លោកស្រី Catherine Karnow បានពិភពលោកដឹងស្គាល់ជាជាងថតរូបមួយរូបធ្វើការនៅទស្សនវដ្តី National Geographic ដោយមានរូបថតពីទេសភាពដ៏ល្បីឈ្មោះជាច្រើន។ ឪពុករបស់លោកស្រីជាអ្នកកាសែត Stanley Karnow ជាអ្នកនិពន្ធនូវសៀវភៅ “វៀតណាម៖ ប្រវត្តិសាស្រ្តមួយ”។ មនោសញ្ចេតនារបស់ឪពុកលោកស្រីចំពោះទឹកដីវៀតណាម បានបណ្តុះគំនិតឲ្យ លោកស្រី Catherine។ នោះគឺជាមូលហេតុដែលលោកស្រីមកកាន់វៀតណាម ទុកដូចជាភព្វព្រេងវាសនាមួយ ក្នុងអំឡុងជាង២៥ឆ្នាំកន្លងមក។ លោកស្រីបានធ្វើដំណើរនិងឆ្លងកាត់តាមបណ្តោយនៃទំហំទឹកដី ដើម្បីថតរក្សាទុកនូវដំណើរផ្លាស់ប្តូរខ្លូនរបស់សង្គមវៀតណាម។ សមិទ្ធិផលនៃការធ្វើដំណើរនោះ បានតាំងបង្ហាញក្នុងការតាំងពិព័រណ៍៖ “ វៀតណាម - ២៥ឆ្នាំនៃទឹកដីមួយកំពុងតែផ្លាស់ប្តូរ” ទើបនឹងបានឧទ្ទេសនាមដល់មហាជននៅរដ្ឋធានីហាណូយថ្មីៗនេះ។
|
តាំងពិព័រណ៍បានបែងចែកតាមប្រធានបទ៖ រូបថតពីប៉ុន្មានឆ្នាំដើមទស្សវត្សរ៍៩០ រូបថតពីលោកឧត្តមសេនីយ៍ វ៉ង្វៀនយ៉ាប រូបថតពីកុមារជ្រាបជាតិពុលដេអូស៊ីន និងរូបថតពីវៀតណាមបច្ចុប្បន្ន។
មនុស្សនៅក្នុងរូបថត បានលោកស្រី Catherine ថតផ្សារភ្ជាប់នឹងជីវភាពរស់នៅនិងប្រវត្តិសាស្រ្ត របស់វៀតណាម ក្នុងដំណាក់កាលជាក់ស្តែងមួយ។ ក្នុងផ្នែករូបថតវៀតណាមបច្ចុប្បន្ន យើងខ្ញុំបានជួបប្រទះនូវរឿងរ៉ាវពីអ្នកដើរលក់ឥវ៉ានខាងមុខនៃមជ្ឈមណ្ឌលពាណិជ្ជកម្មមួយនៅសាយហ្គន នោះគឺជារូបភាពពីស្រទាបពលករក្រីក្រក្នុងជីវភាពនៃទីផ្សារដែលមានកម្រិតប្រាក់ចំណូលទាប និងជីវភាពរស់នៅលំបាក។ ឬដូចរូបថតពាណិជ្ជករ ដាំងឡេង្វៀនវូ ដែលមានទឹកមុខព្រួយកង្វល់។ បង្ហាញពីគោលបំណងនាំយកផលិតផលកាហ្វេវៀតណាម ចូលទីផ្សារឲ្យបានច្រើន។ រូបភាពក្រុមអ្នកបម្រើរបស់ក្រុមហ៊ុនអាកាសយានចរណ៍វៀតណាម បង្ហាញភាពផ្លាស់ប្តូរខ្លួននៃផ្នែកដឹកជញ្ជូនទំនើប កំពុងតភ្ជាប់ជាមួយពិភពលោក។ តាមរយៈសិល្បករថាយហ្វា ក្នុងឈុតរឿងដែលនិយាយពីការផ្លាស់ប្តូរភេទ ដើម្បីបញ្ជាក់ទូទៅនូវបញ្ហាសង្គមក្តៅគគុក។ រឿងរ៉ាវវៀតណាមនៅបានឆ្លុះបញ្ចាំងជាក់ស្តែង ក្នុងកែវភ្នែកសប្បាយរីករាយ របស់គ្រួបង្រៀននៅក្នុងរថភ្លើងថុងញ៉ឹក ធ្វើដំណើរបណ្តោយពីភាគខាងជើង ដល់ភាគខាងកណ្តាលនិងភាគខាងត្បូង។ល។
