ប្រធានគណៈកម្មាធិការប្រជាជនទីក្រុងហូជីមិញលោក Nguyen Thanh Phong (ខាងស្ដាំ) ទទួលជួបសន្ទនាជាមួយប្រធានាធិបតីអ៊ីស្រាអែលលោក Reuven Rivlin (រូបថត៖TTXVN)
នាថ្ងៃទី២៣ ខែមិនា ឆ្នាំ២០១៧ បន្តសកម្មភាពនៃដំណើរទស្សនកិច្ចនៅវៀតណាម ប្រធានាធិបតីអ៊ីស្រាអែលលោក Reuven Rivlin បានមានជំនួបជាមួយប្រធានគណៈកម្មាធិការ ទីក្រុងហូជីមិញលោក Nguyen Thanh Phong ។ នៅជំនួបនេះ លោក Nguyen Thanh Phong បានឲ្យដឹងថា បច្ចុប្បន្ននេះ អ៊ីស្រាអែលមានគំរោងការចំនួន១១ នៅទីក្រុងហូជីមិញ ដោយមានទុនសរុបចំនួន ១០ លានដូល្លារអាមេរិក។ ទំហំនាំចេញនាំចូលទ្វេរភាគី រវាងទីក្រុង និងអ៊ីស្រាអែលនាឆ្នាំ ២០១៦ សម្រេចបាន ១,៣ពាន់លានដូល្លារអាមេរិក ។ ប្រធានគណៈកម្មាធិការទីក្រុងហូជីមិញ មានបំណងចង់ឲ្យអ្នកវិនិយោគអ៊ីស្រាអែល នឹងបង្កើនការវិនិយោគនៅទីក្រុង ដូចជាវិស័យ កសិកម្មបច្ចេកវិទ្យាខ្ពស់ បច្ចេកវិទ្យាព័ត៌មាន ជាតិគីមី និងទូរគមនាគមន៍ ជាដើម។
រីឯខ្លួនវិញ ប្រធានាធិបតីអ៊ីស្រាអែលលោក Reuven Rivlin បានជឿជាក់ថាទំនាក់ទំនងសេដ្ឋ កិច្ចពាណិជ្ជកម្ម និងវិនិយោគ រវាងវៀតណាម និងអ៊ីស្រាអែលនឹងអភិវឌ្ឍន៍ខ្លាំងក្លាថែម ទៀតនាពេលខាងមុខ ។ បន្ទាប់ពីជំនួបនេះ ប្រធានាធិបតីអ៊ីស្រាអែល លោក Reuven Rivlin និងប្រធានគណៈកម្មាធិការប្រជាជន ទីក្រុងហូជីមិញលោក Nguyen Thanh Phong បានអញ្ជើញជាកសិណសាក្សី ក្នុងពិធីចុះហត្ថលេខាលើអនុស្សរណៈ ស្ដីអំពី កញ្ចប់ហិរញ្ញវត្ថុ រវាងក្រុមហ៊ុនភាគហ៊ុនវិនិយោគអចលនទ្រព្យ និងសម្ព័ន្ធក្រុមហ៊ុន Jasmine ដោយមានតម្លៃ ២០០ លានដូល្លារអាមេរិក លើវិស័យសុខាភិបាលនៅទីក្រុងហូជីមិញ ៕
តាម VOV5 - វិទ្យុសំឡេងវៀតណាម