ចំណុចសំខាន់ៗ
លោកនាយករដ្ឋមន្ត្រី ង្វៀនស្វឹនភុក អញ្ជើញបំពេញទស្សនកិច្ចប្រទេសជប៉ុននិងចូលរួមសន្និសីទកំពូល G7 បើកទូលាយ
នេះគឺជាលើកដំបូង ប្រទេសវៀតណាមបានអញ្ជើញចូលរួមសន្និសីទកំពូល G7 បើកទូលាយ គូសចំណាំការកត់ សម្គាល់ចំពោះតួនាទីនិងការរួមចំណែករបស់វៀតណាមក្នុងបណ្តាបញ្ហាក្នុងតំបន់និងអន្តរជាតិ។ ថ្លែងសន្ទរកថាក្នុងបណ្តាកិច្ចប្រជុំនៃសន្និសីទកំពូលឡ លោកនាយករដ្ឋមន្ត្រី ង្វៀនស្វឹនភុកបានអះអាងអំពីគោលជំហររបស់វៀតណាមស្តីពីសន្តិភាព ស្ថេរភាពនិងអភិវឌ្ឍន៍យ៉ាងចិរភាពក្នុងតំបន់អាស៊ី - ប៉ាស៊ីហ្វិកនិយាយដោយឡែកនិងពិភពលោកនិយាយជារួម។
|
អញ្ជើញចូលរួមក្នុងសន្និសីទកំពូល បើកទូលាយនេះមានថ្នាក់ដឹកនេះនៃបណ្តាប្រទេសក្នុងក្រុមនិងថ្នាក់ដឹកនាំបណ្តាប្រទេសជាភ្ញៀវរួមមាន៖ វៀតណាម ឥណ្ឌូនេស៊ី ឡាវ បង់ក្លាដែស ប៉ាពូអាស៊ីនូវែលហ្គីណេស្រីលង្កាឆាដ រួមជាមួយបណ្តាអង្គការអន្តរជាតិធំៗ នៅពិភពលោកដូចជា៖ អង្គការសហប្រជាជាតិ (UN) ធនាគារពិភពលោក (IMF) មូលនិធីរូបិយវត្ថុអន្តរជាតិ (IMF) អង្គការសហប្រតិបត្តិការនិងអភិវឌ្ឍន៍សេដ្ឋកិច្ច ធនាគាអភិវឌ្ឍន៍អាស៊ី (ADB) |
លោកនាយករដ្ឋមន្ត្រីចាត់ទុកថា បណ្តាប្រទេស ជាពិសេសគឺបណ្តាប្រទេសក្នុងក្រុម G7 ត្រូវមានសម្លេងនិយាយនិងសកម្មភាពជាក់ស្តែង ដើម្បីរួមចំណែកក្នុងការពង្រឹងបរិស្ថានសន្តិភាព ស្ថេរភាពនិងដោះស្រាយបណ្តាបញ្ហារួមនៅពិភពលោកក៏ដូចជាក្នុងតំបន់ផងដែរ ជាពិសេសគឺបណ្តាគោលដៅអភិវឌ្ឍន៍ចិរភាព កសាងហេដ្ឋារចនាសម្ព័ន្ធ ទប់ទល់នឹងគ្រោះធម្មជាតិ ឆ្លើយតបនិងបម្រែបម្រួលអាកាសធាតុ ប្រឆាំងនឹងអំពើភេរវកម្ម សន្តិសុខស្បឿងអាហារ ប្រភពទឹក ផ្លូវដែនសមុទ្រនិងអាកាសចរណ៍។
លោកនាយករដ្ឋមន្ត្រីបានថ្លែងការយកចិត្តទុកដាក់យ៉ាងខ្លាំងលើតួនាទីសំខាន់ៗ នៃបណ្តាប្រទេសក្នុងក្រុមប្រទេស G7 ក្នុងការជំរុញការស្តារសេដ្ឋកិច្ចពិភពលោក តភ្ជាប់នឹងពាណិជ្ជកម្ម វិនិយោគ ក៏ដូចជាដោះស្រាយបណ្តាការសាកល្បងអភិវឌ្ឍន៍ពិភពលោកយ៉ាងប្រសិទ្ធភាព ដោយបរិយាកាសសន្តិភាព ស្ថេរភាពក្នុងតំបន់អាស៊ី - ប៉ាស៊ីហ្វិក និងលើពិភពលោក។
