សារមន្ទីរវេជ្ជសាស្រ្តបូរាណវៀតណាម បានក្រុមហ៊ុន TNHH វេជ្ជសាស្រ្ត Fito Pharma កសាងនិងគ្រប់គ្រង ទើបមានឈ្មោះហៅផ្សេងថាសារមន្ទីរ FITO - FITO Museum។ Fito មានទំហំផ្ទៃដី៦០០ម៉ែត្រការ៉េ រួមមាន ជាន់ក្រោម និង៥ជាន់ខាងលើ ដោយមានបន្ទប់ចំនួន២៤បន្ទប់ ក្នុងនោះមានបន្ទប់ចំនួន១៦បន្ទប់ បានរចនាសមស្របនឹងបន្ទប់ប្រើដើម្បីតាំងបង្ហាញ នូវវត្ថុតាង ឧបករណ៍វេជ្ជសាស្រ្ត បម្រើភ្ញៀវទេសចរណ៍ទស្សនា។ ជាន់ខ្ពស់បំផុត គឺបន្ទប់ដែលមានទីសក្ការបូជាគ្រូដើមទាំងពីររូប នៃផ្នែកវេជ្ជសាស្រ្តវៀតណាម គឺលោកត្វែទិញនិងលោកហាយធឿងឡានអ៊ុង(ឡេហូវត្រាក)។ សងខាងនៃទីសក្ការបូជាមានព្យួរផ្លាកបូជា ធ្វើពីឈើលាបដោយពណ៌មាសយ៉ាងល្អឯក នៅលើនោះមានសរសេរកំណាព្យឆ្លងឆ្លើយ ស្តីពីគុណបំណាច់របស់លោកទាំងពីរ។ លើជញ្ជាំង សសរ ឬធ្នឹមរបស់អគារ បានរចនាដោយប្រព័ន្ធគំនូរចម្លាក់ សម្តែងសាឡើងវិញនូវសកម្មភាពក្នុង វេជ្ជសាស្រ្តបូរាណវៀតណាមយ៉ាងរស់រវើកនិងប្រណិត។
 ជ្រុងមួយនៃបរិយាកាសតាំងបង្ហាញវត្ថុតាងនានាស្តីពីវេជ្ជសាស្រ្តបូរាណវៀតណាម បានរក្សានិងតាំងបង្ហាញនៅក្នុងសារមន្ទីរ Fito។  បន្ទប់តាំងបង្ហាញឱសថអ្នកស្រុក ជាទីកន្លែងរក្សាមធ្យ័តនូវឱសថនៃវេជ្ជសាស្រ្តបូរាណវៀតណាម។  ឱសថស្ថានបានបង្កើតសាឡើងវិញមានភាពរស់រវើកនៅក្នុង Fito។  តាំងបង្ហាញកម្រងក្រឡត្រាំស្រាថ្នាំ ក្រឡបូរាណ។ល។សម្រាប់ប្រើត្រាំស្រាថ្នាំ។  ប្រភេទប៉ាន់ កំសៀវដាំថ្នាំមានអាយុកាលខុសពីគ្នាបានសារមន្ទីរ Fitoខិតខំប្រមូលនិងរក្សាទុកក្នុងសារមន្ទីរ។  បន្ទប់តាំងបង្ហាញកម្រងជញ្ជីងសម្រាប់ថ្លឹងឱសថ។  កម្រងប៉ាន់ ចាន សម្រាប់សិតថ្នាំ ដែលឆ្លងជាច្រើនសម័យកាល។  ជ្រុងមួយនៃបរិយាកាសតាំងបង្ហាញថ្នាំផ្នោរកម្រនៅក្នុងសារមន្ទីរ។  ក្នុងសារមន្ទីរ ភ្ញៀវទេសចរណ៍បានមគ្គទេសក៍សម្តែងឡើងវិញនូវវិធីច្នៃឱសថ។  ភ្ញៀវទេសចរណ៍បរទេសម្នាក់ស្វែងយល់ពីវត្ថុតាងដែលតាំងបង្ហាញស្តីពីវេជ្ជសាស្រ្តបូរាណវៀតណាមនៅក្នុងសារមន្តីរ។  ភ្ញៀវទេសចរណ៍បរទេសទស្សនានូវសកម្មភាពកើបថ្នាំព្យាបាលជម្ងឺ ក្នុងសារមន្តីរ។  រៀងរាល់ថ្ងៃសារមន្ទិរ Fitoទទួលភ្ញៀវមកទស្សនាជាងរាប់រយនាក់ ។ |
