រូបថត
លោក សាស្ត្រាចារ្យរង បណ្ឌិត ង្វៀនក្វាងតឹន (Nguyen Quang Tuan) - វេជ្ជបណ្ឌិតឆ្នើមក្នុងជំនាញផ្នែកបេះដូង
នាឆ្នាំ១៩៩៦ លោក ង្វៀនក្វាងតឹន (Nguyen Quang Tuan) រៀនសូត្រអំពីជំនាញផ្នែកបេះដូង នៅប្រទេសបារាំង (មហាវិទ្យាល័យ Toulouse) និងគឺមួយក្នុងបណ្តាវេជ្ជបណ្ឌិតវៀតណាមដំបូងត្រូវបានបណ្តុះបណ្តាលនូវផ្នែកនេះដែលគឺផ្នែកមួយនៅតែមិនទាន់ដឹងច្បាស់លាស់នៅប្រទេសវៀតណាម នៅពេលនោះ។
បញ្ចប់ការសិក្សាយ៉ាងឆ្នើមនៅមហាវិទ្យាល័យ Toulouse លោកតឹន (Tuan) ទទួលការអញ្ជើញធ្វើការនៅប្រទេសវៀតណាម។ ផ្ទុយនឹងបរិស្ថានវិជ្ជាពេទ្យឈានមុខគេលើពិភពលោក នៅពេលនោះ បរិស្ថានធ្វើការនៅប្រទេសវៀតណាមខ្វះខាតជាច្រើន។ ប៉ុន្តែ ជំរើសចុងក្រោយរបស់លោកតឹន (Tuan) នៅតែមិនប្រែប្រួលទេ លោកបានសម្រេចចិត្តធ្វើការនៅប្រទេសវៀតណាម យកចំណេះដឹងនូវវិជ្ជាពេទ្យដែលបានសិក្សានៅបរទេស ដើម្បីរួមចំណែកក្នុងជំនាញផ្នែកបេះដូងកំពុងនៅថ្មោងថ្មីៗ ក្នុងស្រុក។
លោកសាស្ត្រាចារ្យរង បណ្ឌិត ង្វៀនក្វាងតឹន (Nguyen Quang Tuan) ចាប់ផ្តើមនិយាយជាមួយយើងខ្ញុំអំពីអនុស្សាវរីយ៍មិនអាចបំភ្លេចបានទេនូវបណ្តាថ្ងៃដំបូងចាប់ផ្តើមការងារថែទាំសុខភាពប្រជាជននិងបណ្តាបរិបទជួបការលំបាករបស់ផ្នែកបេះដូង នៅប្រទេសវៀតណាមក្នុងប៉ុន្មានឆ្នាំចុងសតវត្សរ៍ទី ២០។ វិធានការព្យាបាលជំងឺបេះដូងដោយជំនាញ នៅប្រទេសវៀតណាមជួបការរារាំងនិងការប្រឆាំងជាច្រើន នៅពេលវិធានការនេះទើបបានអនុវត្តន៍។
ជំងឺបេះដូងត្រូវបានចាត់ទុកដូចជាជំងឺរបស់អ្នកមាន មិនមែនជាអ្នកណាក៏មានប្រាក់ចំនួន ២០០០ ដុល្លារអាមេរិក គ្រប់គ្រាន់ ដើម្បីធ្វើការវះកាត់បេះដូងទេ។ បើសិនជាមានលុយ អ្នកជំងឺភាគច្រើនសុទ្ធតែព្យាបាលនៅបរទេស។ ហេតុនេះ មិនត្រឹមតែអ្នកជំងឺតែប៉ុណ្ណោះ ថែមទាំងសហការី សហការិនីក៏សង្ស័យអំពីសមត្ថភាពរបស់វេជ្ជបណ្ឌិតវៀតណាមដែរ។
ប៉ុន្តែដោយឆន្ទៈ ការប្តេជ្ញាចិត្តនិងក្តីស្រឡាញ់រវាងមនុស្សនិងមនុស្ស មិនដាច់ចិត្តមើលឃើញបេះដូងខ្សោយជាបណ្តើរៗនិងដណ្តើមអាយុជីវិតរបស់អ្នកជំងឺ ទោះបីស្ថានភាពនិងលក្ខណៈជាក់ស្តែងជាពិបាកនិងខ្វះខាតយ៉ាងណាក៏ដោយ លោកសាស្ត្រាចារ្យរង បណ្ឌិត ង្វៀនក្វាងតឹន (Nguyen Quang Tuan) និងបណ្តាវេជ្ជបណ្ឌិតធ្វើការនៅមន្ទីរពេទ្យបេះដូងហាណូយ (Ha Noi) បានអនុវត្តន៍ការវះកាត់បេះដូងដោយប្រើជំនាញជាច្រើនប្រកបដោយជោគជ័យ និងក្លាយទៅជាស្ពានតភ្ជាប់រវាងអ្នកជំងឺនិងបច្ចេកទេសដ៏ទំនើប ស្មើនឹងបណ្តាប្រទេសជឿនលឿន ទន្ទឹមនឹងនេះ មធ្យោបាយព្យាបាលដ៏គុណភាពខ្ពស់និងប្រាក់ចំណាយតិចជាង ចំនៅក្នុងស្រុក មិនត្រូវការចេញទៅបរទេសទេ។