លើកឡើងអំពីបញ្ហាសមុទ្រខាងកើត លោកនាយករដ្ឋមន្ត្រី ង្វៀនស្វឹនភុកបានអបអរសាទរបណ្តាប្រទេស ដែលមានគោលជំហរសកម្ម គាំទ្រប្រទេសវៀតណាមនិងអាស៊ានក្នុងការដោះស្រាយជម្លោះនៅសមុទ្រខាងកើត ដោយសន្តិវិធី សមស្របនឹងសន្ធិសញ្ញារបស់អង្គការសហប្រជាជាតិស្តីពីច្បាប់សមុទ្រឆ្នាំ ១៩៨២ ធានាសន្តិសុខ សុវត្ថិភាព សេរីផ្លូវដែនសមុទ្រ អាកាសចរណ៍នៅសមុទ្រខាងកើត រួមចំណែកក្នុងការរក្សាសន្តិភាព ស្ថេរភាពសំរាប់វិបុលភាពនិងការអភិវឌ្ឍន៍ក្នុងតំបន់និងលើពិភពលោក។
ឆ្លៀតឱកាសនេះ លោកនាយករដ្ឋមន្ត្រីក៏មានបណ្តាជំនួបនិងជួបពិភាក្សាទ្វេភាគីជាមួយថ្នាក់ដឹកនាំនៃបណ្តាប្រទេសនិងបណ្តាអង្គការអន្តរជាតិដូចជា៖ លោកប្រធានាធិបតីបារាំង លោកនាយករដ្ឋមន្ត្រីកាណាដា លោកនាយករដ្ឋមន្ត្រីអង់គ្លេស លោកនាយករដ្ឋមន្ត្រីអាល្លឺម៉ង់ លោកប្រធានាធិបតីអាមេរិក លោកនាយករដ្ឋមន្ត្រីអ៊ីតាលី លោកអគ្គលេខានៃអង្គការសហប្រជាជាតិ លោកប្រធានគណៈកម្មាធិការអ៊ឺរ៉ុបនិងប្រធានក្រុមប្រឹក្សាអ៊ឺរ៉ុប អគ្គនាយកនៃមូលនិធិរូបិយវត្ថុអន្តរជាតិ (IMF) ប្រធានធនាគារពិភពលោក...
លោកនាយករដ្ឋមន្ត្រី ង្វៀនស្វឹនភុកថតរូបជាមួយ បណ្តាប្រធានគណៈប្រតិភូអញ្ជើញចូលរួមក្នុងសន្និសីទ G7 បើកទូលាយ។ រូបថត៖ ថុងញ៉ឹត /ទីភ្នាក់ងារសារព័ត៌មានវៀតណាម
លោកនាយករដ្ឋមន្ត្រី ង្វៀនស្វឹនភុក អញ្ជើញចូលរួមសន្និសីទ G7 បើកទូលាយ។
រូបថត៖ ថុងញ៉ឹត /ទីភ្នាក់ងារសារព័ត៌មានវៀតណាម
លោកនាយករដ្ឋមន្ត្រី ង្វៀនស្វឹនភុក ជួបលោកប្រធានាធិបតីអាមេរិក Barack Obama និងអធិការបតីអាល្លឺម៉ង លោកស្រី Angela Merkel។ រូបថត៖ ថុងញ៉ឹត /ទីភ្នាក់ងារសារព័ត៌មានវៀតណាម
លោកនាយករដ្ឋមន្ត្រី ង្វៀនស្វឹនភុក ជួបលោកប្រធានាធិបតីបារាំង Francois Holland។