កត្តាសំខាន់បង្កើតតម្លៃរបស់សារមន្ទីរ Fito គឺដោយសារមានវត្ថុតាងកម្រជាង៣០០០វត្ថុ ដែលពាក់ព័ន្ធដល់វេជ្ជសាស្រ្តបូរាណវៀតណាម តាំងពីសម័យយុគ្គថ្មដល់សព្វថ្ងៃនេះ កំពុងបានតាងបង្ហាញនៅក្នុងបន្ទប់ផ្សេងៗគ្នា។ ភ្ញៀវទេសចរណ៍មកទស្សនាសារមន្ទីរ នឹងបានជួបប្រទះដោយផ្ទាល់ភ្នែក នៅកម្រងវត្ថុផ្សេងៗសម្រាប់ប្រើក្នុងវេជ្ជសាស្រ្តដូចជា៖ កាំបិតហាន់ថ្នាំ ឧបករណ៍កិនថ្នាំទៅជាម្សៅ។ល។ វត្ថុតាងនេះមានអាយុកាសប្រហែល២៥០០ឆ្នាំ សម្បូរបែបពីវត្ថុធាតុ ទំហំនិងរូបរាង។
នៅក្នុងទម្រង់រូបភាព “ផ្ទះថ្នាំបូរាណ” “ផ្ទះថ្នាំផ្នោរ” សុទ្ធតែបានលើកសម្តែងសាឡើងវិញដែលមានភាពរស់រវើក ក្នុងនោះមានរាប់រយមុខថ្នាំកម្រ។ ភ្ញៀវទេសចរណ៍អាចសាកល្បងដាំថ្នាំពីឧបករណ៍គំរូ ឬពាក់អាវផាយក្លែងខ្លួនជាគ្រូពេទ្យចាប់ជីពចរ ផ្សំថ្នាំជូនអ្នកជម្ងឺ ក៏ជាបទពិសោធន៍មួយយ៉ាងជក់ចិត្តដែរ។ ក្រៅពីនោះនៅមានកម្រងឧបករណ៍ អង្រែ ត្បាលកិន ជញ្ជីង កម្រងប្រភេទសត្វ រុក្ខជាតិ សម្រាប់ធ្វើថ្នាំ កម្រងប៉ាន់ កំសៀវដាំថ្នាំ និងក្រឡត្រាំស្រាថ្នាំ នៅក្នុងវេជ្ជសាស្រ្តបូរាណវៀតណាម។
ក្រៅពីឧបករណ៍ស្តីពីវេជ្ជសាស្រ្ត នៅលើជញ្ជាំងឈើ នៃជាន់ទី៤របស់សារមន្ទីរ Fito គឺជាស្នាដៃឆ្លាក់លើឈើដ៏ប្រណិតមួយដែលមានឈ្មោះ “វៀតណាមរយគ្រូពេទ្យ” ឆ្លាក់ឈ្មោះគ្រូពេទ្យដ៏ល្បីឈ្មោះទាំង១០០រូបដែលរួមចំណែកយ៉ាងធំ ក្នុងវេជ្ជសាស្រ្តបូរាណវៀតណាម ចាប់ពីសតវត្សរ៍ទី១២ដល់សតវត្សរ៍ទី២០។ ទូសៀវភៅមួយសម្រាប់រក្សានូវក្បូនខ្នាតបូរាណពីវេជ្ជសាស្រ្ត នៅរក្សាបានច្បាប់ដើម ដែលសរសេរដោយភាសាហាន-ណុម រូមមានសៀវភៅកម្រជាច្រើនរបស់គ្រូពេទ្យល្បីវៀតណាម