយោគិនបរទេសក្នុងនោះមានវៀតណាម។
លោកប្រធានរដ្ឋសភា ង្វៀនធីគីមង៉ឹន ជួបពិភាក្សការងារជាមួយ លោកប្រធានព្រឹទ្ធសភាមីយ៉ាន់ម៉ា
Mahn Win Khaing Than។ រូបថត៖ ត្រុងឌឹក/ ទីភ្នាក់ងារសារព័ត៌មានវៀតណាម
លោកស្រីប្រធានរដ្ឋសភា ង្វៀនធីគីមង៉ឹន អញ្ជើញចូលរួមក្នុងពិធីបើកមហាសន្និបាត AIPA-37
នៅរដ្ឋធានី Nay Pyi Taw នៃសហភាពមីយ៉ាន់ម៉ា។
រូបថត៖ ត្រុងឌឹក/ ទីភ្នាក់ងារសារព័ត៌មានវៀតណាម
ទិដ្ឋភាពរួមនៃកិច្ចប្រជុំគណៈកម្មាធិការប្រតិបត្តិ AIPA-37។
រូបថត៖ ត្រុងឌឹក/ ទីភ្នាក់ងារសារព័ត៌មានវៀតណាម
ទីភ្នាក់ងារសារព័ត៌មានវៀតណាម /កាសែតរូបភាពវៀតណាម