រូបថត៖ ថុងញ៉ឹត /ទីភ្នាក់ងារសារព័ត៌មានវៀតណាម
លោកនាយករដ្ឋមន្ត្រី ង្វៀនស្វឹនភុក ជួបលោកនាយករដ្ឋមន្ត្រីកាណាដា Justin Trudeau ។
រូបថត៖ ៖ ថុងញ៉ឹត /ទីភ្នាក់ងារសារព័ត៌មានវៀតណាម
លោកនាយករដ្ឋមន្ត្រី ង្វៀនស្វឹនភុក ជួបលោកនាយករដ្ឋមន្ត្រីអ៊ីតាលី Matteo Renzi។
រូបថត៖ ៖ ថុងញ៉ឹត /ទីភ្នាក់ងារសារព័ត៌មានវៀតណាម
លោកនាយករដ្ឋមន្ត្រី ង្វៀនស្វឹនភុក ជួបលោកអគ្គលេខានៃអង្គការសហប្រជាជាតិ Ban Ki-moon។
រូបថត៖ ៖ ថុងញ៉ឹត /ទីភ្នាក់ងារសារព័ត៌មានវៀតណាម
លោកនាយករដ្ឋមន្ត្រី ង្វៀនស្វឹនភុក ជួបលោកប្រធានគណៈកម្មាធិការអ៊ឺរ៉ុប Jean-Claude Juncker និងប្រធានក្រុមប្រឹក្សាអ៊ឺរ៉ុប Donald Tusk។ រូបថត៖ ៖ ថុងញ៉ឹត /ទីភ្នាក់ងារសារព័ត៌មានវៀតណាម
បន្ទាប់ពីបញ្ចប់កម្មវិធីនៃសន្និសីទកំពូល G7 បើកទូលាយ លោកនាយករដ្ឋមន្ត្រី ង្វៀនស្វឹនភុកបានទៅកាន់រាជធានីតូក្យូ ចាប់ផ្តើមដំណើរការបំពេញទស្សនកិច្ចនៅប្រទេសជប៉ុន តាមសេចក្តីអញ្ជើញរបស់លោកនាយករដ្ឋមន្ត្រីជប៉ុន ។
នាយករដ្ឋមន្ត្រីនៃប្រទេសទាំងពីរបានផ្លាស់ប្តូរយោបល់យ៉ាងស៊ីជម្រៅនិងឯកភាពយ៉ាងខ្ពស់ស្តីពីគោលដៅធំៗនិងបណ្តាវិធានការជាក់ស្តែង ដើម្បីលើកទំនាក់ទំនងដៃគូយុទ្ធសាស្ត្រស៊ីជម្រៅវៀតណាម - ជប៉ុនកាន់តែអភិវឌ្ឍន៍លើគ្រប់វិស័យ ជាក់ស្តែងនិងប្រសិទ្ធភាពថែមទៀតក្នុងរយៈពេលឆាប់ៗខាងមុខនេះ បង្កើនការជួបពិភាក្សាក្រៅសន្និសីទអន្តរជាតិ លើកកម្ពស់បណ្តាយន្តការសន្ទនារវាងប្រទេសទាំងពីរប្រកបដោយប្រសិទ្ធភាព ឯកភាពនូវការបង្កើនកិច្ចសបប្រតិបត្តិការសន្តិសុខ ការពារជាតិរវាងប្រទេសទាំងពីរនិងសហការយ៉ាងជិតស្និទ្ធក្នុងសកម្មភាពរក្សាសន្តិភាពនៃអង្គការសហប្រជាជាតិនិង តំបន់ជំនះផលវិបាកដោយសារសង្គ្រាម។