ចំណែករូបថតពីលោកឧត្តមសេនីយ៍ វ៉ង្វៀនយ៉ាប អ្នកកាសែតបានថតយ៉ាងលម្អិត ចាប់ផ្តើមពីពេលលោកស្រីមានឱកាសទៅសួរសុខទុក្ខលោកឧត្តសេនីយ៍ លើកដំបូងបង្អស់នៅឆ្នាំ១៩៩០ រហូតដល់ពេលលោកស្រីទស្សនាផ្ទាល់នៅពិធីបុណ្យសពលោកឧត្តមសេនីយ៍នៅឆ្នាំ២០១៣។ រឿងរ៉ាវដែលរំភើបចិត្តនៅទីនេះ គឺជាមនោសញ្ចេតនារបស់ប្រជាជនចំពោះលោកឧត្តមសេនីយ៍ ជាអ្នកបង្កើតបានប្រវត្តិសាស្រ្តដោយការឆ្លងកាត់សង្រ្គាមប្រឆាំងបារាំងនិងអាមេរិក។ លោកស្រី Catherine ដូចជាប្រជាជនវៀតណាមមួយរូបសម្របខ្លួនចូលក្នុងជួរ អ្នកជូនដំណើរលោកឧត្តមសេនីយ៍ដោយអារម្មណ៍គោរព។ រូបថតរបស់លោកស្រីពីលោកឧត្តមសេនីយ៍ វ៉ង្វៀនយ៉ាប បានគ្រួសារលោកឧត្តមសេនីយ៍ទុកដូចជាកេរដំណែលកម្រមួយ។ បុត្ររបស់លោកឧត្តមសេនីយ៍ដូចជា បងវ៉ឌៀនបៀន បងស្រីវ៉ហុងផុក បងស្រីវ៉ហ្វាប៊ិញសុទ្ធតែមកទស្សនា តាំងពិព័រណ៍និងសែនរំភើបពេលទស្សនាឡើងវិញនៅរូបថតពីឪពុករបស់ខ្លួន។
រូបថតលោកឧត្តមសេនីយ៍ វ៉ង្វៀនយ៉ាប មួយចំនួនរបស់ជាងថតរូប Catherine Karnow៖ រូបថតលោកឧត្តមសេនីយ៍ វ៉ង្វៀនយ៉ាប “កំពូលភ្នំភ្លើងគ្របដណ្តប់ដោយព្រិល” ដ៏ល្បីឈ្មោះរបស់លោកស្រី Catherine។ លោកឧត្តមសេនីយ៍ វ៉ង្វៀនយ៉ាប មកសួរសុខទុក្ខមឿងផាំងម្តងទៀត នៅឆ្នាំ១៩៩០។ លោកឧត្តមសេនីយ៍ វ៉ង្វៀនយ៉ាប មកសួរសុខទុក្ខមន្ទីរបញ្ជាការយុទ្ធនាការឌៀនបៀនភូ នៅឆ្នាំ១៩៩០។ កាន់មរណទុក្ខទូទាំងប្រទេសលោកឧត្តមសេនីយ៍ វ៉ង្វៀនយ៉ាប ឆ្នាំ២០១៣។ |
ផ្នែករូបថតពីជាតិពុលដេអូស៊ីន កូនកាត់វៀតណាម-អាមេរិក ក៏ជារឿងរ៉ាវរំភើបចិត្តនឹងទាន់ព្រឹត្តិកាណ៍ដែរ។ សារលិខិតដែល លោកស្រី Catherine ចង់ផ្តាំផ្ញើថា៖ សង្រ្គាមនៅវៀតណាមនិងអាមេរិកបានបញ្ចប់៤០ឆ្នាំ ប៉ុន្តែវានៅតែជារឿងរ៉ាវមានការចងចាំជានិច្ចកាល។ ប្រឈមមុខនឹងសោកនាដកម្មក្នុងអតីតកាល គឺដើម្បីចាប់ផ្តើមនៅដំណើរផ្សះផ្សា ដើម្បីស្វែងរកនូវក្តីសង្ឃឹមមួយ ឆ្ពោះទៅអនាគត។
