ប្រធានរដ្ឋវៀតណាមនិងប្រធានាធិបតីបេឡារុសអញ្ជើញជាអធិបតីជំនួបសន្ទនាសេដ្ឋកិច្ចវៀតណាម-បេឡារុស
នាព្រឹកថ្ងៃទី២៧ ខែមិថុនា ឆ្នាំ២០១៧ (តាមម៉ោងតំបន់) នៅទីក្រុង Minsk សាធារណះរដ្ឋបេឡារុស ប្រធានរដ្ឋ វៀតណាម លោក Tran Dai Quang និងប្រធានាធិបតីបេឡារុស លោក Alexander Lukashenko បានអញ្ជើញជាសហអធិបតីជំនួបសន្ទនា សេដ្ឋកិច្ចវៀតណាម-បេឡារុស។
ក្នុងក្របខ័ណ្ឌដំណើរបំពេញទស្សនកិច្ចជាផ្លូវការនៅបេឡារុស នាព្រឹកថ្ងៃទី២៧ ខែមិថុនា (តាមម៉ោងតំបន់) នៅ ទីក្រុង Minsk សាធារណះរដ្ឋបេឡារុស ប្រធានរដ្ឋវៀតណាម លោក Tran Dai Quang និងប្រធានាធិបតីបេឡារុស លោក Alexander Lukashenko បានអញ្ជើញជាសហអធិបតីជំនួបសន្ទនាសេដ្ឋកិច្ចវៀតណាម-បេឡារុស។ ថ្លែងមតិនៅទីនេះ ប្រធានរដ្ឋ លោក Tran Dai Quang បានអោយដឹងថា៖ បេឡារុសជាដៃគូសំខាន់របស់វៀតណាម ក្នុងសហគមន៍បណ្ដាប្រទេសជាតិឯករាជ្យ វៀតណាមជានិច្ចកាលគោរពនិងមានគោលបំណងបន្តថែរក្សា ពូនជ្រំអោយទំនាក់ទំនងសហប្រតិបត្តិការនិរន្តរភាព ជាមួយបេឡារុស។ ពិសេស បេឡារុស ជាដៃគូអាទិ ភាពក្នុងយុទ្ធសាស្ត្រកិច្ចការបរទេសរបស់វៀតណាម នៅក្នុងតំបន់សេដ្ឋកិច្ចអាស៊ី-អឺរ៉ុប។ ប្រធានរដ្ឋ លោក Tran Dai Quang បានសង្កត់ធ្ងន់ថា៖
"ក្នុងដំណើការនោះ សហគមន៍សហគ្រាសនៃប្រទេសទាំងពីរ មិនគ្រាន់តែដើរតួនាទីស្នូលក្នុងដំណើការសហប្រតិបត្តិការសេដ្ឋកិច្ចប៉ុណ្ណោះទេ ថែមទាំង ដើរតួនាទីផ្តើមគំនិត បង្កើតកម្លាំងចលករថ្មី អំពីពាណិជ្ជ កម្ម វិនិយោគ រួមចំណែកពង្រឹងនិងពង្រីកទំនាក់ទំនងមិត្តភាព ប្រពៃណីរ វាងវៀតណាមនិងបេឡារុសទៀតផង។វៀត ណាមអបអរសាទរ និងមានគោលបំណងទទួល បានចរន្តទុនវិនិយោគពីបេឡារុស។ រដ្ឋវៀតណាមក៏លើកទឹកចិត្តសហគ្រាសក្នុងស្រុក ស្វែងរកឱកាស កិច្ចសហប្រតិបត្តិការវិនិយោគនៅបេឡារុស ក្នុងវិស័យផ្សេងៗ ដូច ជា៖ បច្ចេកវិទ្យាព័ត៌មាន ផលិតកម្មទំនិញប្រើប្រាស់ កសិកម្ម…លៗ។”
ថ្លែងមតិនៅទីនេះ ប្រធានាធិបតីបេឡារុស លោក Alexander Lukashenko បានសង្កត់ធ្ងន់ថា៖បេឡារុសដាក់គោលដៅគឺយកទីផ្សារវៀតណាម ជាស្ពានចូលក្នុងតំបន់អាស៊ីអាគ្នេយ៍ ហើយពីនោះនាំផលិតផល សេវាកម្មចូលក្នុងទីផ្សារបណ្ដាប្រទេសអាស៊ាន៕
តាម VOV5 - វិទ្យុសំឡេងវៀតណាម