អគ្គនាយកវិទ្យុសម្លេងវៀតណាម លោក Nguyen Thy Ky ទទួលអំណោយដែលប្រធានរដ្ឋ លោក Tran Dai Quang ប្រគល់ជូន
ក្នុងឱកាសរំលឹកខួបលើកទី៧០ នៃទិវាលោកប្រធានហូជីមិញអញ្ជើញស្មូតកំណាព្យជូនពរឆ្នាំថ្មី ជាលើកដំបូងលើរលកវិទ្យុសម្លេងវៀតណាមនោះ នាយប់ថ្ងៃទី១៧ ខែមករា ឆ្នាំ២០១៧ នៅទីក្រុងហាណូយ វិទ្យុសម្លេងវៀតណាម បានរៀបចំកម្មវិធីជួបប្រាស្រ័យ សិល្បៈក្រោមប្រធានបទ “សម្លេងរបស់ទឹកដី”។ អញ្ជើញចូលរួមនិងថ្លែងមតិ នៅទីនេះ ប្រធានរដ្ឋវៀតណាម លោក Tran Dai Quang បានអះអាងថា៖
“កំណាព្យរបស់លោកប្រធានហូជីមិញ ដូចជាសម្លេងរបស់ទឹកដីវៀតណាម។យកប្រវត្តិសាស្ត្រធ្វើជាបង្អែកដើរតាមគោលមាគ៌ា ដែលបក្សនិងលោកប្រធានហូជីមិញជ្រើសរើសខិតខំប្រឹងប្រែង អនុវត្តប្រកបដោយជោគជ័យនូវសេចក្តីសម្រេចចិត្តរបស់មហាសន្និបាតបក្សលើកទី១២ និងសេចក្តីសម្រេចចិត្តមជ្ឈឹមលើកទី៤ ស្តីពីការកសាងនិងពង្រឹងបក្ស ព្រមទាំងជម្រុញខ្លាំងនិងព្រមៗគ្នាកិច្ចការផ្លាស់ប្តូរប្រទេសជាតិ ការពាររឹងមាំមាតុប្រទេសវៀតណាមសង្គមនិយម”។
និទាឃៈរដូវឆ្នាំ១៩៤២ លោកប្រធានហូជីមិញ ចាប់ផ្តើមនិពន្ធកំណាព្យជូនពរឆ្នាំថ្មី។ ហើយដល់ត្រឹមម៉ោង២២នាថ្ងៃទី២១ ខែមករា ឆ្នាំ១៩៤៧ លោកប្រធានហូជីមិញ បានឡើងស្មូតកំណាព្យជូនពរឆ្នាំថ្មី លើរលកវិទ្យុសម្លេងវៀតណាម ចំពោះជនរួមជាតិ និងយុទ្ធជនទូទាំងប្រទេស។ កំណាព្យរបស់លោកប្រធានហូជីមិញ ដូចជាប្រគុំជាមួយនឹងសម្លេងរបស់ទឹកដីដោយ ក្តីសង្ឃឹមនូវឯករាជ្យ សេរីភាពនិងទំនុកទុកចិត្តទៅលើកម្លាំងពលំរបស់ប្រទេសជាតិ៕
តាម VOV5 - វិទ្យុសំឡេងវៀតណាម