រូបថត
“មេបញ្ជាការ” មន្ទីរពេទ្យយោធា ១០៣ និងកំណត់សម្គាល់ក្នុងប្រវត្តិសាស្រ្តវះកាត់ផ្សាំសរីរាង្គនៅប្រទេសវៀតណាម
បំពាក់លើខ្លួននូវអាវពីរពណ៌ ដូច្នេះហើយ ចរិតលក្ខណៈរបស់ លោកឧត្តមសេនីយ៍ត្រី និងជាសាស្រ្តាចារ្យរង បណ្ឌិត គ្រួពេទ្យប្រជាជន ហ្វងម៉ាញ់អាន និងជានាយកមន្ទីរពេទ្យយោធា១០៣ តែងតែមានស្មារតីពីរ នោះគឺវិរៈអង់អាចរបស់នាយទាហានពាក់អាវពណ៌ខៀវម្នាក់ និងបេះដូងសប្បុរសធម៌របស់គ្រូពេទ្យពាក់អាវពណ៌ស។ ជីវិតគ្រូពេទ្យគួរជាទីគោរពនេះ បានផ្សារភ្ជាប់នឹងករណីវះកាត់ប្រវត្តិសាស្រ្តនៃផ្នែកវះកាត់ផ្សាំសរីរាង្គនៅវៀតណាម។
ផ្នែកវះកាត់ផ្សាំសរីរាង្គរបស់វៀតណាម បានកត់សម្គាល់ តាំងពីការវះកាត់ផ្សាំក្រលៀនបានជោគជ័យជាលើកដំបូងបង្អស់ មុននេះជាងមួយទស្សវត្សរ៍ហើយ។ ប៉ុន្តែ នៅថ្ងៃ១ខែមិនាឆ្នាំ២០១៤ ផ្នែកវះកាត់សរីរាង្គផ្សាំសរីរាង្គវៀតណាម កំណត់ត្រាបន្ថែមនូវព្រឹត្តិការណ៍មួយទៀត ដែលមានលក្ខណៈជាប្រវត្តិសាស្រ្តថ្មី នោះគឺករណីវះកាត់ផ្សាំពហុសរីរាង្គ (ក្រលៀន-លំពែង) ដំបួងបង្អស់បានអនុវត្តជោគជ័យ គូសបញ្ជាក់ ពីការឡើងមួយកំរិតថ្មីទៀត ឲ្យផ្នែកវះកាត់ផ្សាំសរីរាង្គរបស់វៀតណាម។ នេះគឺជាបច្ចេកទេសមួយយ៉ាងស្មុគស្មាញ ហើយសព្វថ្ងៃមានតែប្រទេសមួយចំនួន លើពិភពលោកអនុវត្តបាន។
ដូច្នេះហើយ យើងខ្ញុំបានទៅជួបលោកឧត្តមសេនីយ៍ត្រី ហ្វាងម៉ាញអាន “មេបញ្ជាការ” ក្នុងករណីវះកាត់ប្រវត្តិសាស្រ្តនេះ ដើម្បីបានស្តាប់ និងស្វែងយល់អំពីការលំបាក និងក្តីអង់អាចក្លាហានរបស់លោក ដែលបង្កើតបានឡើងមួយកំរិតថ្មីទៀតឲ្យ ផ្នែកវះកាត់ផ្សាំសរីរាង្គវៀតណាម។
លោកឧត្តមសេនីយ៍ត្រី ហ្វាងម៉ាញអាន -“មេបញ្ជាការ” ក្នុងករណីវះកាត់ឲ្យដឹងថា៖ អ្នកទទួលការវះកាត់ផ្សាំពហុសរីរាង្គ គឺលោកអនុសេនីយ៍ឯកបំរង ផាមថៃហ្វៀន ជាយុទ្ធជនកំពុងបំពេញបេសកកម្មនៅគណៈបញ្ជាការយោធា នៃខេត្តសើនឡា។ លោកហ្វៀនមានជម្ងឺទឹកនោមផ្អែម ដែលមានអាការៈរោគធ្ងន់ធ្ងរ បង្កឲ្យខ្សោយក្រលៀនកម្រិតទី២ មិនអាចគ្រប់គ្រងបានកម្រិតស្ករនៅក្នុងឈាម សន្លប់ ហើយត្រូវនាំចូលមន្ទីរពេទ្យសម្រាកព្យាបាលជាប្រចាំ។ ហេតុដូច្នោះហើយ លោករួមនឹងសមូហភាពនៃអ្នកឯកទេសពូកែរបស់មន្ទីរពេទ្យ១០៣ បានដាក់ចេញផែនការចំនួន ៣ សំរាប់បំរើឲ្យករណីវះកាត់ដ៏សំខាន់នេះ នោះគឺ៖ អញ្ជើញអ្នកឯកទេសរបស់ជប៉ុន និងប៊ែលហ្សិកមកកាន់ប្រទេសវៀតណាម អនុវត្តករណីវះកាត់ផ្សាំសរីរាង្គ ខណៈដែលមានប្រភពសរីរាង្គបរិច្ចាគ សហការជាមួយមជ្ឈមណ្ឌលវះកាត់ផ្សាំសរីរាង្គ លំដាប់ថ្នាក់ទូទាំងប្រទេសរួមអនុវត្ត និងផែនការចុងក្រោយបង្អស់ គឺក្រុមវេជ្ជសាស្រ្ត គ្រូពេទ្យរបស់មន្ទីរពេទ្យ១០៣អនុវត្តការវះកាត់ផ្សាំសរីរាង្គដោយផ្ទាល់ខ្លួនឯង។
លោកសាស្រ្តាចារ្យរង បណ្ឌិត ហ្វាងម៉ាញអាន ជានាយកមន្ទីរពេទ្យយោធា១០៣ ជំនាញចំបងផ្នែកខាងវះកាត់ផ្សាំសរីរាង្គរបស់វៀតណាម។រូបថត៖ ទ្រីញវ៉ាន់ប៊ូ លោកឧត្តមសេនីយ៍ត្រី ហ្វាងម៉ាញអាន អធិបតីកិច្ចប្រជុំផ្លាស់ប្តូរឯកទេសនៅក្នុងមន្ទីរពេទ្យយោធា១០៣។ រូបថត៖ ឯកសារ លោកឧត្តមសេនីយ៍ត្រី ហ្វាងម៉ាញអានចូលរួមបរិច្ចាគឈាមនៅទិវាស្មគ្រចិត្តបរិច្ចាគឈាម។ រូបថត៖ ឯកសារ លោកសាស្រ្តាចារ្យរង បណ្ឌិត ហ្វាងម៉ាញអាន ក្នុងដំណើរទៅពិនិត្យព្យាបាលជម្ងឺជូនបងប្អូនជនជាតិភាគតិចនៅតំបន់ភ្នំក្នុងឃុំមឿងវ៉ា ស្រុកសូបកូប ខេត្តសើនឡា។ រូបថត៖ ឯកសារ |
យ៉ាងណាមិញ នៅវៀតណាមសព្វថ្ងៃ នៅមិនទាន់ម្ចាស់ការបានប្រភពសរីរាង្គ។ ព្រោះហេតុនោះហើយ ពេលមានភព្វសំណាងបានប្រភពសរីរាង្គបរិច្ចាគ ពីមនុស្សស្លាប់ចៃដន្យម្នាក់ដោយគ្រោះថ្នាក់ចរាចរណ៍ ដែលកំពុងសង្រ្គោះបន្ទាន់នៅក្នុងមន្ទីរពេទ្យ ផែនការទីមួយ គឺមិនអាចអនុវត្តបានដោយពេលវេលាចាំយូរពេក ប្រភពសរីរាង្គនឹងមិនអាចប្រើប្រាស់បានទៀត។ ប៉ុន្តែបើមិនមានអ្នកឯកទេសបរទេស តាមផែនការដាក់ចេញគឺលំបាកនិងគ្រោះថ្នាក់ណាស់។ ដោយសារការវះកាត់ផ្សាំក្រលៀន-លំពែង គឺជាករណីមួយក្នុងចំណោមករណីវះកាត់ផ្សាំពិបាកបំផុត នៃការវះកាត់ផ្សាំពហុសរីរាង្គ។ ប្រឈមមុខនឹងស្ថានភាពជាក់ស្តែង និងគ្រោះថ្នាក់នេះ សាស្ត្រាចារ្យរង ហ្វាងម៉ាញអាន បានប្តេជ្ញាចិត្តប្រថុយប្រថានមួយ នោះគឺអនុវត្តតាមផែនការទីបី គឺក្រុមវេជ្ជសាស្រ្ត គ្រូពេទ្យរបស់មន្ទីរពេទ្យ១០៣ អនុវត្តការវះកាត់ផ្សាំសរីរាង្គនេះដោយខ្លួនឯង។
