ពិធីមិទ្ធិញរំលឹកខួបអនុស្សាវរីយ៍លើកទី៥៥ទិវាបង្កើតទំនាក់ទមនងការទូតវៀតណាម-ឡាវ
នាព្រឹកថ្ងៃទី១៨ ខែកក្កដា ឆ្នាំ២០១៧ ពិធីមិទ្ធិញរំលឹកខួបអនុស្សាវរីយ៍លើកទី៥៥ ទិវាបង្កើតទំនាក់ទំនងការទូតវៀតណាម - ឡាវ (ថ្ងៃទី៥ ខែកញ្ញា ឆ្នាំ១៩៦២ -ថ្ងៃទី៥ ខែកញ្ញា ឆ្នាំ២០១៧) និង៤០ឆ្នាំចុះហត្ថលេខាលើអនុសញ្ញាមិត្តភាព កិច្ចសហប្រតិបត្តិការវៀតណាម-ឡាវ (ថ្ងៃទី១៨ ខែកក្កដា ឆ្នាំ១៩៧៧ - ថ្ងៃទី១៨ ខែកក្កដា ឆ្នាំ២០១២) បានប្រព្រឹត្តទៅនៅទីក្រុងហាណូយ។ អគ្គលេខាបក្ស លោក Nguyen Phu Trong ប្រធានរដ្ឋ លោក Tran Dai Quang និងប្រធានរដ្ឋសភា លោកស្រី Nguyen Thi Kim Ngan រួមជាមួយបណ្ដាអតីតថ្នាក់ដឹកនាំបក្ស រដ្ឋ រដ្ឋសភាច្រើនជំនាន់ បានអញ្ជើញចូលរួម។ ចំពោះភាគីសាធារណះរដ្ឋ ប្រជាធិបតេយ្យ ប្រជាមានិតឡាវមាន សមាជិកអចិន្ត្រៃយ៍ គណៈ កម្មាធិការបក្សប្រជាជនបដិវត្តន៍ឡាវ និងជាអនុប្រធានរដ្ឋ លោក Phankham Viphavanh ឯកអគ្គរដ្ឋទូតឡាវប្រចាំនៅវៀតណាម លោកThongsavanh Phomvihane រួមជាមួយបណ្ដាថ្នាក់ដឹកនាំក្រសួងស្ថាប័ន និងតំបន់បានអញ្ជើញចូលរួម។
ថ្លែងមតិនៅពិធីមិទ្ទិញ អគ្គលេខាបក្ស លោក Nguyen Phu Trong បានអះអាងថា៖ “ ក្រឡែកមើលឡើងវិញដំណាក់កាលប្រវត្តិសាស្ត្រ៥៥ឆ្នាំកន្លងទៅ យើងអាចមោទនភាព អំពីដំណើរការកសាងនិងអភិវឌ្ឍន៍របស់ទំនាក់ទំនងពិសេស កម្រមានរវាងប្រជាជាតិទាំងពីរ។ ពីព្រោះនេះជាទំនាក់ទំនងពិសេស ចីរភាព ចាប់ពីទំនាក់ទំនងប្រពៃណីជិតស្និទ្ធក្លាយទៅជាទំនាក់ទំនងពិសេស។ នេះជាទំនាក់ទំនងមួយដែលបានបង្កើតឡើងដោយគោលបំណងប្រាថ្នារបស់ប្រជាជននៃប្រទេសទាំងពីរ នោះគឺចំណងសាមគ្គីភាពជួយឧបត្ថម្ភគ្នាទៅវិញទៅមក ប្រយុទ្ធប្រឆាំងសត្រូវរួមកសាងទំនាក់ទំនងសហប្រតិបត្តិការមិត្តភាព សមភាព មានផលប្រយោជន៍ដូចគ្នា។ នេះជាទំនាក់ទំនងសហប្រតិបត្តិការចីរភាព ក្នុងគ្រប់ដំណាក់កាលប្រវត្តិសាស្ត្រ នាំមកនូវជោគជ័យសំរាប់ប្រទេសជាតិទាំងពីរ។”
រីឯ សមាជិកអចិន្ត្រៃយ៍គណៈកម្មាធិការបក្សប្រជាជនបដិវត្តន៍ឡាវ និងជាអនុប្រធានរដ្ឋ លោក Phankham Viphavanh បានអះអាងថា៖ បក្ស រដ្ឋ និងប្រជាជនឡាវ នឹងខំប្រឹងប្រែងធ្វើអស់ពីកម្លាំងកាយចិត្តរបស់ខ្លួន ដើម្បីពូនជ្រុំ ការពារទំនាក់ទំនងមិត្តភាព សាមគ្គីភាពពិសេសឡាវ-វៀតណាម៕
តាម VOV5 - វិទ្យុសំឡេងវៀតណាម