ចំថ្ងៃដើមឆ្នាំថ្មី ថ្នាក់ដឹកនាំរដ្ឋាភិបាល បានអញ្ជើញទៅទស្សនា និងចុចប៉ោតុងបើកដំណើរការគម្រោងការផលិតកសិកម្មបច្ចេកវិទ្យាខ្ពស់មួយ ដោយសម្ពន្ធក្រុមហ៊ុនសេដ្ឋកិច្ចឯកជនលំដាប់ថ្នាក់របស់វៀតណាម បានវិនិយោគផលិតកម្ម នៅខេត្តហាណាម (Ha Nam) សឲ្យឃើញនូវទឹកប្តេជ្ញាជាខ្លាំង របស់រដ្ឋាភិបាល ក្នុងការងារជម្រុញស្រាយចំណង បង្កអភិវឌ្ឍន៍កសិកម្មតាមទិសដៅខឿនកសិកម្មវៀងវៃ កសិកម្មបច្ចេកវិទ្យាខ្ពស់...។ល។
បានដឹងថា គម្រោងការផលិតកសិកម្មបច្ចេកវិទ្យាខ្ពស់ ដោយសម្ពន្ធក្រុមហ៊ុន Vingroup វិនិយោគផលិតកម្ម នៅឃុំស្វឹនខេ (Xuân kKhe) និងឃុំញ៉ឹនប៊ិញ (Nhan Binh) ស្រុកលីញ៉ឹន (Ly Nhan) ខេត្តហាណាម (Ha Nam) មានផ្ទៃដី១៨០ហិកតា ដោយសរុបដើមទុនវិនិយោគជិត៣០០ពាន់លានដុង ក្នុងនោះមានតំបន់វាលស្រែធំទូលាយជិត១៣០ហិកតា តំបន់ផ្ទះកញ្ចក់ Israel បច្ចេកវិទ្យាខ្ពស់ មាន ទំហំ៥ហិកតា និងតំបន់ឧបត្ថម្ភជំនួយផលិតកម្ម។ នេះជាកសិដ្ឋានមួយក្នុងចំណោមកសិដ្ឋានទាំង១៤ របស់ VinEco ចំណុះសម្ពន្ធក្រុមហ៊ុន Vingroup។
ថ្លែងសុន្ទរកថាក្នុងពិធីបើកដំណើរការគម្រោងការកសិកម្មបច្ចេកវិទ្យាខ្ពស់នេះ លោកនាយករដ្ឋមន្រ្តី ង្វៀនស្វឹនភុក (Nguyen Xuan Phuc) មានប្រសាសន៍ជាក់ស្តែងថា កសិកម្មវៀតណាមជានិច្ចជាកាលជា “សសរទ្រូងទ្រទ្រង់ខឿនសេដ្ឋកិច្ច" របស់ប្រទេសជាតិ។ ដោយសារស្មារតីស្រាយចំណងបើកជំហឲ្យផលិតកម្ម ពីប្រទេសមួយតែងតែកង្វះខាតអត់ឃ្លាន រៀងរាល់ឆ្នាំត្រូវនាំស្បៀងចូលរាប់លានតោន វៀតណាមមិនត្រឹមតែធានាបានសន្តិសុខស្បៀង ប៉ុណ្ណោះទេ ថែមទាំងក្លាយទៅជាប្រទេសនាំចេញអង្ករធំលេខបីលើពិភពលោក។
ទន្ទឹមនោះ កសិកម្មរបស់វៀតណាម បច្ចុប្បន្នរងទទួលឥទ្ធិពលខ្លាំងពីការបម្រែបម្រួលអាកាសធាតុ ហើយនៅជាខឿនកសិកម្មមួយដែលត្រូវចំណាយប្រាក់យ៉ាងច្រើន ជីវភាពប្រជាកសិករមិនទាន់បានខ្ពស់។ នៅមានស្ថានភាពកង្វះសុវត្ថិភាពស្បៀងអាហារ វប្បកម្មហួសសម័យ ស្រូវនៅតែស្រូបយកភាពចម្បង នាំចេញអង្ករជានិច្ចជួបការលំបាក ប្រសិទ្ធភាពមិនទាន់បានខ្ពស់។
លោកនាយករដ្ឋមន្រ្តីឲ្យដឹងថា កសិកម្មវិវត្តន៍ត្រូវជាកសិកម្មសារីរាង្គ កសិកម្មស្អាត ឈ្លាសវៃតាមតម្រូវការទីផ្សារ ឆ្ពោះទៅរកប្រជាជននិង នាំចេញធំបំផុតគឺ បន្លែ បន្លែមើម សត្វចិញ្ចឹម។