ភាគីទាំងពីរក៏បានឯកភាពយ៉ាងខ្ពស់អំពីតួនាទីសំខាន់ៗក្នុងការធានាសន្តិភាព សន្តិសុខ សុវត្ថិភាពនិងសេរីភាពផ្លូវដែនសមុទ្រនិងអាកាសចរណ៍នៅសមុទ្រខាងកើត ភាគីនានាមិនពាក់ព័ន្ធ មានបណ្តាសកម្មភាពប្រែប្រួលស្ថានភាព បង្កភាពស្មុគស្មាញ បើកទូលាយជម្លោះនិងប្រើប្រាស់កងទ័ពលើសមុទ្រខាងកើត ដោះស្រាយជម្លោះដោយសន្តិវិធី គោរពដំណើរការទូតនិងច្បាប់ គោរពយ៉ាងត្រឹមត្រូវច្បាប់អន្តរជាតិ ក្នុងនោះមានសន្ធិសញ្ញារបស់អង្គការសហប្រជាជាតិស្តីពីច្បាប់សមុទ្រ ១៩៨២ សេចក្តីប្រកាសស្តីពីការប្រព្រឹត្តរបស់ភាគីនានានៅសមុទ្រខាងកើត (DOC) ជំរុញការកសាងក្រមសិលធម៌មួយរបស់ភាគីនានានៅសមុទ្រខាងកើត (COC)។
បន្ទាប់ពីជួបពិភាក្សា លោកនាយករដ្ឋមន្ត្រី ង្វៀនស្វឹនភុកនិងលោកនាយករដ្ឋមន្ត្រី Shinzo Abe បានអញ្ជើញធ្វើសាក្សីក្នុងពិធីផ្លាស់ប្តូរឯកសារទាំង ៥ រវាងបណ្តាក្រសួង ផ្នែកនិងស្ថាប័ននៃប្រទេសទាំងពីរ ក្នុងនោះមាន ៤ ឯកសារអំពីកម្ចី ODA ដែលមានតំលៃសរុប ១៦៦ លានយេន (ស្មើនឹង ១,៥ ពាន់លានដុល្លារអាមេរិក)។
ឆ្លៀតឱកាសបំពេញទស្សនកិច្ច លោកនាយករដ្ឋមន្ត្រី ង្វៀនស្វឹនភុក បានអញ្ជើញចូលរួមសន្ទនាគោលនយោបាយសេដ្ឋកិច្ចជាន់ខ្ពស់វៀតណាម ជប៉ុន ដែលមានការចូលរួមរបស់សហគ្រាសជប៉ុនចំនួន ទទួលជួបថ្នាក់ដឹកនាំនៃបណ្តាសម្ព័ន្ធក្រុមហ៊ុនធំៗ របស់ជប៉ុន អញ្ជើញទស្សនាអារាម Ise នៅ Mie Yokoyama ទស្សនាកសិដ្ឋាន ទម្រង់រូបភាពផលិតកសិកម្មគំរូនៅខេត្ត Aichi.../.
លោកនាយករដ្ឋមន្ត្រីជប៉ុន Shinzo Abeទទួលស្វាគមន៍ លោកនាយករដ្ឋមន្ត្រី ង្វៀនស្វឹនភុក។
រូបថត៖ ថុងញ៉ឹត /ទីភ្នាក់ងារសារព័ត៌មានវៀតណាម
ពិធីទទួលស្វាគមន៍បានរៀបចំយ៉ាងមហោឡារិកនៅវិមាននាយករដ្ឋមន្ត្រី។
រូបថត៖ ថុងញ៉ឹត /ទីភ្នាក់ងារសារព័ត៌មានវៀតណាម
លោកនាយករដ្ឋមន្ត្រី ង្វៀនស្វឹនភុក ជួបពិភាក្សាការងារជាមួយ លោក Shinzo Abe នាយករដ្ឋមន្ត្រីជប៉ុន។ ។
រូបថត៖ ថុងញ៉ឹត /ទីភ្នាក់ងារសារព័ត៌មានវៀតណាម
នាយករដ្ឋមន្ត្រីនៃប្រទេសទាំងពីរអញ្ជើញធ្វើជាសាក្សីក្នុងពិធីចុះហត្ថលេខាលើកិច្ចព្រមព្រៀងរវាងប្រទេសទាំងពីរ។ រូបថត៖ ថុងញ៉ឹត /ទីភ្នាក់ងារសារព័ត៌មានវៀតណាម