ករណីពីរដែលបានដាក់ចេញ ពេលសម្រេចចិត្តវះកាត់នោះគឺ បើការវះកាត់ផ្សាំបានជោគជ័យ អ្នកជម្ងឺមានឱកាសរស់រៀនមានជីវិត ប្រសិនបើការវះកាត់បរាជ័យ គឺអ្នកជម្ងឺត្រូវចូលមន្ទីរពេទ្យជាប្រចាំ ដើម្បីដំណើរការប្រតិកម្មក្រលៀនសិប្បនិម្មិត ហើយអាចបាត់បង់ជីវិតនៅគ្រប់ពេលបាន។ “កំណត់បានប្រការនោះ ទើបយើងខ្ញុំអនុវត្តការវះកាត់ ដោយប្តេជ្ញាចិត្តមិនមែន១០០%ទេ គឺ១២០%ឯណោះ។ ពីព្រោះបើការវះកាត់បរាជ័យ គឺយើងខ្ញុំមិនអាចវះកាត់ផ្សាំសរីរាង្គ ឲ្យករណីទីពីរបាន” លោកសាស្រ្តាចារ្យរង ហ្វាងម៉ាញអាន សំណេះសំណាល។
ប្រហែលដោយសារមានស្មារតីនិងភារកិច្ចខ្ពស់ រួមនឹងគោលបំណងអ្នកជម្ងឺ ចង់វិលត្រឡបមកកាន់ជីវភាពរស់នៅជាធម្មតាដូចមនុស្សរាល់គ្នា ទើបលោកសាស្រ្តាចារ្យរង ហ្វាងម៉ាញអាន រួមនឹងក្រុមវេជ្ជសាស្រ្ត គ្រូពេទ្យ ចំនួន១៥០នាក់របស់មន្ទីរពេទ្យយោធា១០៣ បានអនុវត្តជោគជ័យករណីវះកាត់ជាប្រវត្តិសាស្រ្តនេះ ក្រោយ១៣ម៉ោងវះកាត់ (ពីម៉ោង៣ព្រឹកដល់៤រសៀលក្នុងថ្ងៃ)។ ក្រុមវេជ្ជសាស្រ្ត ហាក់ដូចជារំជួលចិត្តនិងក្តីសប្បាយរីករាយក្រោយពេលបញ្ចប់ការវះកាត់។
ប៉ុន្តែសម្ពាធការងារមិនទាន់បញ្ឈប់នៅត្រឹមនេះទេ បីថ្ងៃក្រោយ ករណីវះកាត់ និងសុខភាពរបស់បង ហ្វៀន ចាប់ផ្តើមបញ្ចេញអាការៈធ្ងន់ធ្ងរឡើងដូចជា៖ រលាកលំពែងធ្ងន់ អង់ស៊ីមលំពែងកើនឡើង ភ្នាសពោះ ភ្នាសសួតមានទឹក។ល។
ចំពោះស្ថានភាពនេះ មន្ទីរពេទ្យត្រូវរៀបចំគ្រូពេទ្យប្តូរវេនគ្នាចាំថែទាំអ្នកជម្ងឺ។ សកម្មភាពរោគសញ្ញាប្រព្រឹត្តទៅហាក់ដូចជាមិនស្រាកស្រាន្តសោះ។ លោកសាស្រ្តាចារ្យរង ហ្វាងម៉ាញអាន នឹកឡើងពីអតីត៖ “ក្នុងអំឡុងបីខែក្រោយពីការវះកាត់ គ្រូពេទ្យធ្វើការតែងមានភាពតានតឹន ពេលណាក៏យាមចាំថែទាំអ្នកជម្ងឺ២៤/២៤ទាំងអស់។ បើសិនជាមានការធ្វេសប្រហែសតែបន្តិច អ្នកជម្ងឺអាចស្លាប់គឺគុណបំណាច ដែលអនុវត្តការវះកាត់ផ្សាំត្រូវបាត់បង់សោះសូន្យទៅ”។
លោកសាស្រ្តាចារ្យរង ហ្វាងម៉ាញអាន ក្នុងករណីវះកាត់ផ្សាំសរីរាង្គនៅក្នុងមន្ទីរពេទ្យយោធា១០៣។ រូបថត៖ ទ្រីញវ៉ាន់ប៊ូ លោកសាស្រ្តាចារ្យរង ហ្វាងម៉ាញអាន អនុវត្តការវះកាត់ផ្សាំក្រលៀនដោយផ្ទាល់នៅក្នុងមន្ទីរពេទ្យយោធា១០៣។ រូបថត៖ ទ្រីញវ៉ាន់ប៊ូ ករណីវះកាត់ផ្សាំបេះដូងដំបូងបង្អស់នៅវៀតណាម