លោកសាស្ត្រាចារ្យរង បណ្ឌិត ង្វៀនក្វាងតឹន (Nguyen Quang Tuan) តំណាងរដ្ឋសភា នីតិកាល ១៤ នាយកមន្ទីរពេទ្យបេះដូងហាណូយ (Ha Noi)។ រូបថត៖ តឹតសើន នាសព្វថ្ងៃនេះ លោកសាស្ត្រាចារ្យរង បណ្ឌិត ង្វៀនក្វាងតឹន (Nguyen Quang Tuan) គឺអ្នកជំនាញ ឈរលំដាប់លេខមួយរបស់ប្រទេសវៀតណាមអំពី“ជំនាញផ្នែកបេះដូង”។ រូបថត៖ តឹតសើន លោកសាស្ត្រាចារ្យរង បណ្ឌិត ង្វៀនក្វាងតឹន (Nguyen Quang Tuan) ចុះសួរសុខទុក្ខអ្នកជំងឺម្នាក់ ដែលព្យាបាលនៅមន្ទីរពេទ្យបេះដូងហាណូយ (Ha Noi) ។ រូបថត៖ តឹតសើន លោកសាស្ត្រាចារ្យរង បណ្ឌិត ង្វៀនក្វាងតឹន (Nguyen Quang Tuan) អនុវត្តន៍ការវះកាត់បេះដូង នៅមន្ទីរពេទ្យបេះដូងហាណូយ (Ha Noi) ។ រូបថត៖ ឯកសារ |
នាឆ្នាំ២០១០ លោកតឹន (Tuan) បានទទួលពានរង្វាន់ "អ្នកប៉ិនប្រសប់នៅប្រទេសវៀតណាម"ក្នុងវិស័យសុខភិបាល ក្រោមប្រធានបទ “ជំនាញសរសៃបេះដូង តាមរយៈដាក់បំពង់បូម (ដាក់ stent)”។ ប្រធានបទនេះបានបើកផ្លូវថ្មីសំរាប់ផ្នែកបេះដូងនៅប្រទេសវៀតណាម បញ្ជូនផ្នែកព្យាបាលបេះដូងដោយជំនាញក្លាយទៅជាចំណុចស្រួចនៃវិស័យវិជ្ជាពេទ្យវៀតណាម ព្រមទាំងបញ្ជាក់ការទីតាំងរបស់វិជ្ជាពេទ្យវៀតណាមក្នុងតំបន់និងលើពិភពលោកផងដែរ។ ការព្យាបាលជំងឺបេះដូងជាជំនាញមួយក្នុងបណ្តាផ្នែកវិជ្ជាពេទ្យរបស់ប្រទេសវៀតណាម និងមានការរីកចំរើនស្មើនឹងជំនាញផ្នែកបេះដូង នៅបណ្តាប្រទេសអភិវឌ្ឍន៍។
នាសព្វថ្ងៃនេះ លោកសាស្ត្រាចារ្យរង បណ្ឌិត ង្វៀនក្វាងតឹន (Nguyen Quang Tuan) ជាប្រធានសមាគមន៍ព្យាបាលជំងឺបេះដូងដោយជំនាញនៅប្រទេសវៀតណាម ប្រធានសមាគន៍បេះដូងហាណូយ (Ha Noi) និងជាលោកគ្រូបង្រៀននៅមហាវិទ្យល័យវិជ្ជាពេទ្យហាណូយ (Ha Noi) សមាជិកក្នុងក្រុមណែនាំសមាគម៍ព្យាបាលជំងឺបេះដូងដោយជំនាញអាស៊ី - ប៉ាស៊ីហ្វិក (FAPSIC); …សមាជិកក្នុងសមាគមន៍ព្យាបាលជំងឺបេះដូងដោយជំនាញអាមេរិក (FSCAI) … |
លោកសាស្ត្រាចារ្យរង បណ្ឌិត ង្វៀនក្វាងតឹន (Nguyen Quang Tuan) បានចែករំលែកថា “នាសព្វថ្ងៃនេះ ជំងឺបេះដូងមិនត្រឹមតែជាជំងឺរបស់អ្នកមានតែប៉ុណ្ណោះ។ អ្នកក្រីក្រជាច្រើននាក់ក៏មានជំងឺនេះនិងគេត្រូវបានព្យាបាលជាបន្ទាន់...”
