នាយករដ្ឋមន្រ្តីវៀតណាមលោក Nguyen Xuan Phuc (ខាងស្ដាំ)និងរដ្ឋមន្រ្តី ការបរទេសនិងពាណិជ្ជកម្មប្រ៊ុយណេលោក Pehin Dato Lim Jock Seng (រូបថត៖chinhphu.vn)
នារសៀលថ្ងៃទី២៧ ខែកុម្ភៈ ឆ្នាំ២០១៧ នៅរដ្ឋធានីហាណូយ នាយករដ្ឋមន្រ្តីវៀតណាម លោក Nguyen Xuan Phucបានអញ្ជើញទទួលជួបសន្ទនា ជាមួយរដ្ឋមន្រ្តីការបរទេស និងពាណិជ្ជកម្មប្រ៊ុយណេ លោក Pehin Dato Lim Jock Seng ដែលកំពុងមកបំពេញទស្សនកិច្ចជាផ្លូវការនៅវៀតណាម និងចូលរួមសម័យប្រជុំលើកទី១ គណៈកម្មាធិការសហប្រតិបតិ្តការទ្វេភាគីវៀតណាម -ប្រ៊ុយណេ។ នៅទីនេះ នាយករដ្ឋមន្រ្តីលោក Nguyen Xuan Phuc អះអាងថា វៀតណាមស្វាគមន៍ និងរង់ ចាំព្រះមហាក្សត្រប្រ៊ុយណេ អញ្ជើញមកបំពេញទស្សនកិច្ចជាផ្លូវការ នៅវៀតណាម ក្នុងឱកាសចូលរួមសន្និសីទ APEC ២០១៧។ នាយករដ្ឋមន្រ្តី លោក Nguyen Xuan Phuc ក៏បានស្នើឲ្យប្រ៊ុយណេបង្កលក្ខណៈងាយស្រួលសំរាប់ក្រុមហ៊ុន សមាជិកនៃសម្ព័ន្ធក្រុមហ៊ុនប្រេងឧស្ម័នវៀតណាម ចូលរួមគំរោងការណ៍ អំពីប្រេងឧស្ម័ននៅប្រ៊ុយណេផងដែរ។ វៀតណាមត្រៀមខ្លួនជាស្រេចផ្លាស់ប្ដូរបទពិសោធន៍ ជាមួយប្រ៊ុយណេ ក៏ដូចជាអនុវត្តខ្លឹមសារសហប្រតិបតិ្តការលើវិស័យកសិកម្ម និងជលផល៕
តាម VOV5 - វិទ្យុសំឡេងវៀតណាម
