បណ្ដាសកម្មភាពរំលឹកខួបអនុស្សាវរីយ៍លើកទី៧០ទិវាយុទ្ធជនពលី យុទ្ធជនពិការ
ក្នុងបរិយាកាសប្រទេសទាំងមូលឆ្ពោះទៅពិធីរំលឹកខួបអនុស្សាវរីយ៍លើកទី៧០ ទិវាយុទ្ធជនពលី យុទ្ធជនពិការ (ថ្ងៃទី២៧ ខែកក្កដា ឆ្នាំ១៩៤៧-ថ្ងៃទី២៧ ខែកក្កដា ឆ្នាំ២០១៧) នាយប់ថ្ងៃទី១៥ ខែកក្កដា នៅឈាបនដ្ឋានវៀតណាម-ឡាវ នៅស្រុក Anh Son ខេត្ត Nghe An (ភាគកណ្ដាលវៀតណាម) បានប្រព្រឹត្តទៅពិធីអុជធូបរំលឹកវិញ្ញាណក្ខ័ន្ឌ ដោយប្រធានបទ “បទចម្រៀងវីរភាពវៀតណាម-ឡាវ”។ ថ្លែងមតិនៅទីនេះ ឧបនាយករដ្ឋមន្ត្រី លោក Vuong Dinh Hue បានអះអាងថា៖
“ សាច់ស្រស់ ឈាមស្រស់ របស់យុទ្ធជន និងអ្នកជំនាញការវៀតណាមជាច្រើន បានលាយផ្សុំជាមួយសាច់ស្រស់ ឈាមស្រស់របស់យុទ្ធជននិងប្រជាជនឡាវ ហើយនេះជានិមិត្តរូបដ៏ខ្ពង់ខ្ពស់ ភ្លឺស្វាង អំពីចំណងសាម្គីភាពពិសេស សម្ព័ន្ធភាពប្រយុទ្ធប្រឆាំងរវាងវៀតណាម-ឡាវ ក្នុងប្រវត្តិសាស្ត្រទំនាក់ទំនងរវាងបណ្ដាប្រទេស និងប្រជាជាតិទាំងឡាយលើពិភពលោក។” ក្នុងថ្ងៃដដែល បណ្ដាសកម្មភាពរំលឹកខួបអនុស្សាវរីយ៍លើកទី៧០ ទិវាយុទ្ធជនពលី យុទ្ធជនពិការ ក៏បានប្រព្រឹត្តទៅនៅខេត្ត Bac Giang, Gia Lai, ទីក្រុង Da Nang…លៗ ពិសេស នៅទីក្រុង Son La សមាគមពុទ្ធសាសនាវៀតណាម ខេត្ត Son La (ភាគខាងជើងវៀតណាម) បានរៀបចំមហាពិធីបង្សុកូល ឧទ្ទឹសកុសលជូនដល់វញ្ញាណខ័ណ្ឌវីរយុទ្ធជនពលី។ នេះជាឱកាសមួយដើម្បីជំនាន់ក្រោយៗ បង្ហាញនូវការដឹងគុណចំពោះយុទ្ធជនបដិវត្តន៍ ដែលបានពលីជីវិត ដើម្បីបុព្វហេតុតស៊ូប្រឆាំង រំដោះប្រទេសជាតិ៕
តាម VOV5 - វិទ្យុសំឡេងវៀតណាម
