ល្បីឈ្មោះតាំងពីយូរលង់មកហើយ ពួជមាន់ដុងតាវដែលគេចាត់ទុកដូចជាអំណោយសំរាប់ពិធីបុណ្យធំៗនិងពិធីបុណ្យចូលឆ្នាំថ្មីប្រពៃណីជាតិ ដែលមានសាច់រសជាតិឆ្ងុយឆ្ងាញ់ ដោយមានរាងកាយចំឡែកពីជើងដល់ក្បាល។ នាសព្វថ្ងៃនេះគ្រួសារជាច្រើនក្នុងឃុំដុងតាវ (ស្រុកខោវចូវ ខេត្តហ៊ឹងអៀន) បានអភិវឌ្ឃន៍ទម្រង់រូបភាពចិញ្ចឹមមាន់ដុងតាវក្នុងចំការ ហើយអាចផ្តល់ប្រាក់ចំណូលឲ្យសេដ្ឋកិច្ចគ្រួសារ។
យើងខ្ញុំមកទស្សនាកសិដ្ឋានចិញ្ចឹមមាន់ដុងតាវហាក្វឹន នាខណៈពេលបណ្តាថ្ងៃជិតឈានមកដល់ពិធីបុណ្យចូលឆ្នាំប្រពៃណីជាតិ ឆ្នាំ២០១៦ ។ តាមបងង្វៀនវ៉ាន់ក្វឹន ជាម្ចាស់កសិដ្ឋាននេះ នៅពេលដំបូងបងគ្រាន់តែចង់ទិញពូជមាន់នេះចំនួន ១៧ ក្បាលតែប៉ុណ្ណោះ ដើម្បីចិញ្ចឹមដោយការចូលចិត្ត ប៉ុន្តែបន្ទាប់មកបងបានដើររកទិញពូជមាន់នេះជាច្រើន បងមានគំនិតធ្វើសេដ្ឋកិច្ចដោយទម្រង់រូបភាពចិញ្ចឹមពូជមាន់នេះ។ នាឆ្នាំ ២០០៨ គ្រួសារបងក្វឹនចាប់ផ្តើមធ្វើសេដ្ឋកិច្ចចិញ្ចឹមមាន់ដុងតាវ ហើយទទួលប្រាក់ចំណូលលើកដំបូងចំនួន ៣០ លានវៀតណាមដុង។
នាំយើងខ្ញុំទៅទស្សនាកសិដ្ឋានចិញ្ជឹមមាន់ដុងតាវរាប់សិបទ្រុងចិញ្ចឹមនៅផ្ទះ បងក្វឹនបានចែករំលែកពីបច្ចេកទេសចិញ្ចឹមមាន់និងទ្រុងមាន់ដុងតាវ។ ទ្រុងសំរាប់ពូជមាន់នេះមានកម្ពស់ល្អបំផុតចាប់ពី ២,៥ ដល់ ៣,៥ ម៉ែត្រ ខឿននៃទ្រុងមានកម្ពស់ប្រមាណ ៣០- ៥០សង់ទីម៉ែត្រ ដើម្បីរក្សាកំដៅសំរាប់មាន់នាពេលអាកាសធាតុត្រជាក់។