ប្រធានរដ្ឋលោក Tran Dai Quang អញ្ជើញថ្លែងសេចក្តីជូនពរបុណ្យតេតអាណិកជន
អញ្ជើញថ្លែងមតិនៅក្នុងពិធីបុណ្យ “និទាឃៈរដូវស្រុកកំណើត ២០១៧” ក្រោមប្រធានបទ “ទីក្រុងហូជីមិញ-សេចក្តីប្រាថ្នាដ៏ត្រចះត្រចង់” ដែលបានប្រព្រឹត្តទៅនាយប់ថ្ងៃទី២០ ខែមករា ឆ្នាំ២០១៧ នៅទីក្រុងហូជីមិញនោះ ប្រធានរដ្ឋវៀតណាម លោក Tran Dai Quang បានអះអាងថា ចំពោះប្រទេសជាតិ បងប្អូនអាណិកជនវៀតណាម ជាផ្នែកមួយមិនអាចកាត់ផ្តាច់ចេញបានទេ។ហើយលោកប្រធានរដ្ឋ បានចាត់ទុកថារាល់សមិទ្ធិរួមរបស់វៀតណាម គឺមានការរួមចំណែកសំខាន់ទាំងខាងសំភារៈ និងខាងស្មារតីរបស់អាណិកជនវៀតណាមនៅឯបរទេស។ លោក Tran Dai Quang ក៏បានអំពាវនាវឲ្យអ្នកជំនាញការ បញ្ជាវ័ន្តអាណិកជនជាអ្នក ដែលបានទាក់ទងយ៉ាងឆាប់រហ័សបំផុត ជាមួយបច្ចេកវិទ្យាជឿនលឿន នឹងនាំបញ្ញាបទពិសោធន៍របស់ខ្លួន កសាងប្រទេសជាតិ។ លោក Tran Dai Quang អញ្ជើញមានប្រសាសន៍ថា៖
“ខ្ញុំសង្ឃឹមថា បងប្អូនជនរួមជាតិនឹងពង្រីកប្រពៃណីសាមគ្គីភាព ជួយគ្នាទៅវិញទៅមក ឧស្សាព្យាយាមរួមចំណែកសកម្មទៅប្រទេសសាមី បន្តលើកកំពស់ការប្រទេជាធំ និងមោទនភាពជាជនវៀតណាម ជាពិសេស ខិតខំប្រឹងប្រែងលើកកំពស់ថានៈ និងកិត្យានុភាព របស់សហគមន៍ជនវៀតណាម ក៏ដូចជារួមចំណែកបង្កើនទំនាក់ទំនងមិត្តភាពសហប្រតិបត្តិការ រវាងវៀតណាម ជាមួយប្រទេសនានាលើពិភពលោកផងដែរ។ ខ្ញុំជឿជាក់ថា ទោះបីជានៅទីណា ក៏ដោយអាណិកជនវៀតណាម ទាំងអស់នឹងរួមកម្លាំងកាយចិត្តដើម្បីកសាងប្រទេសវៀតណាម កាន់តែសម្បូរធូធារ ពីមួយថ្ងៃទៅមួយថ្ងៃ”។
ប្រធានរដ្ឋលោក Tran Dai Quang បានអះអាងថាបក្សរដ្ឋនិង ប្រជាជនវៀតណាម ជានិច្ចកាលទទួលស្វាគមន៍ និងបង្កលក្ខណៈងាយស្រួលសម្រាប់អាណិកជនវៀតណាម នៅឯបរទេសត្រឡប់មកមាតុប្រទេសសាកសួរសុខទុក្ខសាច់ញត្តិ ធ្វើទេសចរណ៍និងរួមចំណែកកសាងស្រុកទេស៕
តាម VOV5 - វិទ្យុសំឡេងវៀតណាម