ក្បែររូបថតអតីតកាល គឺជារូបថតក្នុងដំណាក់កាលផ្លាស់ប្តូរថ្មី ឆ្លុះបញ្ចាំងទឹកដីវៀតណាមមួយ កំពុងបើកទ្វារឆ្ពោះទៅពាណិជ្ជកម្មអន្តរជាតិ ដែលពាក់ព័ន្ធដល់ចលនានៃជីវិតរបស់ប្រជាជន ក្នុងការធ្វើសមាហរណកម្ម។
រឿងរ៉ាវវៀតណាម ឆ្លងតាមរយៈរូបថតរបស់ស្រី Catherine Karnow នៅបង្កើតលក្ខណៈពិសេសឲ្យទស្សនិកជន ពេលមនុស្សនៅក្នុងរូប របស់លោកស្រីក៏មានវត្តមានក្នុងពិធីបើកតាំងពិព័រណ៍នេះដែរ ហើយរួមជាមួយជាងថតរូបនានា ចែករំលែងរឿងរ៉ាវដ៏ជក់ចិត្តរបស់ខ្លួន។ លោកស្រី Catherine Karnow រំភើបចិត្តសំណេះសំណាលថា៖ តាំងពិព័រណ៍ “ វៀតណាម - ២៥ឆ្នាំនៃទឹកដីមួយកំពុងតែផ្លាស់ប្តូរ” ជាឱកាស ដើម្បីខ្ញុំសម្តែងទឹកចិត្តគោរព ចំពោះអ្នកដែលបានបោះជំហានឈានចូលជីវិត របស់យើងខ្ញុំ និងធ្វើឲ្យវៀតណាមក្លាយជាមួយចំណែកនៅក្នុងក្រឳបេះដូងយើងខ្ញុំ៕
រូបភាពមួយចំនួនពី “វៀតណាម-២៥ឆ្នាំនៃទឹកដីមួយកំពុងតែផ្លាសប្តូរ” ឆ្លងតាមកញ្ចក់ម៉ាស៊ីនថតរូបរបស់ លោកស្រី Catherine Karnow៖ រូបថត “ស្រ្តីនៅលើរថភ្លើងថុងញ៉ឹក” ដោយ លោកស្រីCatherine Karnowថតនៅឆ្នាំ១៩៩០ - រូបថតរបស់លោកស្រីCatherineនៅតាំងពិពរ័ណ៍។ វិញហាឡុងឆ្នាំ១៩៩០ -រូបថតរបស់លោកស្រីCatherineនៅតាំងពិពរ័ណ៍។ វៀតណាមសម័យផ្លាស់ប្តូរថ្មី ដោយរូបភាពពាណិជ្ជករអង្គុយលើស៊ីក្លូ ឆ្នាំ១៩៩៤ -រូបថតរបស់លោកស្រីCatherineនៅតាំងពិពរ័ណ៍។ សមាជិកចុងក្រោយបង្អស់នៃរាជការង្វៀន -រូបថតរបស់លោកស្រីCatherineនៅតាំងពិពរ័ណ៍។ ផ្លាកផ្សាយពាណិជ្ជកម្ម Coca Cola ផ្តើមបង្ហាញខ្លួននៅហាណូយ ក្នុងពាក់កណ្តាលទស្សវត្សរ៍១៩៩០ -រូបថតរបស់លោកស្រី Catherineនៅតាំងពិពរ័ណ៍។ វគ្គសិក្សា Golf ឆ្នាំ១៩៩៤ -រូបថតរបស់លោកស្រី Catherineនៅតាំងពិពរ័ណ៍។ សិក្ខាកាមស្ត្រីអាកាសចរណ៍ -រូបថតរបស់ លោកស្រី Catherineនៅតាំងពិពរ័ណ៍។ សំឡឹងពីអគារ Bitexco ៦៨ជាន់ឆ្នាំ២០១១ -រូបថតរបស់ លោកស្រីCatherineនៅតាំងពិពរ័ណ៍។ |
អត្ថបទ៖ ប៊ិចវឹន រូបថត៖ វៀតកឿង
thachdicon