នាយករដ្ឋមន្ត្រីលោក Nguyen Xuan Phuc (ខាងឆ្វេង)និងនាយករដ្ឋមន្រ្តីលោក Thongloun Sisoulith បំផុសឆ្នាំសាមគ្គីភាពមិត្តភាពវៀតណាម-ឡាវ ឡាវ-វៀតណាម ២០១៧ (រូបថត៖VOV)
ក្នុងក្របខ័ណ្ឌដំណើរទស្សនកិច្ចជាផ្លូវការនៅស.ប.បឡាវ នាថ្ងៃទី២៦ ខែមេសា ឆ្នាំ២០១៧ នាយករដ្ឋមន្រ្តីវៀតណាមលោក Nguyen Xuan Phuc និងនាយករដ្ឋមន្រ្តីឡាវលោក Thongloun Sisoulith បានអញ្ជើញជាសហអធិបតីពិធីបំផុត ឆ្នាំសាមគ្គីភាពមិត្តភាពវៀតណាម-ឡាវ ឡាវ-វៀតណាម ២០១៧។ នេះជាព្រឹត្តិ ការណ៍សំខាន់មួយក្នុងចំណោមសកម្មភាព រំលឹកខួបលើកទី៥៥ ទិវាបង្កើតទំនាក់ ទំនងការទូតនិងលើកទី៤០ ទិវាចុះហត្ថលេខាលើសន្ធិសញ្ញាមិត្តភាព និងកិច្ចសហប្រតិបតិ្តការវៀតណាម-ឡាវ។ អញ្ជើញថ្លែងមតិនៅទីនេះ នាយករដ្ឋមន្រ្តីឡាវ លោក Thongloun Sisoulith អះអាងថា ព្រឹត្តិការណ៍ឆ្នាំ សាមគ្គីភាពមិត្តភាពវៀតណាម-ឡាវ ឡាវ-វៀតណាម ២០១៧ ជាសេចក្ដីប្រកាសចំពោះប្រជាជននៃ ប្រទេសទាំងពីរនិងលើពិភពលោកទាំងមូល អំពីអត្ថន័យ សារសំខាន់នៃទំនាក់ ទំនងមិត្តភាពសាមគ្គីភាពពិសេស និងកិច្ចសហប្រតិបតិ្តការលើគ្រប់វិស័យឡាវ-វៀតណាម។
រីឯខ្លួនវិញ នាយករដ្ឋមន្រ្តីវៀតណាមលោក Nguyen Xuan Phuc បានមានប្រសាសន៍ថា៖ “តាងនាមឲ្យថ្នាក់ដឹកនាំជាន់ខ្ពស់ នៃប្រទេសទាំងពីរ ថ្ងៃនេះខ្ញុំនិងនាយករដ្ឋមន្រ្តីឡាវ លោក Thongloun Sisoulith សូមបំផុសជាផ្លូវការ ឆ្នាំសាមគ្គីភាពមិត្តភាពវៀតណាម-ឡាវ ឡាវ-វៀតណាម ២០១៧។ ខ្ញុំជឿជាក់ថា ព្រឹត្តិការណ៍នេះនឹងទទួលបានជោគជ័យយ៉ាងល្អប្រសើរ រួមចំណែកធ្វើឲ្យទំនាក់ទំនងមិត្តភាពប្រពៃណីនិង ចំណងសាមគ្គីភាពពិសេសវៀតណាម-ឡាវឋិតថេរជាអមតៈ”។
នាយករដ្ឋមន្រ្តីទាំងពីររូបជឿជាក់ថា ឆ្នាំសាមគ្គីភាពមិត្តភាពវៀតណាម-ឡាវ ឡាវ-វៀតណាម ២០១៧ នឹងរួមចំណែកឃោសនា អប់រំយ៉ាងទូលំទូលាយអំពី ទំនាក់ទំនងពិសេសរវាងប្រទេសទាំងពីរ ដើម្បីប្រជាជនគ្រប់ស្រទាប់នៃភាគីទាំងពីរយល់ដឹងយ៉ាងជ្រាលជ្រៅ និងមោទនៈអំពីទំនាក់ទំនងដ៏ស្មោះសរវាងប្រទេសទាំងពីរ៕
តាម VOV5 - វិទ្យុសំឡេងវៀតណាម