ក្នុងសេចក្តីរបាយការណ៍ “ពាណិជ្ជកម្មពិភពលោកឆ្នាំ២០១៥ និងអនាគតឆ្នាំ២០១៦” ទើបប្រកាសថ្មីៗ អង្គការពាណិជ្ជកម្មពិភពលោក (WTO) បានបង្ហាញច្បាស់លាស់ថា វៀតណាមជាប្រទេសតែមួយគត់សម្រេចបានសមិទ្ធិផលកំណើនការ នាំចេញនិងនាំចូលគួរឲ្យចំណាប់អារម្មណ៍នៅក្នុងឆ្នាំ២០១៥។
លើមូលដ្ឋានវិភាគសមិទ្ធិផលនៃខឿនសេដ្ឋកិច្ច នាំចេញនិងនាំចូលលំដាប់ថា្នក់ពិភពលោកទាំងសាមសិប ដែលជាសមាជិករបស់ WTO ដែលមានរបាយការណ៍ ដើម្បីសឲ្យឃើញថាមិនមែនប្រទេសណា មានលទ្ធផលកំណើនតម្លៃ នាំចេញនិងនាំចូលនៅឆ្នាំមុនខ្ពស់ដូចវៀតណាម។
តាមសេចក្តីរបាយការណ៍ តម្លៃនាំចេញរបស់វៀតណាម ក្នុងឆ្នាំមុន សម្រេច១៦២ពាន់លានដុល្លាអាមេរិក កើន៧,៩%។ ប្រហាក់ប្រហែល តម្លៃនាំចូលរបស់ប្រទេសអាស៊ីអាគ្នេយ៍នេះ កើន១២,៣% គឺកើនឡើង១៦៦ពាន់លានដុល្លាអាមេរិក។ ក្នុងពេលនោះ ខឿនសេដ្ឋកិច្ចនាំចេញនិងនាំចូលផ្សេងៗ ដូចជា៖ ចិន តួកគី និងអីតាលី បែរជាមានតម្លៃផ្លាស់ប្តូរពាណិជ្ជកម្ម ជាមួយប្រទេសផ្សេងៗថយចុះ។ តាមការជាក់ស្តែងសេចក្តីរបាយការណ៍ បានគូរពង្រាងនូវផ្ទាំងគំនូរគួរឲ្យអស់សង្ឃឹមមួយ ស្តីពីពាណិជ្ជកម្មសាកលលោកនៅក្នុងឆ្នាំ២០១៥ ជាមួយពាណិជ្ជកម្មសាកលលោកថយចុះ១៣,២% គឺចុះនៅតែ១៦.៥០០ពាន់លានដុល្លាអាមេរិក។
លោកអគ្គនាយក WTO Roberto Azevêdo សន្ទនាជាមួយសហគមន៍សហគ្រាសវៀតណាម។ រូបថត៖ តឹនអាញ/ទីភ្នាក់ងារសារព័ត៌មានវៀតណាម
|
ប្រៀបខ្លាំងទាំងឡាយជួយសេដ្ឋកិច្ចវៀតណាមរីកចម្រើន គឺទីតាំងភូមិសាស្រ្តយ៉ាងសកម្មនៅក្នុងតំបន់អាស៊ីអាគ្នេយ៍ ប្រជាជនវ័យក្មេងវៀតណាម ច្នៃប្រឌិត និងមានកម្រិតចំណេះវិជ្ជាខ្ពស់។ ទាំងនេះជាកក្តាដែលជម្រុញឧស្សាហកម្មអភិវឌ្ឍន៍ ជាពិសេសគឺវិស័យឧស្សាហកម្មកែច្នៃ។ |
នៅឆ្នាំ២០១៦ វៀតណាមដាក់គោលដៅនាំចេញ១៧៣ពាន់លានដុល្លាអាមេរិក កើន១០% បើប្រៀបជាមួយឆ្នាំ២០១៥។ លក្ខណៈវិច្ឆ័យនេះ មិនមែនមិនបានការ ប៉ុន្តែមានភាពលោភលន់។ ក្រៅពីនេះ វៀតណាមក៏ចង់ទប់ស្កាត់ឱនភាពពាណិជ្ជកម្មថយចុះនៅត្រឹមកម្រិត៥%។
អ្នកឯកទេសសេដ្ឋកិច្ចបរទេសមួយចំនួន សង្ឃឹមថាវៀតណាមនឹងកំពុងនៅលើផ្លូវសម្រេចនៅគោលដៅខាងលើ (ដែលពួកគេហៅថាលោភលន់) ដោយសារវៀតណាម កំពុងតែចូលរួមកិច្ចព្រមព្រៀងពាណិជ្ជកម្មទ្វេភាគីមួយចំនួន។ កិច្ចព្រមព្រៀងទាំងឡាយនេះ នឹងនាំមកនូវប្រភពទុនបន្ថែមមួយចំនួនសម្រាប់វៀតណាម ទន្ទឹមនោះ បើកចេញនូវឱកាសពាណិជ្ជកម្មនាំចេញនិងនាំចូលដោយសេរីច្រើនជាង។