នេះជាសម្បត្តិមួយដ៏មានតម្លៃ។ “មិននឹកស្មានដល់និងភ្ញាក់ផ្អើល នៅពេលបានឃើញផ្ទាល់ភ្នែកនូវវត្ថុតាងពិសេសទាំងនេះ។ វាជូយឲ្យខ្ញុំមានទស្សនវិស័យប្លែក អំពីវេជ្ជសាស្រ្តបូរាណវៀតណាម” Anna ជាភ្ញៀវទេសចរណ៍ជនជាតិអាមេរិកម្នាក់ក្នុងក្រុមអ្នកមកទស្សនាឲ្យដឹង។
 រូបចម្លាក់គ្រូពេទ្យល្បី ឡេហូវត្រាក់ ជាអ្នកដែលបានចាត់ទុកថាជាគ្រូដើមរបស់ផ្នែកវេជ្ជសាស្រ្តវៀតណាមនៅក្នុងសារមន្ទីរ។  លើជញ្ជាំង សសរ ធ្នឹមរបស់ Fito គំនូរចម្លាក់សម្តែងឡើងវិញនូវសកម្មភាពក្នុងវេជ្ជសាស្រ្តបូរាណវៀតណាមយ៉ាងរស់រវើកនិងប្រណិត។  ចំណុចសកម្មភាពព្យាបាលជម្ងឺមួយ ដោយវិធីសាស្រ្តចាក់ម្ជុល ចាប់ជីពចរ បានសម្តែងឡើងវិញយ៉ាងជាក់ស្តែង។  កម្រងប្រដាប់កិនថ្នាំដែលមានអាយុកាលប្រហែល២៥០០ឆ្នាំនៅក្នុងសារមន្ទីរ Fito  ទូរក្សាទុកនូវក្បួនខ្នាតបូរាណពីវេជ្ជសាស្រ្ត នៅរក្សាបានច្បាប់ដើមដែលសរសេដោយភាសាហាន-ណុម ក្នុងនោះមានសៀវភៅកម្រជាច្រើនរបស់គ្រូពេទ្យល្បីវៀតណាមទាំងឡាយ។  ឈុតកាំបិតហាន់ថ្នាំ ប្រដាប់កិនថ្នាំ ដែលមានអាយុកាលប្រហែល២៥០០ឆ្នាំនៅក្នុងសារមន្ទីរ Fito។  ផ្ទាំងគំនូរនៅក្នុង Fito បានចម្លាក់បង្ហាញសាឡើងវិញ នៅសកម្មភាពច្នៃឱសថនៃវេជ្ជសាស្រ្តបូរាណជនជាតិ។  ស្នាដៃចម្លាក់លើឈើ "វៀតណាមរយគ្រូពេទ្យ" ឆ្លាក់ឈ្មោះគ្រូពេទ្យល្បីទាំង១០០រូប ដែលរួមចំណែកយ៉ាងធំក្នុងវេជ្ជសាស្រ្តបូរាណវៀតណាម ចាប់ពីសតវត្សរ៍ទី១២ដល់ សតវត្សរ៍ទី២០។  ប្រអប់ស្លាម្លូក៏បានរក្សាទុកនៅក្នុងសារមន្ទីរ។  ក្បូរក្បាច់រចនាដែលតុបតែងនៅក្នុងសារមន្ទីរក៏បានថែរក្សាយ៉ាងហ្មត់ចត់ដែរ។ |
មុនពេលត្រឡប់ទៅវិញ ក្រុមអ្នកទេសចរណ៍នៅបានពិសាតែដោយឥតគិតថ្លៃ ដែលមានប្រភពពីដើមឈើថ្នាំក្នុងបរិយាកាសស្រស់ស្រាយនៃក្លិនក្រអូបឈើថ្នាំសាយភាយ បង្កើតឲ្យមនុស្សយើងមានអារម្មណ៍ស្រស់ថ្លា៕
អត្ថបទ៖ សើនងៀ រូបថត៖ ង្វៀនឡឹន
