ទិដ្ឋភាពនៃជំនួបនេះ (រូបថត៖VOV)
នារសៀលថ្ងៃទី២១ ខែកក្កដា ឆ្នាំ២០១៧ នៅរដ្ឋធានីហាណូយ ប្រធានរដ្ឋវៀត ណាមលោក Tran Dai Quang បានអញ្ជើញទទួល ជួបលោកស្រី Shirin Sharmin Chaudhury ប្រធានរដ្ឋសភាបង់ក្លាដែសដែលកំពុងអញ្ជើញបំពេញទស្សនកិច្ចការងារនៅវៀតណាម។ នៅទីនេះ ប្រធានរដ្ឋលោក Tran Dai Quang បានស្នើឲ្យ ភាគីទាំងពីរបន្តជំរុញដំណើរទស្សនកិច្ច និងជំនួបប្រាស្រ័យជាន់ខ្ពស់ រៀបចំកិច្ច ប្រជុំគណៈកម្មាធិការចម្រុះលើកទី៣និងពិគ្រោះយោបល់នយោបាយលើកទី៣យ៉ាងឆាប់រហ័ស សំដៅដាក់ចេញទិសដៅនិងដំណោះស្រាយជំរុញកិច្ចសហប្រតិបតិ្តការ។ ដើម្បីលើកកំពស់ទំហំពាណិជ្ជកម្មទ្វេភាគី ខំប្រឹងប្រែងទទួលបានគោល ដៅ១ពាន់លានដុល្លាអាមេរិកនោះ លោកប្រធានរដ្ឋស្នើឲ្យភាគីទាំងពីរបង្កើនការ ចែករំលែកព័ត៌មាន បទពិសោធន៍ និងបង្កលក្ខណៈងាយស្រួលសំរាប់ការនាំចេញ នាំចូលទំនិញរវាងប្រទេសទាំងពីរ។
រីឯខ្លួនវិញ ប្រធានរដ្ឋសភាបង់ក្លាដែសលោកស្រីShirin Sharmin Chaudhury មានបំណងថា ទំនាក់ទំនងសហប្រតិបតិ្តការទ្វេភាគីរវាងប្រទេស ទាំងពីរ នឹងកាន់តែបើកទូលាយលើវិស័យជាច្រើនដូចជាឧបករណ៍អេឡិចត្រូនិក ទំនិញប្រើប្រាស់ និងកសិកម្មសន្តិសុខថាមពល និងការទប់ទល់នឹងបម្រែបម្រួលអាកាសធាតុ៕
តាម VOV5 - វិទ្យុសំឡេងវៀតណាម