នាព្រឹកថ្ងៃទី២៦ ខែមិនា ឆ្នាំ២០១៧ នៅមហាវិទ្យាល័យគរុកោសល្យទីក្រុងហូជីមិញ បាន ប្រព្រឹត្តទៅកម្មវិធី “និស្សិតគរុកោសល្យជាមួយកោះសមុទ្រមាតុប្រទេស” ដោយមានការ ចូលរួមរបស់និស្សិតយ៉ាងច្រើនកុះករ។កញ្ញា Luu Tuyet Tran និស្សិតឆ្នាំទី១នៃមហាវិទ្យាល័យគរុកោសល្យទីក្រុងហូជីមិញបានចែករំលែកថា៖
“នាងខ្ញុំគិតថា សម្ព័ន្ធសមាគមន៍យុវជនជាបរិយាកាសល្អណាស់ ដោយមានសកម្មភាពប្រយោជន៍ជាច្រើន។ ថ្ងៃនេះមានមិត្តជាច្រើនត្រូវ បានលើកតម្កើងជានិស្សិតគំរូ។ ប្រការនេះលើកទឹកចិត្តឲ្យផ្ទាល់ ខ្ញុំខំប្រឹងប្រែងសិក្សារៀនសូត្រថែមទៀត។”
ការរត់អូឡាំពិកដើម្បីសុខភាពប្រជាជនទាំងមូលត្រូវបានរៀបចំឡើងសំដៅរំលឹកខួបលើកទី៨៦ទិវាបង្កើតសម្ព័ន្ធសមាគមន៍យុវជនកុម្មុយនីស្តហូជីមិញ
នាព្រឹកថ្ងៃនេះដែរ នៅទីក្រុង Yen Bai ខេត្ត Yen Bai ប៉ែកខាងជើងវៀតណាម បានប្រព្រឹត្តទៅទិវារត់អូឡាំពិកក្រោមប្រធានបទ “ដើម្បីសុខភាពប្រជាជនទាំងមូល” ទិវាបុណ្យយុវជនថ្នាក់ខេត្ត និងទិវាបុណ្យសុវត្ថិភាពចរាចរណ៍ ដោយមានសកម្មភាគួរឲ្យទាក់ទាញដ៏សម្បូរបែប។សិស្សានុសិស្ស និស្សិត កម្មាភិបាល កម្មករ និងប្រជាជនទីក្រុង Yen Bai ប្រមាណ៦ពាន់នាក់ បានចូលរួមបណ្ដាសកម្មភាពនេះ។ លោកLương Mạnh Hà លេខាអចិន្ត្រៃរងសម្ព័ន្ធសមាគមន៍យុវជន ខេត្ត Yên Bái បានឲ្យដឹងថា៖
“បណ្ដាសកម្មភាពក្នុងឱកាសរំលឹកខួបទិវា បង្កើតសម្ព័ន្ធសមាគមន៍យុវជននេះ នាំមកនូវអត្ថប្រយោជន៍ជាក់ស្ដែង ចំពោះយុវជនគ្រប់រូប។ នេះក៏ជាឱកាសដើម្បី ប្រមូលផ្ដុំទាក់ទាញមិត្តវ័យក្មេងចូលរួម សកម្មភាពដ៏សប្បាយអ៊ូអរដើម្បីលើកទឹកចិត្តគេសិក្សារៀនសូត្រ និងបំពេញការងារឲ្យបានល្អថែមទៀតផងដែរ”៕
តាម VOV5 - វិទ្យុសំឡេងវៀតណាម