ហេតុនេះ លោកតឹន (Tuan) មានបំណងប្រាថ្នាថា មិនត្រឹមតែអនុវត្តន៍ការវះកាត់ជាច្រើនប្រកបដោយជោគជ័យតែប៉ុណ្ណោះ ជាងនោះទៀត លោកចង់ជួយបណ្តាខេត្ត ទីក្រុងកសាងមជ្ឈមណ្ឌលព្យាបាលបេះដូងដោយការជំនាញដែលទទួលស្តង់ដា ដើម្បីអ្នកជំងឺក្រីក្របានជិតខិតដល់បណ្តាឧបករណ៍វិជ្ជាពេទ្យដ៏ទំនើប រួមនឹងមានចំណេះដឹងក្នុងការកំណត់ជំងឺនិងព្យាបាលដោយបន្ទាន់។
នៅពេល ក្រសួងសុខាភិបាលបានសម្រចចិត្តមន្ទីរពេទ្យបេះដូងហាណូយ (Ha Noi) គឺក្លាយទៅជាមួយក្នុងបណ្តាមន្ទីរពេទ្យកណ្តាល លោកសាស្ត្រាចារ្យរង បណ្ឌិត ង្វៀនក្វាងតឹន (Nguyen Quang Tuan) និងវេជ្ជបណ្ឌិតឆ្នើមផ្សេងទៀតរបស់មន្ទីរពេទ្យបានធ្វើការនៅ ៣០ មន្ទីរពេទ្យរបស់ខេត្តនិងបណ្តាមន្ទីរពេទ្យនៅជាយទីក្រុងហាណូយ (Ha Noi) ដើម្បីផ្ទេរបច្ចេកវិទ្យានិងបច្ចេកទេស វិធានការព្យាបាលបណ្តាជំងឺបេះដូងសំដៅកាត់បន្ថយបរិមាណអ្នកជំងឺព្យាបាលក្នុងមន្ទីរពេទ្យកណ្តាល។
ក្នុងរយៈពេលឆ្នាំ២០១២ ដល់ ២០១៦ មន្ទីរពេទ្យបេះដូងហាណូយ (Ha Noi) បានផ្ទេរបច្ចេកវិទ្យាព្យាបាលជំងឺបេះដូងដោយជំនាញទៅដល់ប្រព័ន្ធមន្ទីរពេទ្យស្ថិតក្នុងភូមិសាស្ត្រ ៣០ ខេត្តទូទាំងប្រទេស។ ទន្ទឹមនឹងនេះ ការកសាងបណ្តាមជ្ឈមណ្ឌលបណ្តុះបណ្តាល ឃោសនាឲ្យប្រជាជនដឹងនូវរបៀបង្ការ ប្រឆាំងនឹងជំងឺបេះដូង រកឃើញនិងព្យាបាលជំងឺជាបន្ទាន់។ អាស្រ័យលើនេះ អ្នកជំងឺក្រីក្រជាច្រើននាក់ដែលរស់នៅបណ្តាខេត្ត ទីក្រុងមិនត្រឹមតែជិតខិតដល់ ព្យាបាលជំងឺបេះដូងជាបន្ទាន់តែប៉ុណ្ណោះ ថែមទាងមានចំណេះដឹងអំពីការធ្វើម្តេច ដើម្បីមានបេះដូងល្អ។
មិនត្រឹមតែចាប់ចិត្តពិសេសដោយជំនាញ ក្នុងតួនាទីគ្រប់គ្រង លោកសាស្ត្រាចារ្យរង បណ្ឌិត ង្វៀនក្វាងតឹន (Nguyen Quang Tuan) បាននាំមន្ទីរពេទ្យបេះដូងហាណូយក្លាយទៅជាមួយក្នុងបណ្តាមន្ទីរពេទ្យគំរូរបស់រដ្ឋធានី ក្នុងការអនុវត្តន៍បច្ចេកវិទ្យាគ្រប់គ្រងជឿនលឿនប្រកបដោយជោគជ័យ ជំរុញការកែទម្រង់រដ្ឋភិបាល បង្កើតបរិស្ថានធ្វើការល្អសំរាប់បុគ្គលិកនិងបង្កលក្ខណៈងាយស្រួលសំរាប់អ្នកជំងឺ។ ក្នុងមន្ទីរពេទ្យហាណូយ អ្វីៗត្រូវអនុវត្តន៍តាមទិសស្លោក៖ មន្ទីរពេទ្យរាក់ទាក់ សេវាកម្មល្អ បុគ្គលិកជិតស្និទ្ធនិងបី H គឺ Head, Hand Heart (ក្បាល ដៃ បេះដូង) មានន័យថាធ្វើការដោយប្រាជ្ញា ជំនាញខ្ពស់និងទឹកចិត្ត។ នាសព្វថ្ងៃនេះ មន្ទីរពេទ្យបេះដូងហាណូយ (Ha Noi) បាននិងកំពុងសហការនឹងមន្ទីរពេទ្យ Perigueux (ប្រទេសបារាំង)និងបណ្តាប្រទេសឈានមុខគេរបស់ប្រទេសកូរ៉េខាងត្បូង ប្រទេសជប៉ុន,...