លោកនាយករដ្ឋមន្រ្តី ង្វៀនស្វឹនភុក (Nguyen Xuan Phuc) បានអញ្ជើញទៅចូលរួមពិធីបើកដំណើរការផលិតកសិកម្ម
អនុវត្តបច្ចេកវិទ្យាខ្ពស់ នៅកសិដ្ឋាន VinEco ហាណាម (Ha Nam) នៅឃុំស្វឹនខេ (Xuan Khe) ស្រុកលីញ៉ឹន (Ly Nhan)
ខេត្តហាណាម (Ha Nam)។ រូបថត៖ ថុងញ៉ឹត/ទីភ្នាក់ងារសារព័ត៌មានវៀតណាម
លោកនាយករដ្ឋមន្រ្តី ទស្សនាតំបន់ដាំបន្លែបច្ចេកវិទ្យាខ្ពស់ របស់កសិដ្ឋាន VinEco ហាណាម (Ha Nam)។
រូបថត៖ ថុងញ៉ាត/ទីភ្នាក់ងារសារព័ត៌មានវៀតណាម
លោកនាយករដ្ឋមន្រ្តី ទស្សនាក្រុមហ៊ុនភាគហ៊ុនវិនិយោគនិងអភិវឌ្ឍន៍កសិកម្មបច្ចេកវិទ្យាខ្ពស់នៅខេត្តហាណាម (Ha Nam)។
រូបថត៖ ថុងញ៉ឹត/ទីភ្នាក់ងារសារព័ត៌មានវៀតណាម
ដើម្បីដោះស្រាយបញ្ហាកសិកម្មវៀតណាម តាមលោកនាយករដ្ឋមន្រ្តី ត្រូវពឹងផ្អែកទៅលើសហគ្រាសឯកជន ក្រុមសហករណ៍។ ហេតុនេះហើយ លោកនាយករដ្ឋមន្រ្តី មានប្រសាសន៍ថា ត្រូវលើកទឹកចិត្តជាងនេះទៅទៀត ដើម្បីផ្តើមអាជីវកសិកម្ម អនុវត្តពពកគណិតូបករណ៍វិទ្យា ក្នុងវប្បកម្មបច្ចេកវិទ្យាខ្ពស់។
ដើរទន្ទឹមនោះ គឺបើកទូលាយការកំណត់ដីស្រែក្នុងកសិកម្ម ប្រមូលផ្តុំដីស្រែកាន់តែខ្លាំង បង្កើនការបង្វែវិទ្យាសាស្រ្តបច្ចេកវិទ្យា និងត្រូវមានដើមទុនសម្រាប់កសិកម្មបច្ចេកវិទ្យាខ្ពស់ ពីប្រភពកម្លាំងសង្គម។ លោកនាយករដ្ឋមន្រ្តី ដាក់ឲ្យធនាគារដ្ឋ ធ្វើចលនាធនាគារពាណិជ្ជកម្ម បង្កើតរូបភាពឧបត្ថម្ភជាច្រើនដើម្បីលើកកម្ពស់ក្រុមឧបត្ថម្ភឲ្យកសិកម្មបច្ចេកវិទ្យាខ្ពស់ ដោយមានយន្តការជាអាទិ៍ចាប់ពី៦០.០០០ រហូតដល់១០០.០០០ពាន់លានដុង។
ដាឡាត (Da Lat) មជ្ឈមណ្ឌលមួយក្នុងចំណោមមជ្ឈមណ្ឌលផលិតកសិកម្មបច្ចេកវិទ្យាលំដាប់ថ្នាក់នៅវៀតណាម។
រូបថត៖ ង្វៀនឡឹន/កាសែតរូបភាពវៀតណាម
អ្នកឯកទេសជប៉ុន បានសង្កេតពិនិត្យបច្ចេកទេសដាំបន្លែបច្ចេកវិទ្យាខ្ពស់ នៅដាឡាត (Da Lat)។
រូបថត៖ ង្វៀនឡឹន/កាសែតរូបភាពវៀតណាម
អនុវត្តបច្ចេកទេសដាំបន្សាំ (invitro) បម្រើផលិតកសិកម្មបច្ចេកវិទ្យាខ្ពស់នៅដាឡាត (Da Lat)។
រូបថត៖ ង្វៀនឡឹន/កាសែតរូបភាពវៀតណាម
ដើមបន្លែពូជ បានផលិតតាមវិធីសាស្រ្តវប្បកម្មជលសាស្រ្ត ទំនើប។ រូបថត៖ ង្វៀនឡឹន/កាសែតរូបភាពវៀតណាម
ប្រជាកសិករដាឡាត (Da Lat) អនុវត្តវិធីសាស្រ្តវប្បកម្មជលសាស្រ្តដាំបន្លែស្អាត។