បានអនុវត្តក្នុងមន្ទីរពេទ្យយោធា១០៣។ រូបថត៖ ឯកសារ លោកសាស្រ្តាចារ្យរង ហ្វាងម៉ាញអាន ទៅសួរសុខទុក្ខអ្នកជម្ងឺ ទើបឆ្លងកាត់ការវះកាត់ផ្សាំសរីរាង្គ។ រូបថត៖ ឯកសារ ទោះបីមានការមមាញឹកក្នុងការងារឯកទេសនិងការគ្រប់គ្រង ប៉ុន្តែលោកនៅឆ្លៀតពេលវេលា តាមដានស្ថានភាពបណ្តាអ្នកជម្ងឺដែលកំពុងព្យាបាលនៅក្នុងមន្ទីរពេទ្យនេះ។ រូបថត៖ ឯកសារ |
ពេលស្តាប់សម្តីលោកសាស្រ្តាចារ្យរង ហ្វាងម៉ាញអាន បរិយាយនូវដំណើរការអនុវត្តការវះកាត់ យើងខ្ញុំមានអារម្មណ៍ថា ដូចជាសង្រ្គាមនៅលើសមរភូមិមួយជាមួយលោក “មេបញ្ជាការ” នោះគឺលោកសាស្រ្តាចារ្យរង ហ្វាងម៉ាញអាន ឯគ្រូពេទ្យទាំងឡាយគឺជានាយទាហាន យុទ្ធជន កំពុងតែប្រយុទ្ធនៅលើសមរភូមិវេជ្ជសាស្រ្ត ដើម្បីដណ្តើមយកនូវជីវិតជូនអ្នកជម្ងឺ។ ដូច្នេះហើយរាល់សកម្មភាពនៃការវះកាត់សុទ្ធតែប្រព្រឹត្តទៅយ៉ាងម៉ឹងម៉ាត់ មានវិន័យត្រូវតាមរចនាបទនិងវិន័យរបស់នាយទាហាន។
ក្រោយការខិតខំប្រឹងប្រែងមិនបង្អង់នេះ ករណីវះកាត់ផ្សាំពហុសរីរាង្គដំបូងនេះ ក៏បានសម្រេចជោគជ័យ នាំមកក្តីមោទនភាព មិនមែនសម្រាប់តែក្រុមគ្រូពេទ្យ នៃមន្ទីរពេទ្យយោធា១០៣ប៉ុណ្ណោះទេ គឺរួមទាំងផ្នែកវេជ្ជសាស្រ្តវៀតណាមទាំងមូលទៀតផង។ ក្តីមោទនភាពមួយពោរពេញដោយតម្លៃមនុស្សសាស្រ្ត ក្នុងនោះអ្នកផ្តើមប្រភពនៃតម្លៃនេះ គ្មានអ្នកណាផ្សេងក្រៅពីលោកគ្រូពេទ្យប្រជាជន ហ្វាងម៉ាញអាន។
មុននោះ នៅឆ្នាំ២០១០ លោកក៏បានរៀបចំនិងចូលរួមអនុវត្តជោគជ័យ នូវករណីវះកាត់ផ្សាំបេះដូងដំបូងបង្អស់នៅវៀតណាម។ ករណីវះកាត់ផ្សាំនេះ ក៏បង្កើតបានគន្លឹះសំខាន់ គូសបញ្ជាក់ពីការអភិវឌ្ឍន៍មិនចេះឈប់របស់ផ្នែកវះកាត់ផ្សាំសរីរាង្គវៀតណាម។
អាវពីរពណ៌ ក្នុងតំណែងពីរ ទោះបីជានាយទាហានឬគ្រូពេទ្យ សាស្រ្តាចារ្យរង បណ្ឌិត គ្រូពេទ្យប្រជាជន ហ្វាងម៉ាញអាន សុទ្ធតែបន្សល់ស្លាកស្នាមទុកនៅក្នុងចិត្តអ្នករួមការងារនិងអ្នកជម្ងឺ។ ស្លាកស្នាមនោះគឺ ទេពកោសល្យ អស់ពីចិត្តពីថ្លើមជាមួយនឹងការងារ និងទាំងចរិតនាយទាហានដ៏ក្លាហាន ម៉ឹងម៉ាត់ ជានិច្ចពុះកញ្រ្ជោលក្នុងលោហិតរបស់លោក៕
អត្ថបទ៖ ថាវវី រូបថត៖ ទ្រីញវ៉ាន់ប៊ូនិងឯកសារ
thachdicon