នាយករដ្ឋមន្រ្តីលោក Nguyen Xuan Phuc អញ្ជើញថ្លែងមតិនៅពិធីនេះ (រូបថត៖VOV)
ពិធីមិទ្ទីញរំលឹកខួបអនុស្សាវរីយ៍លើកទី២០ នៃទិវាបង្កើតឡើងវិញ និងលើកទី៤២ទិវារំដោះខេត្ត Quang Nam ភាគកណ្ដាលវៀតណាមត្រូវបានរៀបចំឡើង នាយប់ថ្ងៃទី២៤ ខែមិនា ឆ្នាំ២០១៧ នៅទីក្រុង Tam Ky។ នៅទីនេះ នាយករដ្ឋមន្រ្តីវៀតណាម លោក Nguyen Xuan Phuc បានប្រគល់គ្រឿងឥស្សរិយយសឯករាជ្យថ្នាក់ទី១ ជូនចំពោះកម្មាភិបាល និងប្រជាជនខេត្ត Quang Nam ដោយសារមានស្នាដៃឆ្នើមពិសេសក្នុងការងារកសាងនិងការពារមាតុប្រទេស។
អញ្ជើញថ្លែងមតិនៅទីនេះ នាយករដ្ឋមន្រ្តីលោក Nguyen Xuan Phuc វាយតំលៃថា រហូតមកដល់ពេលនេះ Quang Nam ជានិច្ចកាលជាតំបន់មួយក្នុងចំណោមតំបន់ជាគំរូ អំពីគោលនយោបាយសន្តិសុខការារជាតិ ក៏ដូចជាក្នុងបុព្វបទអភិវឌ្ឍន៍នៅតំបន់។ លោកនាយករដ្ឋមន្ត្រីសំណូមពរឲ្យខេត្ត Quang Nam ត្រូវបន្តយកចិត្តទុកដាក់ដល់ការថែទាំទាំងខាងសម្ភារៈ និងស្មារតីចំពោះវីរៈអ្នកម្ដាយវៀតណាម ជនមានគុណូបការៈនិងមុខសញ្ញាគោលនយោបាយ ជនចាស់ជរា ជនក្រីក្រ។ លោក Nguyen Xuan Phuc បានសង្កត់ធ្ងន់ថា៖
“Quang Nam ចាំបាច់ត្រូវក្លាយទៅជាខេត្តសម្បូរធូធារមួយនៃតំបន់ភាគកណ្ដាល តំបន់ Tay Nguyen និងក្នុងទូទាំងប្រទេស ជាពិសេសត្រូវទាក់ទាញនិងពង្រីក ប្រកបដោយនិរន្តរភាពនូវតួនាទីនៃផ្នែកសេដ្ឋកិច្ចនានា។ ក្នុងនោះ កម្លាំងចលករនៃផ្នែកសេដ្ឋកិច្ចឯកជនត្រូវ បានបង្ហាញតាមរយៈសសរទ្រូងចំនួន៣នោះគឺ៖ឧស្សាហកម្មកសិកម្មសរីរាង្គនិងសេវាកម្ម។ ទន្ទឹមនឹងនោះ ខេត្តត្រូវអភិរក្សបរិយាកាសរស់នៅ និងតំលៃបេតិកភ័ណ្ឌដែលបានបង្កើតឡើងមជ្ឈមណ្ឌលមួយ ក្នុងចំណោមមជ្ឈមណ្ឌលពាណិជ្ជកម្ម ដ៏សម្បូររុងរឿងបំផុតនៅទ្វីបអាស៊ីនាសតវត្សមុន”។
លោកនាយករដ្ឋមន្រ្តីចាត់ទុកថា កូនសោនៃជោគជ័យរបស់ខេត្ត Quang Nam គឺជាសមត្ថភាពពង្រីកសក្ដានុពលខាងមនុស្ស ព្រទាំងប្រើប្រាស់ឲ្យបានល្អនូវកត្តា ធនធានធម្មជាតិខាងភូមិសាស្ត្រ ដែលមានស្រាប់ផងដែរ៕
តាម VOV 5 - វិទ្យុសំឡេងវៀតណាម