រូបថត៖ ង្វៀនឡឹន/កាសែតរូបភាពវៀតណាម
ចម្ការបន្លែស្អាតធានាគុណភាព ដោយសារបន្លែបានដាំតាមបែបវិធីវប្បកម្មជលសាស្រ្ត។
រូបថត៖ ង្វៀនឡឹន/កាសែតរូបភាពវៀតណាម
ពូជមើមស្ពៃ ស កូរ៉េខាងត្បូង បានដាំសាកល្បងនៅដាឡាត (Da Lat)។
រូបថត៖ ង្វៀនឡឹន/កាសែតរូបភាពវៀតណាម
ដើរទន្ទឹមជាមួយផលិតកម្ម វៀតណាមក៏កំពុងយកចិត្តទុកដាក់ដល់បញ្ហារក្សាទុក ក្រោយរដូវប្រមូលផល។
រូបថត៖ ង្វៀនឡឹន/កាសែតរូបភាពវៀតណាម
ការអនុវត្តបច្ចេកវិទ្យាខ្ពស់ ក្នុងផលិតកម្មនិងរក្សាទុកជួយផលិតផលកសិកម្មរបស់វៀតណាម ពីមួយថ្ងៃទៅមួយថ្ងៃកាន់តែ
មានតម្លៃសេដ្ឋកិច្ចខ្ពស់។ រូបថត៖ ង្វៀនឡឹន/កាសែតរូបភាពវៀតណាម
លោកនាយករដ្ឋមន្រ្តី ស្នើសុំប្រមូលផ្តុំវិនិយោគអភិវឌ្ឍន៍ប្រភពធនធានមនុស្ស ពីប្រជាកសិករបម្រើឲ្យកសិកម្មបច្ចេកវិទ្យាខ្ពស់ បើកទូលាយទីផ្សារ លើកខ្ពស់គុណភាពវិចខ្ចប់ កសាងពាណិជ្ជសញ្ញាដើម្បីបម្រើដល់ការនាំចេញធានាឲ្យបានល្អ ប្រភពប្រើប្រាស់សម្រាប់កសិផល។
លើស្មារតីនោះ លោកនាយករដ្ឋមន្រ្តី សំណូមពរមូលដ្ឋានឡើងផែនការប្រើប្រាស់ដី ទៅតាមទិសដៅបើកទូលាយការកំណត់ដីស្រែ ស្របតាមនោះ ត្រូវមានលក្ខណៈងាយស្រួលឧបត្ថម្ភ អំពីហេដ្ឋារចនាសម្ព័ន្ធអគ្គិសនី ទឹក សម្រាប់កសិកម្មបច្ចេកវិទ្យាខ្ពស់ លើកទឹកចិត្តអនុវត្តពូជថ្មី វិទ្យាសាស្រ្តបច្ចេកវិទ្យាថ្មីជឿនលឿន មានប្រសិទ្ធភាព។
ជាពិសេស ចំពោះក្រសួងវិស័យនិងសហគ្រាស ថ្នាក់ដឹកនាំរដ្ឋាភិបាលបានផ្សព្វផ្សាយសារយ៉ាងច្បាស់លាស់និងហ្មឹងម៉ាត់ នោះគឺ៖ “រដ្ឋាភិបាលនឹង ធ្វើដំណើររួមជាមួយសហគ្រាស បង្កលក្ខណៈសម្រាប់សហគ្រាស និងសហករណ៍ ប្រកបធ្វើកសិកម្មបច្ចេកវិទ្យាខ្ពស់” “រដ្ឋាភិបាលនឹងប្តេជ្ញាចិត្តការពារនូវពាណិជ្ជសញ្ញា សិទ្ធិផលប្រយោជន៍ត្រឹមត្រូវរបស់សហគ្រាស សហករណ៍ ប្រកបធ្វើកសិកម្មបច្ចេកវិទ្យាខ្ពស់និង ”រូបលោកនាយករដ្ឋមន្រ្តីនឹងឧទ្ទេសនាមផ្ទាស់ នូវគ្រប់វិស័យផលិតផលបច្ចេកវិទ្យាខ្ពស់ គុណភាពខ្ពស់ កសិកម្មស្អាត របស់វៀតណាម ចេញទីផ្សារពិភពលោក”។
ភាពទាក់ទាញនេះ វិស័យកសិកម្មវៀតណាម សន្យាឆាប់រហ័សមានការបង្វែខ្លួន និងគ្រប់វិស័យទាំងអស់ ទាំងការត្រិះរិះផង ទាំងវិធីសាស្រ្តផលិតកម្មផង៕
ទីភ្នាក់ងារសារព័ត៌មានវៀតណាម/កាសែតរូបភាពវៀតណាម