ប្រធានាធិបតីអ៊ីស្រាអ៊ែលអញ្ជើញមកបំពេញទស្សនកិច្ចនៅវៀតណាម
ពិធីបដិសណ្ឋារកិច្ចប្រធានាធិបតីអ៊ីស្រាអ៊ែល លោក Reuven Ruvi Rivlin មកបំពេញទស្សនកិច្ច នៅវៀតណាម បានប្រព្រឹត្តទៅដ៏មហោឡារឹក នាថ្ងៃទី២០ ខែមិនា ឆ្នាំ២០១៧ នៅទីក្រុងហាណូយ។ បន្ទាប់នោះ ប្រធានរដ្ឋ លោក Tran Dai Quang និងប្រធានាធិបតីអ៊ីស្រាអ៊ែល លោក Reuven Ruvi Rivlin បានដំណើរការចរចាពិភាក្សាអំពីវិធីសាស្ត្រជំរុញ កិច្ចសហប្រតិបត្តិការទ្វេភាគី និងបញ្ហាមួយចំនួន ក្នុងតំបន់និងអន្តរជាតិដែលភាគីទាំងពីរ យកចិត្តទុកដាក់ដូចគ្នា។
នៅទីនេះ ថ្នាក់ដឹកនាំទាំងពីររូប បានអះអាងនូវការប្តេជ្ញាចិត្តជំរុញថែមទៀតទំនាក់ទំនង រវាងប្រទេសទាំងពីរ ជាពិសេសក្នុងវិស័យសេដ្ឋកិច្ច វិទ្យាសាស្ត្រ បច្ចេកវិទ្យា។ ប្រធានរដ្ឋ លោក Tran Dai Quang និងប្រធានាធិបតីអ៊ី លោក Reuven Ruvi Rivlin បានឯកភាពចាត់ទុកវិស័យសេដ្ឋកិច្ចជាមុខព្រួញ និងនាំវិទ្យាសាស្ត្របច្ចេកវិទ្យាក្លាយទៅជាសរសរទ្រូង ក្នុងកិច្ចសហប្រតិបត្តិការទ្វេភាគី និងជំរុញទំហំពាណិជ្ជកម្មទ្វេភាគី ឡើងដល់បីពាន់លានដុល្លារអាមេរិក ក្នុងរយៈពេលប៉ុន្មានឆ្នាំខាងមុខនេះ។
អំពីវិស័យនយោបាយ ភាគីទាំងពីរ បានឯកភាពបង្កើនជំនួបប្រាស្រ័យគ្រប់ជាន់ថ្នាក់ ជំរុញទំនាក់ទំនងសហប្រតិបត្តិការផ្ទាល់រវាងបណ្ដាតំបន់ក្រសួងនិងស្ថាប័ន។
ភាគីទាំងពីរក៏បានពិភាក្សាអំពីបញ្ហាសមុទ្រខាងកើត តំបន់មជ្ឈឹមបូពា៍ ក៏ដូចជាបញ្ហាអន្តរជាតិផ្សេងៗទៀត។ វៀតណាមអះអាងជាថ្មីម្តងទៀតគោលការណ៍ ដោះស្រាយជំលោះដែលក្នុងនោះមានជំលោះ នៅសមុទ្រខាងកើត ដោយសន្តិវិធី គោរពច្បាប់អន្តរជាតិ។
ថ្លែងមតិនៅក្នុងសន្និសីទកាសែតរួម នោះ ប្រធានរដ្ឋ លោក Tran Dai Quang បានអះអាងថា៖ “លោកប្រធានាធិបតី និងខ្ញុំបានពិភាក្សាអំពីគ្រប់វិស័យ ក្នុងទំនាក់ទំនង រវាងប្រទេសទាំងពីរ និងឯកភាពអំពីវិធីសាស្ត្រទិសដៅនានាជំរុញទំនាក់ទំនង រវាងប្រទេសទាំងពីរកាន់តែស៊ីជំរៅជាក់ស្ដែង និងប្រសិទ្ធភាព។ យើងខ្ញុំសូមស្វាគមន៍គណៈប្រតិភូជាន់ខ្ពស់អ៊ីស្រាអែល រួមជាមួយសហគ្រាសជាង៣០ បានអមដំណើរទស្សនកិច្ចនៅវៀតណាម អញ្ជើញចូលរួមវេទិកាសហគ្រាសវៀតណាម - អ៊ីស្រាអែលនៅទីក្រុងហាណូយ និងទីក្រុងហូជីមិញ។ សង្ឃឹមថាកិច្ចសហប្រតិបត្តិការជាច្រើន នឹងបានដំណើការបន្ទាប់ពីដំណើរទស្សនកិច្ចលើកនេះ។”
អគ្គលេខាបក្ស លោក Nguyen Phu Trong និង ប្រធានាធិបតីអ៊ី ស្រាអ៊ែលលោក Reuven Ruvi Rivlin
រីឯ ប្រធានាធិបតីអ៊ីស្រាអ៊ែលលោក Reuven Ruvi Rivlin បានសង្កត់ធ្ងន់ថា៖ “យើងខ្ញុំមកទីនេះ ដើម្បីបង្កើតឡើងគ្រឹះដ្ឋានសំខាន់សំរាប់កិច្ចសហប្រតិបត្តិការថ្មីលើគ្រប់វិស័យជាពិសេស គឺក្នុងវិស័យកសិកម្មបច្ចេកវិទ្យាខ្ពស់ អប់រំ សុខាភិបាល និងសន្តិសុខ។ យើងខ្ញុំក៏មានគោលបំណងសម្រេចការចរចា កិច្ចព្រមព្រៀងពាណិជ្ជកម្មសេរី និងបើកចេញឱកាសហប្រតិបត្តិការថ្មី។” ក៏ក្នុងថ្ងៃនេះដែរ អគ្គលេខាបក្ស លោក Nguyen Phu Trong និងនាយករដ្ឋមន្ត្រី លោក Nguyen Xuan Phuc ក៏មានជំនួបសន្ទនាជាមួយ ប្រធានាធិបតីអ៊ីស្រាអ៊ែល លោក Reuven Ruvi Rivlin ផងដែរ៕
តាម VOV5 - វិទ្យុសំឡេងវៀតណាម
