បន្តជំរុញការរៀនសូត្រ និងធ្វើតាមសតិអារម្មណ៍សីលធម៌របស់លោកប្រធានហូជីមិញ
នាព្រឹកថ្ងៃទី២០ ខែមិនា ឆ្នាំ២០១៧ នោទីក្រុង Hue គណៈកម្មាធិការឃោសនាអប់រំមជ្ឈឹម បានរៀបចំសន្និសីទ ស្ដីអំពីការអនុវត្តសារចរលេខ០៥ - CT/TW របស់ការិយាល័យនយោបាយ ស្ដីអំពីការជំរុញការរៀនសូត្រ និងធ្វើតាមសតិអារម្មណ៍ សីលធម៌ រចនាបទ របស់លោកប្រធានហូជីមិញ នៅបណ្ដាខេត្ត ទីក្រុងនៅតំបន់ភូមិភាគ កណ្ដាល Tay Nguyen ។ ឆ្លងកាត់ជិតមួយឆ្នាំអនុវត្តសារចរ លេខ ០៥ - CT/TW របស់ការិយាល័យនយោបាយ ស្ដីអំពីការជំរុញការរៀនសូត្រ និងធ្វើតាមសតិអារម្មណ៍ សីលធម៌ រចនាបទ របស់លោកប្រធានហូជីមិញ នៅបណ្ដាខេត្ត ទីក្រុងនៅតំបន់ភូមិភាគកណ្ដាល Tay Nguyen បានក្លាយជាកិច្ចការប្រចាំ ទៀងទាត់ ។ អញ្ជើញថ្លែងមតិនៅទីនេះ លោក Mai Van Ninh អនុប្រធានគណៈកម្មាធិការឃោសនា អប់រំមជ្ឈឹមបានសង្កត់ធ្ងន់ថា៖
យើងបានរៀបចំការរៀនសូត្រ និងធ្វើតាមសតិអារម្មណ៍ សីលធម៌ របៀបរស់នៅ របស់លោកប្រធានហូជីមិញ ឲ្យក្លាយជាកិច្ចការប្រចាំទៀងទាត់ ជាកិច្ចការ របស់បក្សនិងបក្ខជន។ បញ្ហារៀនសូត្រគឺយើងធ្វើបានហើយ ប៉ុន្តែការអនុវត្តតាមគឺត្រូវកំណត់លោតផ្លោះ។ ចំពោះបុគ្គលវិញ យើងត្រូវកសាងផែនការ ដើម្បីរៀនសូត្រ ហ្វឹកហ្វឺនសតិអារម្មណ៍ សីលធម៌ជានិច្ច។
នៅសន្និសីទនេះ បណ្ដាប្រតិភូបានចែករំលែកបទពិសោធន៍ របៀបធ្វើល្អរបស់សមូហភាព បុគ្គល ហើយដាក់ចេញនូវសំណើរ វិធានការ ដើម្បីបន្តការអនុវត្តសារចរលេខ ០៥ - CT/TW របស់ការិយាល័យនយោបាយប្រកបដោយជោគជ័យ ៕
តាម VOV5 - វិទ្យុសំឡេងវៀតណាម