ដោយការខិតខំប្រឹងប្រែងនិងផលទទួលបាននេះ ថ្មីៗនេះ លោកសាស្ត្រាចារ្យរង បណ្ឌិត ង្វៀនក្វាងតឹន (Nguyen Quang Tuan) បានចាត់តាំងជាសមាជិតរដ្ឋសភា នីតិកាល ១៤។ ក្នុងតំណែងជាតំណាងឲ្យប្រជាជន លោកមិនត្រឹមតែរួមចំណែកក្នុងគោលការណ៍របស់បក្ស រដ្ឋក្នុងវិស័យសុខាភិបាលតែប៉ុណ្ណោះទេ ថែមទាំងក្នុងបណ្តាវិស័យពាក់ពាល់ជាផ្ទាល់ដល់មនុស្ស ជៈឥទ្ធិពលដល់អនាគតរបស់ជនជាតិមួយ,...
លោកសាស្ត្រាចារ្យរង បណ្ឌិត ង្វៀនក្វាងតឹន (Nguyen Quang Tuan) អញ្ជើញចូលរួមក្នុងមហាសន្និសីទ “សមាគមន៏បេះដូងហាណូយ ”នីតិកាល៣។ រូបថត៖ ឯកសារ លោកសាស្ត្រាចារ្យរង បណ្ឌិត ង្វៀនក្វាងតឹន (Nguyen Quang Tuan) ចុះហេត្ថលេខាសហប្រតិបត្តិការរ វាងមន្ទីរពេទ្យហាណូយនិងមហាវិទ្យាល័យ Toulouse (ប្រទេសបារាំង)។ រូបថត៖ ឯកសារ លោកសាស្ត្រាចារ្យរង បណ្ឌិត ង្វៀនក្វាងតឹន (Nguyen Quang Tuan) ប្រគល់អំណោយដល់កូនសិស្សនៅ ខេត្តអៀនបាយ (Yen Bai)។ រូបថត៖ ឯកសារ លោកសាស្ត្រាចារ្យរង បណ្ឌិត ង្វៀនក្វាងតឹន (Nguyen Quang Tuan) ប្រគល់អំណោយដល់លោកគ្រូ អ្នកគ្រូនិងកូនសិស្ស ក្នុងភូមិសាស្ត្រស្រុសវិស្វៀន (Vi Xuyen) (ខេត្តហាយ៉ាង) (Ha Giang)។ រូបថត៖ ឯកសារ |
បំណងចង់បរិច្ចាក ស្មារតីស្វះស្វែងរៀនសូត្រដោយឥតឈប់ឈរ រួមនឹងចិត្តមនុស្សធម៌និងក្តីស្រឡាញ់អ្នកជំងឺ លោកសាស្ត្រាចារ្យរង បណ្ឌិត ង្វៀនក្វាងតឹន (Nguyen Quang Tuan) បានក្លាយទៅជាគំរូមួយចំពោះបណ្តាវេជ្ជបណ្ឌិតនិងគ្រូពេទ្យក្នុងផ្នែក ថែមទាំងបង្កើតកម្លាំងជំរុញសំរាប់អ្នកណាហ៊ានអនុវត្តន៍បំណងប្រាថ្នា ឧត្តមគតិនិងចង់រស់នៅដោយអត្ថន័យ ដូចជាទិសស្លោករស់នៅដែលលោកបានគិតគូរហើយ “ខ្ញុំដឹងខ្លួនតែរស់លើពិភពលោកនេះតែម្តងគត់។ ហេតុនេះបើសិនជាខ្ញុំចង់បង្ហាញមនោសញ្ចេតនារបស់ខ្លួនជាមួយអ្នកណា ឬធ្វើប្រការល្អប្រសើរមួយសំរាប់មនុស្សជុំវិញខ្ញុំ ខ្ញុំសូមបានធ្វើជាភ្លាមនៅពេលនេះ.”../
អត្ថបទ៖វិថាវ រូបថត៖ តឹតសើន