វៀតណាមកំពុងស្វែងរក វិធីពង្រីកអតិបរិមាប្រៀបខ្លាំងក្នុងវិស័យឧស្សាហកម្មមួយចំនួន និងវិស័យផលិតកម្មស្នូលបានយកចិត្តទុកដាក់ពិសេសដូចជា៖ អេឡិកត្រូនិក ស្បែកជើង វាយនភណ្ឌ និងគ្រឿងអលង្ការ។ ក្នុងពេលតម្រូវការសាកលលោក មានចំណុចខ្សោយជាងធម្មតា ដោយលក្ខណៈសេដ្ឋកិច្ចលើពិភពលោកថយចុះ គឺកំណើនក្នុងទីផ្សារ ដែលនិយាយខាងលើ នៅតែខ្លាំងជាងបើប្រៀបជាមួយទីផ្សារផ្សេងៗ បង្កើតចេញឱកាសល្អសម្រាប់វៀតណាម ដើម្បីសម្រេចគោលដៅ ដែលពោរពេញទៅដោយភាពលោភលន់ខាងលើ។
ថ្លែងការក្នុងឱកាសអញ្ជើញមកបំពេញទស្សនកិច្ចនៅវៀតណាម នៅពាក់កណ្តាលខែមេសាកន្លងហើយ លោកអគ្គនាយកអង្គការពាណិជ្ជកម្មពិភពលោក (WTO) Roberto Azevêdo បានឲ្យដឹងថា៖ “វៀតណាមកំពុងដើរចំទិសដៅ” ក្នុងដំណើរសមាហរណកម្មអន្តរជាតិ និងសេរីភាវូបនីយកម្មពាណិជ្ជកម្ម។
“វៀតណាមសម្រេចបានភាពជឿនលឿនច្រើនបង្គួរ ទាំងក្នុងវិស័យសេដ្ឋកិច្ចនិងវិស័យសង្គម។ រាប់លាននាក់បានរួចចាក់ពីភាពអត់ឃ្លាន។ វៀតណាមបានក្លាយជាប្រទេសមួយក្នុងចំណោមប្រទេសនាំចេញ កសិផលលំដាប់ថ្នាក់ពិភពលោក ជាប្រទេសមួយដែលទាក់ទាញ ចំពោះវិនិយោគិននៅទ្វីបអាស៊ី។ ខឿនសេដ្ឋកិច្ចវៀតណាម កំពុងមានតួនាទីនៅក្នុងតំបន់និងពិភពលោក” លោក Roberto Azevêdo មានប្រសាសន៍។
ទន្ទឹមនោះ ថ្មីៗនេះ របាយការណ៍ទាន់ពេលពីស្ថានភាពសេដ្ឋកិច្ច តំបន់អាស៊ីនិងប៉ាស៊ីហ្វិក របស់ធានាគារពិភពលោក (WB) ក៏វាយតម្លៃថា ខឿនសេដ្ឋកិច្ចវៀតណាម បានឆ្លងកាត់ការប្រែប្រួលទាំងសកលលោក ដោយរបៀបមួយមិនអាចស្មានបាន គឺដោយសារតម្រូវការក្នុងប្រទេសកើន និងខឿនឧស្សាហកម្មកែច្នៃ ឆ្ពោះទៅកាន់ការនាំចេញសម្រេចសមិទ្ធផលល្អ។ តាមនោះក្រោយដំណាក់កាលអន់ថយឆ្នាំ២០១២និង២០១៣ ខឿនសេដ្ឋកិច្ចវៀតណាម បានកើនឡើងវិញសម្រេចកម្រិត៦%នៅឆ្នាំ២០១៤ និងបន្តកើនឡើងកម្រិត៦,៧%នៅឆ្នាំ២០១៥។
វៀតណាមសព្វថ្ងៃជាប្រទេសមួយក្នុងចំណោមប្រទេសនាំចេញកសិផលលំដាប់ថ្នាក់ពិភពលោក ក្នុងនោះមានស្រូវអង្ករ។ រូបថត៖ អានហ៊ី/ទីភ្នាក់ងារសារព័ត៌មានវៀតណាម វៀតណាមកំពុងស្វែងរកវិធីពង្រីកអតិបរិមាបៀបខ្លាំង ក្នុងវិស័យផលិតកម្មស្នូល ក្នុងនោះមានវិស័យវាយនភណ្ឌ។ រូបថត៖ យាញឡាម/ទីភ្នាក់ងារសារព័ត៌មានវៀតណាម ឆ្នាំ២០១៥ អគ្គនាយកដ្ឋានគយដាក់ចេញសកម្មភាពមជ្ឈមណ្ឌលវិភាគ បែងចែកទំនិញនាំចេញ បានរួមចំណែកសកម្មក្នុងការងារប្រឆាំងបន្លំពាណិជ្ជកម្ម បង្កើតបរិស្ថានសមភាពក្នុងសកម្មភាពនាំចេញនិងនាំចូល។ រូបថត៖ ហ្វាងហុង/ទីភ្នាក់ងារសារព័ត៌មានវៀតណាម រោងចក្រផលិតគ្រឿងបន្លាស់អេឡិចត្រូនិកនាំចេញ របស់ក្រុមហ៊ុន RFTECH Thai Nguyen (១០០%ដើមទុនកូរេខាងត្បូង) នៅតំបន់ឧស្សាហកម្ម ដេមធ្វី (Diem Thuy) (ភូប៊ិញ ថៃង្វៀន - Phu Binh, Thay Nguyen )។ រូបថត៖ ហ្វាងង្វៀន/ទីភ្នាក់ងារសារព័ត៌មានវៀតណាម ច្នៃត្រីប្រានាំចេញនៅក្រុមហ៊ុន Bianfishcoទីក្រុងកឹនធើ (Can Tho)។ រូបថត៖ ហ្វីហុង/ទីភ្នាក់ងារសារព័ត៌មានវៀតណាម ច្នៃគ្រាប់ស្វាយចន្ទីនាំចេញនៅក្រុមហ៊ុនភាគហ៊ុនញឹតហ្វី (Nhat huy) ខេត្តប៊ិញយឿង (Binh Duong)។ រូបថត៖ ឌិញហ្វេ/ទីភ្នាក់ងារសារព័ត៌មានវៀតណាម |
ជាមួយទស្សនៈរួម លោក Nabil Jijakli ជាអ្នកឯកទេសសេដ្ឋកិច្ចចំណុះ សម្ព័ន្ធក្រុមហ៊ុនធានារាប់រង CREDENDO របស់បែលហ្ស៊ិក បានបញ្ចេញយោបល់ថា សេដ្ឋកិច្ចវៀតណាមអភិវឌ្ឍន៍យ៉ាងសកម្ម ក្នុងប៉ុន្មានឆ្នាំកន្លង កម្រិតកំណើនសេដ្ឋកិច្ច របស់វៀតណាមលើ៦% ជាក្តីបំណងប្រាថ្នានៃប្រទេសជាច្រើននៅទិសខាងលិច។
តាមអ្នកឯកទេសនេះ ប្រៀបខ្លាំងបានជួយសេដ្ឋកិច្ចវៀតណាម រីកចម្រើន គឺដោយសារទីតាំងភូមិសាស្រ្តយ៉ាងសកម្មក្នុងតំបន់អាស៊ីអាគ្នេយ៍ ប្រជាជនវ័យក្មេងវៀតណាម ច្នៃប្រឌិត និងមានកម្រិតចំណេះវិជ្ជាខ្ពស់។ ទាំងនេះគឺជាកក្តា ដែលជម្រុញឧស្សាហកម្មអភិវឌ្ឍន៍ ជាពិសេសវិស័យឧស្សាហកម្មកែច្នៃ។ លោក Nabil Jijakli ក៏ឲ្យដឹងថា បរិស្ថានវិនិយោគចូលវៀតណាមមានភាពទាក់ទាញ ដោយសារ សហគ្រាសអឺរុបត្រូវការ “ក្តាប់យក” ឱកាសនេះ ពីព្រោះប្រទេសនៅជិតខាងរបស់វៀតណាម គឺចិនក៏កំពុងវិនិយោគខ្លាំងចូលមកទីនេះ៕
“វៀតណាមសម្រេចបានភាពជឿនលឿនច្រើនបង្គួរ ទាំងក្នុងវិស័យសេដ្ឋកិច្ចនិងវិស័យសង្គម។ ប្រជាជនរាប់លាននាក់បានរួចចាក់ពីភាពអត់ឃ្លាន។ វៀតណាមបានក្លាយជាប្រទេសមួយក្នុងចំណោមប្រទេសនាំចេញ កសិផលលំដាប់ថ្នាក់ពិភពលោក ជាប្រទេសមួយដែលទាក់ទាញ ចំពោះវិនិយោគិននៅទីបអាស៊ី។ ខឿនសេដ្ឋកិច្ចវៀតណាមកំពុងមានតួនាទីក្នុងតំបន់និងពិភពលោក”។ លោក Roberto Azevêdoមានប្រសាសន៍។ |
អនុវត្ត៖ ទីភ្នាក់ងារសារព័ត៌មានវៀតណាម/កាសែតរូបភាពវៀតណាម